Efesios 5:18 - Emberá Chamí

¹⁸ Ituaba biu nibarã́sturu. Mauba kachirua aude waubibarii. Biu nibad̶ai audeara Dachi Akõre Jaurid̶eeba nureásturu.

Efesios 5:18 Referans Kwoze

Romanos 13:13

Dachi kĩra jipa nibad̶ai panuu ãyadaa nibabadau kĩra. Kĩrajʉʉ waubadau ewarid̶e biu nibad̶aabai panuu, kĩra nejasia wau nibad̶aabai panuu, oa kachirua berrea panad̶aabai panuu, maud̶e ab̶auba uru b̶uu ʉ̃rʉbena kachirua kʉ̃risiad̶aabai panuu.

1 Corintios 5:11

Maumaarã mʉʉba machi baita b̶ʉsii barikiuba ara ichi ãba aaruubʉrã, maamina barikiu kachirua wau niibʉrã, chi nejarra kʉ̃ria niibʉrã, Dachi Akõre kuenda juaba ne kaped̶aad̶amaa ʉtaa id̶i niibʉrã, setad̶eeba waabena kachirua jara niibʉrã, itua biu niibʉrã, maebʉrã chirua niibʉrã, mau ẽbẽra ome ãbua panad̶aabai panuu maud̶e ãbua kod̶aabai panuu.

1 Tesalonicenses 5:7

Chi kãi duaneebadaurã ẽsabud̶e kãi duaneebadau maud̶e chi itua biu nureerã ẽsabud̶e itua dobadau.

Lucas 12:45

Maamina mau chibari baita bari trajabariiba ichi sõd̶e mʉ chibari isa neebai aaruubʉrã, mauba sĩ kob̶eebarii chi chibari baita bari trajabadaurã maud̶e wẽrarã bari trajabadaurã. Mau awara koped̶a, doped̶a maud̶e ituaba biu nibai.

Lucas 11:13

Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ichi Jauri deabai b̶uka?

Tito 1:6

Ijãabadaurã nubarii ʉ̃rʉbena nebʉra barau nii ad̶ayuswãe b̶uu. Wẽra ab̶aburu uru b̶uai b̶uu. Chi warrarãba Cristod̶e ijãa panad̶ai panuu maud̶e jipa nibad̶ai panuu. Maka ẽbẽrarãba jarad̶aabai kachirua wau panuu maebʉrã ũribabaswãe nuree.

Lucas 21:34

»Kauwa panásturu Dachi Akõred̶e dauchia jãadua panad̶amera. Itua do nibarã́sturu, ne kʉ̃risiawẽa panásturu maud̶e nau kakuaba wau kʉ̃ria b̶uu waurã́sturu. Kauwa nibad̶awẽebʉrã, mau ewari machi ʉ̃rʉ neei, enabe chi ãnimara ʉ̃rʉ b̶aebarii kĩra. Mau ewari jomaurã ʉ̃rʉ maka neei.

1 Corintios 11:21

Jomaurã need̶ai naed̶e machicha chi chiko kobadau. Maud̶e chi nuree jarrbisia duaneebarii maud̶e chi nuree itua biu duaneebarii.

Mateo 23:25

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba basu maud̶e paratu chi ʉ̃rʉbena biꞌia jeraabadau, maamina ed̶are kachirua nuree. Ara mau kĩra machi sõd̶e bid̶a ne joma adaud̶ai kʉ̃riabadau maud̶e chi machiba kachirua kʉ̃riabadau, ara maka waubadau.

Mateo 24:49

Maud̶e waabenarã bari trajabadaurã sĩd̶ikai maud̶e itua dobadaurã ome b̶eeped̶a itua do b̶uai.

Juan 2:10

—Miakãibadau ewari wauduud̶e, jomaurãba uva b̶aa chi aude biꞌia b̶uu naa dead̶akabadau. Maka chi iud̶arãba ãrea doped̶aad̶akare, chi uva b̶aa ãrea balewẽa b̶uu dead̶akabadau. Maamina bichiba uva b̶aa chi aude biꞌia b̶uu mera uru b̶uad̶a jãabae dead̶akaaruu.