Colosenses 3:4 - Emberá Chamí

⁴ Machi Cristod̶eeba chokae panuud̶eeba, ichi waya unubiiruud̶e machi ichi ome panad̶ai. Maud̶e ara ichi kĩra, kĩrawãrea panad̶ai.

Colosenses 3:4 Referans Kwoze

Juan 11:25

Jesusba jarasii: —Mʉ biud̶arã chokae jiradubiabarii maud̶e chokae b̶uai deabarii. Barikiuba mʉʉd̶e ijãaruubʉrã, biurumina ewaricha Dachi Akõre ome chokae nibai.

1 Juan 3:2

Ãbarã, dachi Dachi Akõre warrarãbʉ. Dachi Akõreba wabid̶a unubiawẽa b̶uu dachi saka nuread̶ai. Maamina kuitaa panuu Cristo neeruud̶e ichi kĩra nuread̶ai, mau ewarid̶e ichi saka nii unud̶aid̶eeba.

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

1 Pedro 1:13

Maud̶eeba kʉ̃risia kuitaad̶eeba panásturu biꞌia waud̶ai baita. Kĩra jipa panásturu. Kakua ãkaad̶awẽa esed̶au panásturu Jesucristo unuuduu ewarid̶e Dachi Akõreba ichi sõbiad̶eeba machimaa ne bia deamera.

Filipenses 3:21

Ichi neeruud̶e chi kakua biui b̶uu ãyaa waui. Maud̶e ichi kakua kĩra ãrea biꞌia b̶eei. Ichi poyaabariid̶eeba maka waui. Mau poyaabariid̶eeba ichiba ne joma poyaai.

Juan 17:24

»Chacha, bichiba nau iujãa waui naed̶e mʉ kʉ̃ria b̶uu. Maud̶eeba bajãad̶e mʉ chi mechiu b̶usii. Mʉʉba kʉ̃ria b̶uu joma bichiba mʉʉmaa dead̶arã aria mʉ baara nuread̶ai bichiba mʉ chi mechiu b̶ud̶a unud̶amera.

1 Pedro 5:4

Maabae Cristo dachi Nubarii chi Mechiu neeruud̶e machi chi mechiurã babiai boro jũra ãrikau dearuu kĩra.

1 Juan 2:28

Mʉ warrarã, Cristo ome ãbua panásturu. Maka ichi neeruud̶e wapead̶awẽa maud̶e kĩra nejasiad̶awẽa nuread̶ai ichi daad̶e.

Hebreos 9:28

Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.

Apocalipsis 22:14

»Ãrea biꞌia duanuu chi paru tõd̶aped̶a jʉ̃ duanuu. Maarã puurud̶e ed̶a wãd̶ai panuu chi jõo ewaricha chokae b̶uai deabarii kod̶ai baita.

1 Corintios 15:43

Kakua biꞌiawãe nii jau b̶ubadau maamina kakua bia nii chokae jiradui. Kakua meserãaswãe nii jau b̶ubadau maamina kakua meserãa nii chokae jiradui.

Apocalipsis 22:1

Mau maad̶akare angelba do pawãraa b̶uu mʉʉmaa unubisii. Biirio kĩra dod̶aa b̶uasii. Mau baniaba ewaricha chokae b̶uai deabarii. Dachi Akõre maud̶e Oeja Kaebe Nii rey ãkau bia b̶uareeba mau do puurud̶ebena o jõparrea b̶uu ẽsa eab̶ari b̶uu. Mau do kĩarecha bakuru chi jõo ewaricha chokae b̶uai deabarii poe basii. Añod̶e b̶es 12 ome chaubarii, jed̶ako ewaricha chaubariid̶eeba. Chi kiruu ʉrrmid̶ia kĩra b̶uu, druachabenarã jaiswãe panad̶amera.

Judas 1:24

Dachi Akõreba machi poyaa nu ua b̶uai b̶uu kachiruad̶e b̶aerãad̶amera. Ichi kĩrawãrea daad̶e kachiruaswãe poyaa biꞌia b̶ui. Aria machi kĩrajʉʉ panad̶ai.

