Apocalipsis 3:15 - Emberá Chamí

¹⁵ »Machiba wau panuu mʉʉba kuitaa b̶uu. Mʉ ida b̶ud̶awẽa panuu maamina sõd̶eeba mʉ baara nid̶auwãe. Maka machi bania kũrasãa kĩra nureewãe maud̶e bania wãsia kĩra. Sõd̶eeba biawãra ichi baara wãd̶awẽebʉrã, mʉʉmaarã bibuara b̶uu mʉ baara akawa nibad̶aabai b̶uu.

Apocalipsis 3:15 Referans Kwoze

Romanos 12:11

Koꞌoa panarã́sturu, maumaarã chokekea panásturu. Chi Dachi Mechiu Jesusba kʉ̃ria b̶uu sõd̶eeba joma wáusturu.

Mateo 6:24

»Ab̶au bid̶a poyaa ichi chibari ome uru b̶uabai. Ome uru b̶uubʉrã ab̶a aude kʉ̃riai. Ab̶a baara wãi, maud̶e chi ab̶au b̶ʉi. Arab̶aud̶e chi nejarra barau nibai kʉ̃ria b̶uu poyaa Dachi Akõre ome b̶uabai.

Santiago 1:8

Ichi kʉ̃risia ome uru b̶uud̶eeba arab̶au kʉ̃risiad̶e b̶uakau.

Apocalipsis 2:4

Maamina mʉʉba nau miadaa unu b̶uu: chi kʉ̃ria machiba naed̶e uru panad̶a id̶i jãabae ãrea uru panuuwãe.

Mateo 24:12

Kachirua ãrea baraaruud̶eeba ãreaba waabenarã kʉ̃ria panad̶a ida b̶ud̶ai.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

Filipenses 1:9

Mʉʉba Dachi Akõremaa ʉtaa id̶i b̶uu machi ãrea chiya kʉ̃ria nuread̶amera, ichi biꞌia kuitaad̶amera maud̶e saka nibad̶ai panuu kuitaad̶amera.

2 Corintios 12:20

Mʉʉba wapea b̶uu machimaa wãped̶a machi unuubai mʉʉba unu kʉ̃ria b̶uu kĩra. ¡Maud̶e machiba mʉ unud̶aabai machiba kʉ̃ria panuu kĩra, machi iadaaid̶eeba! Biawãra mʉʉba wapea b̶uu unud̶e wãi machi oa kachirua berrea panuu, waabenarãba ne uru panuu kakua kĩra kachirua panuu, kĩru panuu, ara machi biꞌia panad̶ai baita jʉrʉ panuu, waabenarã ʉ̃rʉbena oa kachirua berrea panuu, waabenarã ʉ̃rʉbena setaa jara panuu, chi aude mechiu nii kʉ̃risia panuu, maud̶e kĩrubika bara b̶uu.

Mateo 10:37

Ab̶auba chi akõre maebʉrã chi nawe mʉ audeara ãrea kʉ̃ria b̶uubʉrã, mau mʉ baara poyaa nibaabai. Ab̶aba chi warr maebʉrã chi kau mʉ audeara ãrea kʉ̃ria b̶uubʉrã, mau mʉ baara poyaa nibaabai.

Apocalipsis 3:1

»Chi Sardis puurud̶ebena ijãabadaurã nubarii ángel baita kartad̶e naka b̶ʉse: »Chi Dachi Akõre daad̶e 7 jauri uru b̶uuba maud̶e 7 pusterrea uru b̶uuba naka jara b̶uu: »Machiba wau panuu mʉʉba kuitaa b̶uu. Ẽbẽrarãba jara panuu machiba Dachi Akõre ãrea ijãa panuud̶eeba chokae nuree. Maamina biawãra ara machiba Dachi Akõred̶e ijãad̶awẽa panuud̶eeba chi biud̶arãbʉ.

Apocalipsis 2:2

»Mʉʉba machiba wau panuu kuitaa b̶uu. Mʉ baita ãrea traja panuu maud̶e ãrea biꞌiwãe panuud̶e joma dauchia jãadua panuu kuitaa b̶uu. Machiba chi kachirua waubadaurãmaa ida kabid̶akau kuitaa b̶uu. Chi nuree machimaa wãd̶aped̶a maabae Jesucristoba bʉid̶arã abachid̶au. Maamina machiba kauwa ichia panuud̶eeba kuitaasid̶au maarã chi seta nuree.

2 Tesalonicenses 1:3

Ãbarã, daiba ewaricha machi baita Dachi Akõréturu kid̶ibai abadau. Daiba maka waubadau biꞌia b̶uu. Machiba ewaricha Cristo biꞌia ijãa panuu maud̶e biꞌia chiya kʉ̃ria panuu.

1 Corintios 16:22

Barikiuba Dachi Mechiu Jesucristo kʉ̃riawẽebʉrã, Dachi Akõreba mau ẽbẽra nebʉra barau ai. ¡Uche, Dachi Mechiu!

Apocalipsis 3:16

Maamina machi bania wãsia kĩra nuree; mʉ ida b̶ud̶akamina, biawãra sõd̶eeba nibad̶akau. Maud̶eeba mʉʉba machi ida b̶ui, mʉ okarrd̶ebena bania jʉ̃ʉrʉa id̶uuruu kĩra.