Efesios 3:10 - Emberá Chamí

¹⁰ Jãabae ẽbẽrarã, Dachi Akõred̶eeba Ichiba ichi ne jomad̶e ãrea kuitaa b̶uu kuitaabiasii chi meserãa nureerãmaa maud̶e bajãad̶ebena chi mechiu nureerãmaa.

Efesios 3:10 Referans Kwoze

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.

Efesios 6:12

Ẽbẽrarã ome chĩo panuuwãema. Maumaarã jai kachiruarã nau iujãa pãriud̶ebenarã ómeburu chĩo panuu. Maarã dachiba unud̶akau chi mechiu nureerãbʉ, chi ʉtarebena jai kachiruarã karrarãbʉ.

1 Corintios 2:7

Daiba chi Dachi Akõre kʉ̃risia kuitaa naed̶e kuitaabiawẽa b̶uad̶a jaradea panuu. Nau iujãa waui naed̶e Dachi Akõreba mau kʉ̃risia kuitaad̶eeba ne waui b̶usii dachi ichi ome ãbua biꞌia nuread̶amera.

Romanos 11:33

Dachi Akõre ãrea kuitaa nii maud̶e kʉ̃risia kuitaa nii. Ichiba waui kʉ̃risia b̶uu ab̶a bid̶a poyaa kuitaad̶aabai. Ichiba wau b̶uu sid̶a poyaa kuitaad̶aabai.

Efesios 1:21

Dachi Akõreba ichi jomaurã mechiu b̶usii: jai kachirua karrarã audeara, bajãad̶ebena chi mechiu nuree audeara, chi poyaabadau audeara maud̶e chi aude jua chaarea nuree audeara. Nau ewarid̶e ichi jomaurã audeara chi mechiu nii maud̶e kaad̶ebena ewarid̶e bid̶a maka b̶uai.

Efesios 1:3

Dachi Mechiu Jesucristo Akõremaa biꞌia berread̶ai panuu. Cristo ome panuud̶eeba ichi Jaurid̶eeba chi bia joma dachimaa bajãad̶ebena dea b̶uu.

1 Corintios 1:24

Maamina Dachi Akõreba chi nuree judiorã maud̶e chi nuree judiowãerã iusii Cristod̶eeba karibai baita. Maarãba kuitaa panuu Dachi Akõreba Cristod̶eeba chi poyaabarii maud̶e kʉ̃risia kuitaa unubiasii.

1 Pedro 3:22

Jesucristo chokae jiraduped̶a, bajãad̶aa wãped̶a Dachi Akõre jua biare b̶uu. Joma angelerã, joma jai kachiruarã chi mechiurã maud̶e chi meserãa nuree ichi juad̶e uru b̶uu.

Colosenses 1:16

Ichid̶eeba Dachi Akõreba ne joma wausii. Bajãad̶e nuree, nau druad̶e nuree, dachiba unubadau maud̶e dachiba unud̶akau joma wausii. Joma chi dachiba unud̶akau jaradea ua b̶uabadaurã, chi mechiurã maud̶e chi meserãa nuree wausii. Dachi Akõreba Cristod̶eeba joma wausii maud̶e Cristo baita wausii.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

Efesios 1:8

Ichi sõbiad̶eeba dachi ãrea aid̶aped̶a joma kʉ̃risia kuitaa maud̶e kʉ̃risia kauwa dachimaa deasii.

Romanos 8:38

Maud̶eeba mʉʉba kuitaa b̶uu dachi biuduubʉrã maebʉrã chokae panuubʉrã, Dachi Akõreba dachi kʉ̃riad̶ebena awara panad̶aabai. Nau ewarid̶e maud̶e kaad̶ebena ewarid̶e awara panad̶aabai. Maud̶e angelerãba, jai kachiruarãba, chi jai kachirua mechiurãba, chi ʉtʉbenarãba, chi ekarebenarãba, maebʉrã ab̶a bid̶a Dachi Akõreba waud̶ad̶ebena bid̶a dachi ichiba kʉ̃riad̶ebena poyaa ãyaa duanud̶aabai. Ara mau kʉ̃ria, Dachi Mechiu Jesucristod̶eeba unubiasii.

Efesios 1:23

Ẽbẽrarã Cristod̶erã ichi kakuabʉ. Ãchi ne jomad̶e ichid̶eeba panuu maud̶e ne joma ichid̶eeba b̶uu.

Colosenses 2:10

Machi Cristod̶e ẽbẽrarãd̶eeba, ichid̶eeba joma uru panuu Dachi Akõre ome biꞌia nuread̶ai baita. Mau joma chi meserãa nuree Mechiubʉ.

Colosenses 2:15

Maud̶eeba Dachi Akõreba joma dachiba unud̶akau chi mechiu nuree poyaasii. Mau waud̶a ichiba jomaurãmaa unubiasii.