Apocalipsis 8:2 - Emberá Chamí

² Mau maad̶akare mʉʉba 7 angelerã Dachi Akõre daad̶e akʉ topanuu unusii. Maarãmaa kachu 7 deasii.

Apocalipsis 8:2 Referans Kwoze

Apocalipsis 11:15

Chi kaad̶earebena angelba ichi kachu chaasii. Maud̶e bajãad̶e ãreaba jĩkua berreasid̶au. Naka jarasid̶au: «Chi nau iujãad̶ebenarã reyrãba ãchi juad̶e naed̶e ua panaped̶aad̶a, Dachi Mechiu maud̶e ichi Cristo omeeba mau joma ãchi juad̶e ua paneesid̶au. Id̶iiba waitaa jomaurã ichi juad̶e ua b̶uai».

Lucas 1:19

Chi angelba Zacariasmaa jarasii: —Mʉ Gabrielbʉ, Dachi Akõreba jarad̶a waubarii. Ichiba mʉ bichimaa bʉisii mau bed̶ea bia jaramera.

Apocalipsis 8:6

Maabae chi 10 angelerãba kachu 7 chaad̶ai baita kopaneesid̶au.

Mateo 18:10

»Warr chekerã kʉ̃riad̶ai ida b̶urã́sturu. Mʉʉba jaraaruu: angelerã mʉ Chacha daad̶e panuuba ãchi nubadau.

Apocalipsis 16:1

Maud̶e mʉʉba Dachi Akõre de bajãad̶e kub̶uareeba ab̶aba jĩwa berrearuu ũrisii. 7 angelerãmaa nau jarakuasii: «Chi sãu Dachi Akõre kĩru kub̶uuba waabiru nub̶uu iujãad̶e eakoad̶e wã́sturu».

Apocalipsis 15:1

Maabae mʉʉba waya maucha ne makai biꞌia b̶uu bajãad̶e unusii. Mau kakua ẽbẽrarãba kãare kʉ̃risiad̶ai adua paneesii. Angelerã 7 duanasii. Ãchi ab̶aab̶aa chi kaad̶earebena ne kachirua uru panasid̶au mauba biꞌiwãe paneebiad̶ai baita. Dachi Akõreba maka kastikaped̶a, chi kĩrubi wãꞌãe.

Mateo 24:31

Maud̶e kachu ãrea jĩwa chaaruud̶e mʉʉba angelerã drua b̶eecha wãbiai Dachi Akõreba jʉrʉ adaud̶arã araa ãbua imibiad̶amera.

Lucas 21:36

Maud̶eeba ãrea kauwa panásturu. Dachi Akõremaa ewaricha ʉtaa id̶i panásturu mau ewari kachiruad̶ebena ichiba karibamera maud̶e mʉ, chi Ẽbẽra Ba B̶uad̶a daad̶e perad̶awẽa panad̶ai baita».

1 Corintios 15:52

Maka b̶uud̶e, ara makʉd̶e, kaad̶ebena kachu jĩwaaruud̶e maka kĩra awara paneed̶ai. Biawãra Dachi Akõre kachu jĩwai. Maud̶e biuped̶aad̶a chi kakua b̶eraad̶akaud̶e chokae jiradud̶ai. Maud̶e dachi wabid̶a chokae nuree dachi kakua kĩra awara paneed̶ai.

1 Tesalonicenses 4:16

Maumaarã Dachi Mechiu bajãad̶ebena neei. Berrearuu jĩwa ũrid̶ai, ángel chi mechiu sid̶a berrearuu ũrid̶ai, maud̶e Dachi Akõre kachu jĩwa chaaruu ũrid̶ai. Maud̶e chi Cristod̶e ijãabadaurã biuped̶aad̶a naa chokae jiradud̶ai.

Apocalipsis 1:4

Mʉ Juanbʉ. Nau karta b̶ʉmaa b̶uu ãbarã Asia druad̶e 7 puurud̶ebenarã baita. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uai maud̶e jirukaraayuwãe b̶uabiai. Mau chi nibad̶abʉ, chi niibʉ maud̶e chi neei baita b̶uubʉ. Maud̶e mʉʉba kʉ̃ria b̶uu Dachi Akõre rey ãkau bia b̶uu daad̶e 7 jauri panuuba maka wau panad̶ai.

Apocalipsis 8:13

Mʉʉba ʉtaa ichiasiid̶e ũrisii nejõo ab̶a ʉtʉ ũub̶ari kãriiba naka jara kãrii: «¡Mia pera! ¡Mia pera! ¡Mia pera! Ẽbẽrarã nau iujãad̶ebena kĩra chuburiad̶ai chi waabena angelerãba ãchi kachu chaaduud̶e!»

Apocalipsis 9:1

Mau maad̶akare june ab̶a angelba ichi kachu chaasii. Ara maud̶e mʉʉba pusterrea ab̶a nau iujãad̶e b̶aeruu unusii. Ab̶auba mau pusterreamaa llave ab̶a poraa eakarr ed̶aa chob̶ea ewabarii deasii.