Colosenses 1:25 - Emberá Chamí

²⁵ Dachi Akõreba mʉ ichi ẽbẽrarã baita trajabarii b̶usii. Maud̶eeba ichi bed̶ea joma arakʉd̶e machimaa jaradea b̶uu.

Colosenses 1:25 Referans Kwoze

Efesios 3:2

Mʉʉmaarã machiba ãrea kuitaa panuu Dachi Akõreba ichi sõbiad̶eeba mʉ b̶usii machimaa jaradeamera.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

1 Timoteo 4:6

Timoteo, bichiba joma mau ãbarãmaa jaradea b̶uaruubʉrã, Jesucristo baita bari trajabarii biꞌia b̶uai. Dachi Akõre chi biawãra bed̶ea dachiba ijãa panuu ijãa kãriid̶eeba bichi jauri chaarea wari b̶uai biꞌia ko b̶uu kĩra.

1 Corintios 9:17

Ara michi kʉ̃ria jaradea b̶uubʉrã, chi nejarra adaui b̶uu. Maamina ara michi kʉ̃ria jaradeawẽa b̶uu. Dachi Akõréburu mʉʉmaa jaradeabisiid̶eeba, mʉʉba makai b̶uu.

1 Corintios 3:5

Maamina ¿Pablo kaima? ¿Apolos kaima? Dai Dachi Akõre baita bari trajabadaubʉ. Daid̶eeba machiba Dachi Mechiud̶e ijãasid̶au. Dachi Akõreba daicha waubiad̶a kĩra wausid̶au.

Efesios 3:7

Dachi Akõreba ichi sõbiad̶eeba mʉ ichi baita trajabarii b̶usii mau bed̶ea bia Cristo ʉ̃rʉbena jaradeamera. Ichi poyaabariid̶eeba maka wausii.