Colosenses 1:17 - Emberá Chamí

¹⁷ Ne joma waui naed̶e Cristo b̶uasii. Joma ichid̶eeba nuree.

Colosenses 1:17 Referans Kwoze

Hebreos 1:3

Ichi Warrba Dachi Akõre kĩrawãrea ted̶echoa unubiabarii. Ara ichid̶eeba Dachi Akõre saka nii kuitaabiabarii. Ichi bed̶ea poyaabarii b̶uuba joma waud̶a ichi juad̶e arakʉd̶e uru b̶uu. Ichiba dachi kachirua jeraaped̶a Dachi Akõre Mechiu jua biare bajãad̶e akʉ b̶eesii.

1 Corintios 8:6

Maamina dachimaarã Dachi Akõre ab̶aburu nii. Ichi dachi Bajãad̶ebena Akõrebʉ. Ichiaburu ne joma wausii. Dachi ichi baita chokae panuu. Maud̶e Dachi Mechiu Jesucristo ab̶aburu nii. Ichid̶eeba Dachi Akõreba ne joma wausii. Ichid̶eeba dachi chokae panuu.

Hechos 17:28

“ichid̶eeba dachi panabadaud̶eeba, dachi nibabadaud̶eeba maud̶e dachi chokae nureed̶eeba”. Maud̶eeba chi nuree machid̶ebena bed̶ea mipitaa b̶ʉbadaurãba jarasid̶au: “Dachi ichi warrarãbʉ”.

Juan 17:5

Maud̶eeba Chacha, mʉ bichi daad̶e chi mechiu b̶use bichi ome nau iujãad̶e waui naed̶e maka nibad̶a kĩra.

Juan 8:58

Jesusba panausii: —Mʉʉba biawãra jaraaruu: Abraham chi naweba adaui naed̶e Mʉʉbʉ.

Apocalipsis 1:8

Dachi Mechiuba jarasii: «Mʉ chi Joma Poyaabarii Dachi Akõrebʉ, chi Alfabʉ maud̶e chi Omegabʉ. Mau jara b̶uu mʉ chi nabenabʉ maud̶e chi kaad̶ebenabʉ. Mʉ chi nibad̶abʉ, chi niibʉ maud̶e chi neei baita b̶uubʉ».

Colosenses 1:15

Chi Dachi Akõre dachiba unud̶akau, mau Jesucristod̶eeba unubadau. Ichi Dachi Akõre Nabena Warrd̶eeba joma Dachi Akõreba waud̶a chi Mechiu.

Apocalipsis 1:17

Ichi unusiid̶e ichi jʉ̃rʉ kaita peraba jeed̶a b̶ari b̶eesii. Maamina ichi jua bia mʉ ʉ̃rʉ kub̶uped̶a jarasii: «Perarã́se. Mʉ chi nabenabʉ maud̶e kaad̶ebenabʉ.

Hebreos 13:8

Jesucristo june ãyaa b̶uakau. Nuid̶a nibad̶a kĩra id̶i bid̶a maka nii, maud̶e ewaricha maka nibai.

Apocalipsis 2:8

»Chi Esmirna puurud̶ebena ijãabadaurã nubarii ángel baita kartad̶e naka b̶ʉse: »Chi Nabena maud̶e Kaad̶ebena, chi biud̶a bad̶a waya chokae niiba naka jara b̶uu:

Apocalipsis 1:11

Mauba jarasii: «Bichiba unuuruu kartad̶e b̶ʉped̶a ãbarã 7 puuru b̶eed̶e duanuurãmaa urubʉise: Efesod̶aa, Esmirnad̶aa, Pergamod̶aa, Tiatirad̶aa, Sardisd̶aa, Filadelfiad̶aa maud̶e Laodicead̶aa».