Efesios 4:10 - Emberá Chamí

¹⁰ Chi ʉtʉʉba ed̶aa need̶a waya bajãa chi aude ʉtʉ b̶uumaa wãsii ne joma ichi juad̶e ua b̶uamera.

Efesios 4:10 Referans Kwoze

Hebreos 7:26

Dachi Paare Mechiu Jesusba ne jomad̶e dachi poyaa aid̶ai. Kachirua waukau, ne jomad̶e jipa nii. Dachi Akõreba mau biꞌia unu b̶uu. Kachirua waubadaurã tãed̶ebena awara b̶uped̶a bajãad̶e chi mechiu b̶usii.

Hebreos 4:14

Dachi Akõre Warr Jesús, dachi Paare Mechiu bajãad̶aa wãsii. Ichid̶e ijãa panuu a panuud̶eeba biawãra ijãa panad̶ai panuu.

Colosenses 2:9

Cristo ẽbẽra kakuad̶e biawãra Dachi Akõrebʉ.

Colosenses 1:19

Dachi Akõreba kʉ̃riasii Cristo ara ichi kĩra b̶uai.

Mateo 24:34

Mʉʉba machimaa biawãra jaraaruu: nau ʉ̃raud̶ebena ẽbẽrarã biud̶ai naed̶e mau joma makai.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

Efesios 3:19

Ara dachi kʉ̃risiad̶eeba poyaa kuitaad̶akamina mʉʉba ʉtaa id̶i b̶uu machiba mau kuitaad̶amera. Kuitaaduubʉrã ne jomad̶e Dachi Akõre kĩra nuread̶ai.

Hechos 1:9

Jesusba maka jarasiid̶e Dachi Akõreba ʉtaa adoesii. Ãchiba ichia panuud̶e mau jʉ̃rʉara tãed̶e wãsii maabae makaa unud̶aabasii.

Hebreos 8:1

Chi kʉ̃risia bia daiba jara panuu naubʉ: dachi Paare Mechiu bajãad̶e Dachi Akõre rey ãkau jua biare akʉ b̶uu,

Hechos 3:18

Maamina maud̶eeba Dachi Akõreba naed̶e jarad̶a joma makabisii. Ichi baita berreabadaurãd̶eeba jarasii ichiba Dachi Karibabarii deai jarad̶a ãrea puꞌuaped̶aad̶ad̶ebena dauchia jãadua b̶uaped̶a biui b̶uasii.

Hechos 2:33

Dachi Bajãad̶ebena Akõreba ichi jua biare Jesús chi mechiu b̶usii. Maabae ichi Jauri deai jarad̶a Jesusmaa deasii ichid̶irãmaa deamera. Jesusba mau Jauri biawãra daimaa deasii. Machiba unu panuu maud̶e ũri panuu ichi Jauriba maka waubi b̶uu.

Hechos 1:11

Mau ẽbẽraba naka jarasid̶au: —Machi Galilead̶ebena, ¿sakãe bajãad̶aa ichia panuma? Jesús machi baara b̶uad̶a bajãad̶aa wãd̶a waya neei ichi bajãad̶aa wãd̶a kĩra.

Juan 19:36

Joma mau biawãra makasii Dachi Akõre bed̶ead̶e b̶ʉ kub̶uu kĩra. Naka b̶ʉ kub̶uu: «Ichi b̶ʉʉrʉ ab̶a bid̶a b̶ʉitad̶aabai».

Juan 19:28

Maka jarasiid̶e Jesusba kuitaasii joma ichiba waui b̶uad̶a wausii. Maud̶e jarasii: —Mʉ obisia b̶uu. Mau jarasii Dachi Akõre bed̶ead̶e jara b̶uu kĩra.

Juan 19:24

Maud̶e kokoroarãba ãchi du ab̶a jarasid̶au: —Nau kõetad̶aabai panuu. Bari bibuara b̶uu jemened̶ai, kaiba chi paru adooi kuitaad̶ai baita. Mau makasii Dachi Akõre bed̶ead̶e nabẽraed̶e b̶ʉd̶a kĩra: «Mʉ anab̶ari jʉ̃barii ãchicha adausid̶au; mʉʉba ekare jʉ̃ b̶uad̶a adaud̶ai baita jemenesid̶au». Biawãra kokoroarãba maka wausid̶au.

Juan 1:16

Ichi mechiu niid̶eeba, sõbiad̶eeba dachi aid̶a b̶uabachii maud̶e sõbiad̶eeba aid̶abarii.

Lucas 24:44

Mau maad̶akare ãchimaa jarasii: —Mʉ wabid̶a machi baara b̶uasiid̶e jara b̶uabachii mʉ ʉ̃rʉbena naa b̶ʉped̶aad̶a joma makai b̶uu. Mau Moisesba b̶ʉsii, Dachi Akõre baita berreabadaurãba b̶ʉsid̶au, maud̶e Salmos kartad̶e bid̶a b̶ʉ kub̶uu.

2 Corintios 12:2

Cristod̶e ijãabarii ẽbẽra ab̶a mʉʉba unubarii. Año 14 basiid̶e, Dachi Akõreba mau ãba bajãad̶aa ichi b̶uumaa adoesii. Mʉʉba adua b̶uu Dachi Akõreba ichi chi kakua adoe b̶uasii maebʉrã ab̶aburu ichi jauri adoe b̶uasii. Dachi Akõréburu mau kuitaa b̶uu.