Apocalipsis 22:8 - Emberá Chamí

⁸ Mʉ Juanbʉ. Joma mau unusii maud̶e ũrisii. Mau maad̶akare mʉ ángel jʉ̃rʉ kaita õdarrd̶e kob̶eesii biꞌia berreai baita. Makasii chi mauba mʉʉmaa unubisiid̶eeba.

Apocalipsis 22:8 Referans Kwoze

Apocalipsis 19:10

Ara makʉd̶e mʉ chi ángel jʉ̃rʉ kaita õdarrd̶e kob̶eesii biꞌia berreai baita. Maamina mauba mʉʉmaa jarasii: «Mau waurã́se, Dachi Akõréturu biꞌia kʉ̃riáse. Bari mʉ Dachi Akõre baita bari trajabariibʉ bichi kĩra, maud̶e ãbarã Jesusba jaradead̶a ijãabadaurã kĩra». Jesusba jaradead̶a Dachi Akõre Jauriba chi ichi baita berreabadaurãmaa berreabiabarii.

Apocalipsis 1:1

Mʉ Jesucristo baita bari trajabarii Juanbʉ. Nau kartad̶e b̶ʉ b̶uu Jesucristoba bajãad̶ebena mʉʉmaa unubid̶a. Mau Dachi Akõreba Jesucristomaa unubisii ichid̶e ijãa nureerãmaa unubiamera kãꞌãabariwãed̶e kãare sãai b̶uu. Jesucristoba ángel mʉʉmaa bʉisii mau unubimera.

Apocalipsis 19:19

Maabae mʉʉba ãnimara kachirua, nau iujãad̶ebena reyrã, maud̶e joma ãchi kokoroarã ãbua imiped̶aad̶a unusii. Ãbua panasid̶au chi mura ʉ̃rʉ akʉ b̶uu ome chĩod̶ai baita maud̶e chi ichi baara panuu kokoroarã ome chĩod̶ai baita.

Hechos 10:26

Maamina jiradubiped̶a, Pedroba naka jarasii: —¡Jiraduse! Mʉ sid̶a ẽbẽra mukĩra nii, bichi kĩra.

Apocalipsis 1:4

Mʉ Juanbʉ. Nau karta b̶ʉmaa b̶uu ãbarã Asia druad̶e 7 puurud̶ebenarã baita. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uai maud̶e jirukaraayuwãe b̶uabiai. Mau chi nibad̶abʉ, chi niibʉ maud̶e chi neei baita b̶uubʉ. Maud̶e mʉʉba kʉ̃ria b̶uu Dachi Akõre rey ãkau bia b̶uu daad̶e 7 jauri panuuba maka wau panad̶ai.