1 Juan 5:12

Biawãra chi Dachi Akõre Warrd̶e ijãa b̶uu mau ome ewaricha chokae b̶uai. Maamina chi Dachi Akõre Warrd̶e ijãawẽa b̶uu mau ome ewaricha chokae b̶uabai.

Tito 2:13

Dachi biꞌia panad̶ai ewari esed̶au panuumisa maka panad̶ai panuu. Mau ewarid̶e Dachi Karibabarii Jesucristo neeruud̶e, ichi kĩrawãrea unud̶ai Ichi Dachi Akõre chi mechiud̶eeba.

Mateo 13:43

Maamina chi jipa b̶ee ãchi Akõre juad̶e ʉmada kĩra ted̶echoa panad̶ai. Chi kʉʉrʉ bara niiba kauwa ũrise.

2 Timoteo 4:8

Mʉʉba jipa wau b̶uu baita Dachi Mechiuba mʉ baita boro jũra nu uru b̶uu. Ichiba jipa ichiabariid̶eeba mau boro jũra mʉʉmaa deai ichiba ichiaruud̶e. Maamina ab̶aburu mʉʉmaa deabai, maumaarã joma ichi neei ewari unu kʉ̃ria nureerãmaa deai.

2 Corintios 4:17

Dai ʉ̃raud̶e ãrea biꞌiwãe paneebadamina, mauba dai aid̶a b̶uu, maad̶akare chi Dachi Akõre kĩrawãread̶e ewaricha panad̶ai baita. Mau kĩrawãrea aude bibuara b̶uai chi id̶ibae b̶aꞌãra biꞌiwãe paneebadau audeara.

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Juan 14:3

Mʉ mau biꞌia waud̶e wãaruubʉrã, waya neei machi uad̶oi baita mʉ ome nuread̶amera.

2 Timoteo 1:1

Mʉ Pablobʉ. Dachi Akõreba kʉ̃riasiid̶eeba mʉ Jesucristoba bʉid̶a. Ichiba mʉ bʉisii Dachi Akõreba deai jarad̶a chokae b̶uai ʉ̃rʉbena jarad̶e wãmera. Mau chokae b̶uai Jesucristod̶ebena b̶uu.

1 Tesalonicenses 4:17

Ara makʉd̶e dachi, chi chokae nuree, maarã ome ãbua ʉtaa wãd̶ai Dachi Mechiu baara jʉ̃rʉarad̶e unud̶ai baita. Maka Dachi Mechiu ome ewaricha duanad̶ai.

1 Corintios 1:7

Machiba Dachi Mechiu Jesucristo unud̶ai baita esed̶au panuumisa, Dachi Akõreba ichi Jaurid̶eeba dea b̶uu joma uru panuu.

Juan 20:31

Maamina joma nau b̶ʉsii machiba Jesús Dachi Akõreba Dachi Karibabarii deai jarad̶a, Dachi Akõre Warr ijãad̶amera. Maka ijãaduubʉrã ichid̶eeba chokae b̶uai uru nuread̶ai.

Apocalipsis 2:7

Chi kʉʉrʉ bara niiba ũrise chi Jauriba ãbarãmaa jara b̶uu. Chi kachirua waud̶ai poyaa ida b̶uped̶aad̶amaa chi nejõo bakuru chokae nibabiabariid̶ebena koi ida kabii. Mau bakuru Dachi Akõre drua biad̶e nub̶uu.

Hechos 3:15

Maka machiba chi dachi Chokae Nibabiabarii beasid̶au. Maamina Dachi Akõreba ichi biui b̶uad̶a chokae jiradubisii. Mau chokae jiradud̶a unusid̶au.

Lucas 17:30

»Mʉ, chi Ẽbẽra Ba B̶uad̶a neei ewarid̶e ara mau kĩra makai.

Romanos 8:18

Mʉʉmaarã, chi nau id̶ibaebena dachi ãrea biꞌiwãe panuu b̶aꞌãra b̶uu, chi kaad̶ebena ewarid̶e Dachi Akõreba dachi biꞌia duanui audeara.

Romanos 8:19

Joma Dachi Akõreba waukuad̶aba esed̶au b̶uu ichi warrarã biꞌia paneeduu isa unubimera,