Apocalipsis 22:15 - Emberá Chamí

¹⁵ Maamina chi kachirua waubadaurã, jaibanarã, chi dachi kakuaba barikiu kachirua waubadaurã, chi junebena ome kãi paneebadaurã, mia beabadaurã, Dachi Akõre kuenda juaba ne kaped̶aad̶a kʉ̃riabadaurã maud̶e chi setarã joma awara duaneed̶ai.

Apocalipsis 22:15 Referans Kwoze

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».

Filipenses 3:2

Ẽbẽrarã usa kĩra nureed̶ebena kauwa duanásturu, maarãba kachirua waubadaud̶eeba. Maarãba jaradeabadau mukĩra chi kakua tõod̶ai panuu ẽbẽrarã Dachi Akõred̶erã nuread̶ai baita.

Apocalipsis 21:27

Maamina joma Dachi Akõreba biꞌia unukau mau puurud̶e ed̶a adoed̶aabai. Ne kachirua waubadaurã, chi Dachi Akõreba kʉ̃riakau waubadaurã maud̶e chi seta id̶aa nuree ed̶a wãd̶aabai. Ab̶a chi ewaricha chokae duanabarii kartad̶e trʉ̃ kub̶éturu poyaa ed̶a wãd̶ai. Mau karta Oeja Kaebe Niiba uru b̶uu.

Colosenses 3:6

Joma mau kachirua baita Dachi Akõreba ichid̶e ijãad̶akau nuree kastikai.

Apocalipsis 18:23

Ʉ̃d̶aa koabarii waa unud̶aabai. Miakãiduud̶e kĩrajʉʉbadau waa ũrid̶aabai. Arabena ne kaebea nedobʉibadaurã nau iujãad̶e chi mechiu nureasii. Ariabena jaibanarãba druachabenarã joma setaa kũruabachid̶au.

Hechos 8:11

Mau jaibana kaad̶e wãsid̶au chi mauba ewari ãrea wau b̶uuba, setaa kũrua ua b̶uasiid̶eeba.

Mateo 8:12

Maamina Dachi Akõreba ẽbẽrarã chi naa jʉrʉ adau kʉ̃ria b̶uad̶a pãriud̶aa duabʉikai. Aria kĩra nomaa jẽa panad̶ai maud̶e puꞌuaba kid̶a kʉrrʉa ko panad̶ai.

Juan 8:46

¿Kai machid̶ebenaba mʉʉba biawãra kachirua wau b̶uu aima? Mʉʉba biawãra bed̶ea jaraaruubʉrã, ¿sakãe mʉ bed̶ea ijãad̶awẽa panuma?

Mateo 7:6

»Dachi Akõre baita b̶uu usarãmaa dearã́sturu ara machi kaabiabayua. Machi perla chi nejarr ãrea id̶ibadau sinamaa dearã́sturu ʉ̃rʉ tʉarãad̶amera.

1 Timoteo 1:10

junebena ome kãi topaneebadaurã baita, ãchi arab̶aurã ome mia pera waubadaurã baita, ẽbẽrarã jidaud̶aped̶a nedobʉibadaurã baita, setaa jarabadaurã baita, chi juez kĩraare setaa jarabadau baita maud̶e chi biawãra bed̶ea jara b̶uu waud̶akaurã baita.