Colosenses 2:14 - Emberá Chamí

¹⁴ Biawãra kachirua wau panuud̶eeba dachi Dachi Akõremaa deai b̶uu dead̶ai panasid̶au. Maud̶eeba Moisesba b̶ʉd̶ad̶e b̶ʉ kub̶uu dachi biud̶ai panuu. Maamina Cristo cruzd̶e biusiid̶e Dachi Akõreba mau dead̶ai panad̶a joma ida b̶usii.

Colosenses 2:14 Referans Kwoze

Hebreos 8:13

Dachi Akõreba bed̶ea chiwid̶i deai asiid̶e kuitaabisii ichiba naed̶e bed̶ea dead̶a chi chõra b̶uu. Chi chõrad̶eeba kãꞌãabariwãed̶e ãyaa b̶ui.

Hebreos 7:18

Chi naa b̶ʉd̶a Dachi Akõreba wãꞌãebisii ab̶a bid̶a aid̶akaud̶eeba,

Colosenses 2:20

Machi Cristo ome ãbua biusid̶aud̶eeba nau iujãad̶ebena jauri mechiurãd̶e ijãad̶aabai panuu. Mau ¿sakãe wabid̶a mau kʉ̃risia ijãa panuma nau iujãad̶ebenarã ijãabadau kĩra?

1 Pedro 2:24

Cristoba dachi kachirua ichi ʉ̃rʉ cruzd̶e adoesii dachi kachiruad̶ebena biud̶aped̶a jipa nuread̶amera. Ichi kakua puꞌuasid̶aud̶eeba machi biꞌia paneesid̶au.

Hechos 3:19

Machiba chi kachirua ida b̶ud̶aped̶a Dachi Akõremaa nésturu. Maka wauduubʉrã machiba kachirua wauped̶aad̶a Dachi Mechiuba perdonaped̶a sõbiabiai,

2 Tesalonicenses 2:7

Ʉ̃raud̶aa chi kachirua miru waumaa b̶uu, maamina chi ida b̶uwẽa b̶uuba mau ẽbẽra kachirua nii ida neebiwẽa b̶uu. Maka b̶uai ab̶a Dachi Akõreba chi ida b̶uwẽa b̶uu ãyaa adoeruud̶aa.

Lucas 1:6

Ãchi omea Dachi Akõre daad̶e jipa panasid̶au. Dachi Mechiuba waubii jarad̶a joma wau panuud̶eeba kachirua jarad̶ayuswãe panasid̶au.