Colosenses 2:15 - Emberá Chamí

¹⁵ Maud̶eeba Dachi Akõreba joma dachiba unud̶akau chi mechiu nuree poyaasii. Mau waud̶a ichiba jomaurãmaa unubiasii.

Colosenses 2:15 Referans Kwoze

Hebreos 2:14

Maarã kiuru maud̶e oa nureed̶eeba Jesús sid̶a arab̶aud̶e maarã ẽbẽra kĩra neesii ichi biuruuba jʉbawãe nii poyaai baita. Jʉbawãe niiba poyaa biubiabarii.

Efesios 4:8

Dachi Akõre bed̶ead̶e naka b̶ʉ kub̶uu: «Ichi ʉtaa wãsiid̶e ichiba ichi kĩramaabadaurã poyaad̶a adoesii jʉ̃ʉka ua b̶uai baita. Maabae ẽbẽrarãmaa ne bia dead̶akasii».

Mateo 12:29

Ẽbẽra dadarraa nii naa jʉ̃wẽebʉrã, ¿saka ichi ded̶e ed̶a nechiruad̶e wãima? Ab̶a maka jʉ̃ nub̶uuruubʉrã poyaa chiruai b̶uu.

Efesios 6:12

Ẽbẽrarã ome chĩo panuuwãema. Maumaarã jai kachiruarã nau iujãa pãriud̶ebenarã ómeburu chĩo panuu. Maarã dachiba unud̶akau chi mechiu nureerãbʉ, chi ʉtarebena jai kachiruarã karrarãbʉ.

Juan 16:11

Maud̶e Dachi Akõre Jauriba kuitaabiai nau iujãad̶ebenarã nebʉrad̶e panuu, Dachi Akõreba nau iujãad̶ebena rey nebʉra bara b̶uu asiid̶eeba.

Lucas 10:18

Maud̶eeba Jesusba ãchimaa jarasii: —Maerã, mʉʉba unu b̶uasii Satanás bajãad̶ebena bã b̶aebarii kĩra b̶aeruu.

Apocalipsis 20:10

Mau maad̶akare Dachi Akõreba jʉbawãe nii ẽbẽrarã setaa kũrua uru b̶uad̶a chob̶ea mar kĩra azufre bara aoko nub̶uud̶e jiratai. Naed̶e Dachi Akõreba ãnimara kachirua b̶uu, Dachi Akõre baita berreabarii chi biawãrawãe sid̶a mau tʉbʉ aokod̶e jiratasii. Chi maarã maud̶e jʉbawãe nii sid̶a ewaricha ãyadaa maud̶e ẽsabud̶e ãrea biꞌiwãe panad̶ai.

Colosenses 1:16

Ichid̶eeba Dachi Akõreba ne joma wausii. Bajãad̶e nuree, nau druad̶e nuree, dachiba unubadau maud̶e dachiba unud̶akau joma wausii. Joma chi dachiba unud̶akau jaradea ua b̶uabadaurã, chi mechiurã maud̶e chi meserãa nuree wausii. Dachi Akõreba Cristod̶eeba joma wausii maud̶e Cristo baita wausii.

Lucas 11:22

Maamina ichi audeara ẽbẽra chi aude chaarea b̶uu neeped̶a ichi ome poyaaruubʉrã, ichi neko juakaa adaui. Maabae joma ichiba uru b̶uad̶a juakaa adauped̶a chi kõpaerorãmaa dead̶akai.

2 Corintios 4:4

Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Juan 19:30

Jesusba mau uva b̶aa orekea do chaaped̶a jarasii: —Mʉʉba waui b̶uad̶a joma wausii. Maabae ichi boro ed̶aa jaab̶arisiid̶e biusii.

1 Corintios 15:24

Kaad̶ebena ewarid̶e Cristoba jai kachiruarã jaradea ua b̶uabadaurã, jai kachiruarã mechiurã maud̶e jai kachirua meserãa nuree joma poyaai. Maabae ichid̶irã ichi juad̶e nuree Dachi Bajãad̶ebena Akõremaa deai.

2 Corintios 2:14

Dachi Akõremaa bichíturu kid̶ibai ad̶ai panuu. Jesucristoba joma poyaaped̶a jomaurã daad̶e puurud̶e dai adoeruu maud̶e daid̶eeba druacha ichi ʉ̃rʉbena kuitaabi b̶uu. Cristo ʉ̃rʉbena jaradea panuud̶e Dachi Akõre daad̶e dai kera kĩra tuwaa panuu. Maud̶e ichi ʉ̃rʉbena kuitaai, mau kera kĩra b̶uu. Chi Dachi Akõreba karibai panuu ẽbẽrarãba maud̶e chi karibaabai panuu ẽbẽrarãba mau kera ʉ̃badau.

Efesios 3:10

Jãabae ẽbẽrarã, Dachi Akõred̶eeba Ichiba ichi ne jomad̶e ãrea kuitaa b̶uu kuitaabiasii chi meserãa nureerãmaa maud̶e bajãad̶ebena chi mechiu nureerãmaa.

Colosenses 2:10

Machi Cristod̶e ẽbẽrarãd̶eeba, ichid̶eeba joma uru panuu Dachi Akõre ome biꞌia nuread̶ai baita. Mau joma chi meserãa nuree Mechiubʉ.