Efesios 2:18 - Emberá Chamí

¹⁸ Cristod̶eeba dachi omeeba arab̶au Bajãad̶ebena Akõremaa poyaa ara kaita need̶ai, ichi arab̶au Jaurid̶eeba.

Efesios 2:18 Referans Kwoze

Efesios 3:12

Dachiba ara mau Jesucristod̶e ijãa panuud̶eeba maud̶e ichi ome ãbua panuud̶eeba Dachi Akõremaa wapeawẽa ʉtaa id̶id̶ai panuu.

1 Corintios 12:13

Chi nuree dachid̶ebena dachi judiorãbʉ, chi nuree dachid̶ebena judiowãerãbʉ, chi nuree dachid̶ebena chi chibari baita bari trajabadaurãbʉ, chi nuree dachid̶ebena chibariswãe nureerãbʉ. Maamina Dachi Akõre Jauri ara ab̶a niiba dachi jomaurã kakua ab̶ad̶e b̶usii. Joma dachiba Dachi Akõre Jauri arab̶au nii adausid̶au.

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

Efesios 4:4

Dachi kakua ara ab̶aburu b̶uu. Dachi Akõre Jauri ara ab̶aburu inid̶au. Dachi Akõreba machi iusii ara mau esed̶au panad̶amera.

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Juan 10:9

»Mʉ chi poraabʉ. Chi mʉʉd̶eeba ed̶a wãaruu kachiruad̶ebena karibai. Ãrea jirukaraayuwãe b̶uai, ichiba wãꞌãe b̶uu Dachi Akõreba joma deaid̶eeba.

Juan 10:7

Maud̶eeba Jesusba naka jarasii: «Mʉʉba biawãra jaraaruu, mʉ chi oeja ed̶a wãbadau poraa.

Colosenses 1:12

Maka kĩrajʉʉ Dachi Bajãad̶ebena Akõremaa biꞌia nii ad̶ai. Machi joma ichi ẽbẽrarã ome ʉ̃d̶aad̶e biꞌia b̶usii ichiba uru b̶uud̶ebena adaud̶amera.

Gálatas 4:6

Machi Dachi Akõre warrarãd̶eeba ichi Warr Jauri bʉisii machi sõd̶e b̶uamera. Ichi Jauri dachi sõd̶e b̶uuba «¡Mʉ Chacha!» abarii kuitaad̶amera dachi Ichi warrarãbʉ.

Romanos 8:15

Machiba Dachi Akõre Jauri adausid̶aud̶e machi wapeabiabasii, chi chibari baita bari trajabarii makabarii kĩra. Maumaarã machi duanusii Dachi Akõre warrarã bad̶amera maud̶e «Chacha» ad̶amera.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

1 Corintios 8:6

Maamina dachimaarã Dachi Akõre ab̶aburu nii. Ichi dachi Bajãad̶ebena Akõrebʉ. Ichiaburu ne joma wausii. Dachi ichi baita chokae panuu. Maud̶e Dachi Mechiu Jesucristo ab̶aburu nii. Ichid̶eeba Dachi Akõreba ne joma wausii. Ichid̶eeba dachi chokae panuu.

Hebreos 7:19

maud̶e mau Moisesba b̶ʉd̶aba ab̶a bid̶a jipa nibabiabasii. Mau Moisesba b̶ʉd̶a audeara Dachi Akõreba ne bia deasii dachi karibai baita. Maud̶eeba dachi Dachi Akõremaa ara kaita wãbadau.

Efesios 3:14

Maud̶eeba mʉ dachi Bajãad̶ebena Akõre daad̶e õdarrd̶e kob̶eebarii.

Judas 1:20

Maamina ãbarã, machicha aid̶ásturu Cristod̶e ãrea ijãad̶amera. Dachi Akõremaa ichi Jaurid̶eeba ʉtaa id̶ísturu.

1 Pedro 1:21

Cristod̶eeba machiba Dachi Akõred̶e ijãa panuu. Dachi Akõreba ichi biu b̶uad̶a chokae jiradubiped̶a chi mechiu b̶usii. Maud̶eeba machiba Dachi Akõred̶e biawãra ijãa panuu maud̶e esed̶au panuu Dachi Akõreba jarad̶a joma waumera.

1 Pedro 1:17

Machiba Dachi Akõremaa berreaduud̶e machi Chacha abadaubʉrã, kuitásturu Ichiba ẽbẽra waabenarã audeara kʉ̃riakaud̶eeba joma ichiai dachiba wauped̶aad̶a. Maud̶eeba wabid̶a nau iujãad̶e ãibenarã kĩra panuumisa ewaricha ichi wapea panuud̶eeba jipa nibásturu.

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Santiago 3:9

Dachi kẽrameba Dachi Bajãad̶ebena Mechiumaa biꞌia berreabadau maud̶e ara mau kẽrameba ẽbẽrarãmaa kachirua jarabadau, Dachi Akõreba mau ẽbẽra ara ichi kĩra waud̶amina.