Apocalipsis 3:17 - Emberá Chamí

¹⁷ Machiba chi nejarr barau nuree a panuu, ne joma uru panuu a duanuu, maud̶e ne ab̶a bid̶a wãꞌãe nistad̶ai baita a duanuu. Maamina adua panuu machi miichuburi duanuu, kachirua duanuu, ne ab̶a bid̶a uru panuuwãe, dau pãriu duanuu maud̶e ãkad̶aa duanuu.

Apocalipsis 3:17 Referans Kwoze

Apocalipsis 2:9

»Mʉʉba machiba wau panuu kuitaa b̶uu. Ãrea biꞌiwãe panuu maud̶e chi nejarr barauwãe nuree kuitaa b̶uu. Maamina Dachi Akõred̶eeba machi ne bara nuree. Maka panumina machi Dachi Akõred̶eeba chi nejarr barau nuree kĩra nuree. Mʉʉba kuitaa b̶uu chi nuree judiorãba machi ʉ̃rʉbena miadaa berreabadau. Maarãba Dachi Akõred̶erã abadamina Satanasd̶ebʉ.

Romanos 7:24

¡Mʉ miichuburi! ¿Kaiba mʉ enaima nau chi kakua biui b̶uuba kachirua wau kʉ̃ria b̶uud̶ebena?

Lucas 1:53

Chi nejarr barauwãe nureerãmaa ne bia joma deasii, maamina chi nejarra barau nuree ãyaa jua bari wãbiakuasii.

Mateo 9:12

Ãchiba maka id̶iiduud̶e Jesusba ũriped̶a jarasii: —Ẽpermo nureeba ʉrrmid̶ia deabarii jʉrʉd̶akau. Maumaarã chi ẽpermo nuréburu jʉrʉbadau.

Apocalipsis 16:15

Maarãba hebreo bed̶ead̶e Armagedón abadau druad̶aa chi reyrã chĩod̶e uad̶osid̶au. «¡Ũrísturu! Mʉ nechiru kĩra neei. Biꞌia panad̶ai chi mʉ neeruu esed̶au panuu maud̶e paru uru nuree. Maka mʉ neeruud̶e maarã ewaraa panad̶aabai maud̶e kĩra nejasia panad̶aabai».

Romanos 12:3

Dachi Akõreba ichi sõbiad̶eeba mʉ b̶usii ichi baita ne wau b̶uamera. Maud̶eeba mʉʉba machimaa nau jaraaruu: ab̶au bid̶a kʉ̃risiabai b̶uu ara ichi chi mechiu nii. Machiba Cristod̶e ijãaped̶aad̶ad̶eeba Dachi Akõreba machicha aꞌawaraa deasii ne waud̶amera. Maud̶eeba ichiba dead̶a kĩra machiba wau panuu biꞌia kʉ̃risiásturu.

2 Pedro 1:9

Maamina chi maka wauwẽa b̶uu dau tõroroa b̶uu kĩra b̶uu, maebʉrã dau pãriu b̶uu kĩra b̶uu. Ichiba kĩrabaabasii chi naed̶e kachirua wau b̶uad̶a Dachi Akõreba joma jeraasii.

Mateo 5:3

«Biꞌia panuu machi chi miichuburi nuree unubadau, Bajãad̶e B̶uuba machi ichi juad̶e ua b̶uud̶eeba.

Lucas 6:24

“Maamina miichuburi panad̶ai machi chi nejarra ãrea bara nuree; nau ewarid̶éburu kĩrajʉʉ panad̶ai b̶uud̶eeba.

Romanos 11:25

Ãbarã, mʉʉba kʉ̃ria b̶uu Dachi Akõreba ne naed̶e kuitaabiawẽa b̶uad̶a machiba kuitaad̶ai. Maka judiorã audeara biꞌia nuree kʉ̃risiad̶aabai. Dachi Akõreba naed̶e kuitaabiawẽa b̶uad̶a naubʉ: ãrea judiorã sõ chaarea paneesid̶au maud̶e maka paneed̶ai ab̶a joma chi Cristod̶e ijãad̶ai panuu judiowãerãba ijãaduud̶aa.

Romanos 11:20

Biawãra maka b̶uu. Maamina Dachi Akõreba ãchi ida b̶usii Cristod̶e ijãad̶aabasiid̶eeba. Maabae machi jʉrʉ adausii Cristod̶e ijãasid̶aud̶eeba. Maud̶eeba machi judiorã audeara biꞌia nuree kʉ̃risiarã́sturu, maumaarã Dachi Akõre wapeadee panásturu.

Apocalipsis 3:16

Maamina machi bania wãsia kĩra nuree; mʉ ida b̶ud̶akamina, biawãra sõd̶eeba nibad̶akau. Maud̶eeba mʉʉba machi ida b̶ui, mʉ okarrd̶ebena bania jʉ̃ʉrʉa id̶uuruu kĩra.