Efesios 2:19 - Emberá Chamí

¹⁹ Maud̶eeba machi judiowãerã waa drua ãid̶ebenarã kĩra nuread̶aabai, maumaarã Dachi Akõre puurud̶ebenarã ome ãbua panuu; machi ẽbẽrarã Dachi Akõred̶erãbʉ.

Efesios 2:19 Referans Kwoze

Filipenses 3:20

Maamina dachi bajãad̶ebenarãbʉ. Dachi Karibabarii mamauba neei esed̶au panuu. Mau Dachi Mechiu Jesucristobʉ.

1 Juan 3:1

Ichiásturu saka Dachi Akõreba dachi ãrea kʉ̃ria b̶uu. Ichiba ãrea kʉ̃ria b̶uud̶eeba dachi ichi warrarã abarii. Biawãra dachi ichi warrarãbʉ. Nau iujãad̶ebenarãba mau adua panuu, ichi unud̶akaud̶eeba.

Gálatas 6:10

Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

Efesios 2:12

Kĩrabásturu naed̶e machi Cristowãe nureasii maud̶e israeld̶ebenarãwãe basii. Dachi Akõre ãchi ome bed̶ea deasiid̶e ichiba machimaa ab̶a bid̶a deai bad̶a jaraabasii. Mau awara machi saka biꞌia nuread̶aiswãe panasid̶au maud̶e nau druad̶e Dachi Akõreswãe nureasii.

Efesios 3:6

Ichiba kuitaabiawẽa b̶uad̶a naubʉ: judiowãerãba chi bed̶ea biꞌia Cristo ʉ̃rʉbena ijãa panuud̶eeba judiorã ome ãbua Dachi Akõreba deaid̶ebena adaud̶ai, arab̶au kakuad̶e panuu, maud̶e Dachi Akõreba Jesucristod̶eeba deai jarad̶a ãbua uru panuu.

Hebreos 11:13

Joma maarã ẽbẽrarã Dachi Akõred̶e ijãa badaped̶aad̶a biusid̶au. Maamina Dachi Akõreba deai jarad̶a ãchiba nau iujãad̶e adaud̶aabasii. Maamina kuitaasid̶au kaad̶ebena ewarid̶e ichiba joma deai. Maud̶eeba kĩrajʉʉsid̶au maud̶e arakʉd̶e jarasid̶au nau iujãad̶e ãchi ãyarebena druad̶ebena kĩra duanuu maud̶e ãibena druacha duanuu.

Efesios 3:15

Ichiba joma bajãad̶e nuree maud̶e nau iujãad̶e nuree wausii maud̶e ichid̶eeba nuree.

Hebreos 13:14

Nau iujãad̶e dachi puuru wãꞌãekaud̶e panuuwãema, maumaarã esed̶au panuu puuru wãꞌãekaud̶e panad̶ai baita.

1 Pedro 2:11

Mʉ ãbarã, nau iujãad̶e machi ãibena druad̶ebenarãb̶u. Maud̶eeba mʉʉba machimaa chi chuburia id̶iiruu nau kakuaba kachirua wau kʉ̃ria b̶uu ida b̶ud̶amera. Mau ara dachi ome chĩo b̶uu.