Colosenses 2:9 - Emberá Chamí

⁹ Cristo ẽbẽra kakuad̶e biawãra Dachi Akõrebʉ.

Colosenses 2:9 Referans Kwoze

Colosenses 1:19

Dachi Akõreba kʉ̃riasii Cristo ara ichi kĩra b̶uai.

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

Juan 10:30

Mʉ, mʉ Chacha ome arab̶au nid̶au.

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

Juan 10:38

Maamina ichiba wau b̶uu mʉʉba wau b̶uubʉrã, mʉʉba jara b̶uu kakua machiba ijãad̶awẽa panumina mʉʉba wau b̶uu kakua ijã́sturu. Maka machiba biawãra kuitaad̶ai mʉ Chacha mʉ ome nii maud̶e mʉ, mʉ Chacha ome nii.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.

Juan 14:20

Mʉ neeruud̶e machiba kuitaad̶ai mʉ, mʉ Chacha ome b̶uu, machi mʉ baara panuu maud̶e mʉ machi baara b̶uu.

Juan 17:21

Chacha, bichi mʉ ome b̶uud̶eeba maud̶e mʉ bichi ome b̶uud̶eeba mʉʉba id̶i b̶uu ãchi sid̶a dachi ome chi kakua ab̶a b̶uu kĩra nuread̶amera. Maka nau iujãad̶e nureeba ijãad̶ai bichiba mʉ bʉisii.

Tito 2:13

Dachi biꞌia panad̶ai ewari esed̶au panuumisa maka panad̶ai panuu. Mau ewarid̶e Dachi Karibabarii Jesucristo neeruud̶e, ichi kĩrawãrea unud̶ai Ichi Dachi Akõre chi mechiud̶eeba.

Lucas 3:22

Ewaped̶a Dachi Akõre Jauri bajãad̶ebena paloma kĩra ichi ʉ̃rʉ neesii. Maud̶e bajãad̶ebena mimi ab̶a ũrisid̶au. Naka jarasii: «Bichi mʉ Warr chi mʉʉba kʉ̃ria inii. Bichi kakua mʉ ãrea kĩrajʉʉ b̶uu».

Mateo 1:23

«Wẽra mukĩra adua nii warr baraai maabae warr ab̶a adaui. Ẽbẽrarãba chi warr Emanuel trʉ̃ad̶ai». (Mau trʉ̃ jara b̶uu «Dachi Akõre dachi baara b̶uu»).

2 Corintios 5:19

Biawãra Cristod̶eeba Dachi Akõreba nau iujãad̶ebenarã ichi ome waya ãbua duanabiasii. Dachiba kachirua wauped̶aad̶a joma perdonasii. Maud̶e mau bed̶ea ichi ome biꞌia b̶uai ʉ̃rʉbena daimaa deasii jaradead̶amera.

1 Juan 5:7

Maud̶e bajãad̶e õbea panuuba mau biawãra arab̶aud̶e jara panuu; Dachi Bajãad̶ebena Akõreba maka jara b̶uu, chi «Bed̶ea» abadauba maka jara b̶uu maud̶e ichi Jauriba maka jara b̶uu. Mau õbea panuu ab̶aburubʉ.

Juan 2:21

Jesusba nau de mechiu asiid̶e ara ichi ʉ̃rʉbena jara b̶uasii.

Juan 1:16

Ichi mechiu niid̶eeba, sõbiad̶eeba dachi aid̶a b̶uabachii maud̶e sõbiad̶eeba aid̶abarii.

Hechos 17:29

»Dachi Akõre warrarãbʉrã, kʉ̃risiad̶aabai panuu Dachi Akõre nee waud̶a, parata waud̶a maebʉrã mo waud̶a, mau ẽbẽraba ara ichi kʉ̃risiad̶eeba wausiid̶eeba.

Lucas 14:22

Chi chibari baita bari trajabariiba maka wausiid̶e jarasii: “Bichiba jarad̶a kĩra mʉʉba wausii, maamina wabid̶a de bari kub̶uu”.