Colosenses 3:13 - Emberá Chamí

¹³ Jomaurã ome jãaduai kuitaa panásturu. Ab̶auba kachirua wauruubʉrã mau kachirua waud̶a perdonásturu. Machiba kachirua wauped̶aad̶a Dachi Mechiuba kʉde b̶eei ida b̶ud̶a kĩra machia bid̶a kʉde b̶eei ida b̶ústuru.

Colosenses 3:13 Referans Kwoze

Efesios 4:32

Sõbiad̶eeba nureásturu. Kĩra chuburia baraa nureásturu. Chi machiba kachirua wauped̶aad̶a kʉde uru b̶ee ida b̶ústuru, Dachi Akõreba machi kachirua Cristod̶eeba ida b̶ud̶a kĩra.

Marcos 11:25

Maud̶e machiba Dachi Akõremaa ʉtaa id̶i panuud̶e barikia ẽbẽra ome kĩra kachirua panuubʉrã, mau ẽbẽraba kachirua waud̶a perdonásturu. Makaaruubʉrã machiba kachirua wauped̶aad̶a machi Bajãad̶ebena Akõreba perdonai.

Santiago 2:13

Chi waabenarã kĩra chuburiakau Dachi Akõreba ichiaruud̶e kĩra chuburiabai. Maud̶e chi waabenarã kĩra chuburiabadau biꞌia nuread̶ai.

Efesios 4:2

Machi waabenarã audeara biꞌia nuree kʉ̃risiarã́sturu. Kʉ̃riad̶eeba chiya dauchia jãadua nureásturu.

Mateo 6:12

Daiba kachirua wauped̶aad̶a perdonakuase, daimaa kachirua wauduu daiba perdonabadau kĩra.

2 Corintios 6:6

Dai jipa nibaped̶aad̶ad̶eeba, biawãra kʉ̃risia kuitaad̶eeba, joma dauchia jãadua panuud̶eeba, sõbiad̶eeba, Dachi Akõre Jauri dai sõd̶e b̶uud̶eeba, biawãra kʉ̃riad̶eeba, chi biawãra bed̶ea jaradea panuud̶eeba, maud̶e Dachi Akõre poyaaba maka unubi panuu. Dai jipa panuud̶eeba kachirua poyaabadau maud̶e ara mau jipa panuud̶eeba daiba chi kachiruamaa ida poyaabid̶akau.

Gálatas 6:2

Nebʉrad̶e panuud̶e chiya aid̶ásturu. Maka Cristoba waubi b̶uu machiba joma waud̶ai.

2 Corintios 2:10

Ab̶auba kachirua waud̶a machiba kʉde uru b̶ee ida b̶uuduubʉrã mʉa bid̶a kʉde uru b̶uu ida b̶ui. Kachirua mʉʉba kʉde uru b̶uu ida b̶ui biawãra b̶uasiibʉrã, mau kachirua Cristo daad̶e joma perdonasii machi biꞌia duanad̶amera.

Lucas 23:34

[Maud̶e Jesusba jarasii: «Chacha, jãarãba wau panuu kʉde b̶eerã́se. Jãarãba adua panuu kãare wau panuu».] Mau awara chi kokoroarã Jesús paru saka dead̶akad̶ai kuitaad̶ai baita jemenesid̶au.

Lucas 11:4

Daiba kachirua wauped̶aad̶a perdonakuase, daimaa kachirua wauduu daiba perdonabadau kĩra. Dai kachiruad̶e b̶aebiarã́se, maumaarã kachiruad̶ebena aid̶ase”.

Mateo 5:44

Maamina mʉʉba jaraaruu: machi kĩramaabadaurã kʉ̃riásturu. Chi machimaa kachirua jaraaduumaa biꞌia jarásturu; machi kĩramaa panuu biꞌia wáusturu. Dachi Akõremaa ʉtaa id̶ísturu ãchi aid̶amera.

1 Pedro 2:21

Cristo machi kakua ãrea biꞌiwãe b̶uasiid̶eeba Dachi Akõreba machi iusii ãrea biꞌiwãe panad̶amera. Cristo ãrea biꞌiwãe b̶uasiid̶e unubiasii machi nebʉrad̶e panuud̶e saka nibad̶ai panuu.

Romanos 15:7

Cristoba machi biꞌia irsibid̶a kĩra, chiya biꞌia irsibísturu. Mau unuuduud̶e ẽbẽrarãba Dachi Akõremaa biꞌia berread̶ai.

Colosenses 3:12

Dachi Akõreba machi kʉ̃riad̶eeba jʉrʉ adausii ichi baita biꞌia nuread̶amera. Maud̶eeba waabenarã kĩra chuburia panásturu. Ẽbẽra bia panásturu. Machi waabenarã audeara biꞌia nuree kʉ̃risiarã́sturu. Jomaurã ome kʉ̃risia biad̶eeba panásturu. Ne jomad̶e jãadua panásturu.

Efesios 5:2

Jomaurã kʉ̃riásturu Cristoba dachi kʉ̃ria b̶uu unubid̶a kĩra. Kʉ̃riad̶eeba dachi kakua ara ichi beabisii Dachi Akõremaa ãnimara baa dearuu kĩra. Dachi Akõreba mau biꞌia unusii.