Apocalipsis 21:6 - Emberá Chamí

⁶ Maud̶e mʉʉmaa naka jarasii: «Jãabae mau joma wau kub̶uu. Mʉ chi Alfabʉ maud̶e chi Omegabʉ. Mau jara b̶uu mʉ chi nabenabʉ maud̶e chi kaad̶ebenabʉ. Bari obisia b̶uubʉrã, mʉʉba iorod̶e bania bumadru b̶uud̶ebena bari dobiai. Mau baniaba ewaricha chokae nibabiabarii.

Apocalipsis 21:6 Referans Kwoze

Juan 4:10

Jesusba panausii: —Dachi Akõreba dea b̶uu bichiba kuitaaibʉrã maud̶e cha bania id̶i b̶uu kai kuitaaibʉrã, bichiba mʉʉmaa bania id̶ii basii. Maabae mʉʉba bania chokae b̶uabibarii deai basii.

Apocalipsis 7:17

Chi Oeja Kaebe Nii rey ãkaud̶e akʉ b̶uuba maarã nu b̶uai. Maarã uad̶oi chi chokae nibabiabarii iorod̶e bania bumadru b̶uumaa dod̶amera. Mau ewarid̶e Dachi Akõreba ãchi dau b̶aa joma jarekuai.

Juan 4:14

Maamina chi mʉʉba dea b̶uu bania dooruubʉrã waa obisiabai. Chi mʉʉba dea b̶uu bania ichid̶e ewaricha che b̶uu maud̶e mau ẽbẽra Dachi Akõre ome ewaricha chokae b̶uai.

Romanos 8:32

Biawãra Dachi Akõreba ichi Warr wãakaabasii maumaarã joma dachi kakua ida beabisii. Maud̶eeba ¿ichiba dachimaa joma biꞌia Cristo ome ãbua deabaika?

Apocalipsis 22:17

Dachi Akõre Jauriba maud̶e chi Oeja Kaebe Nii kima abadauba naka jara b̶uu: «¡Uche!» Chi mau kartad̶e b̶ʉ kub̶uu ũriiruu bid̶a jarai b̶uu «¡Uche!» Chi obisia b̶uuba bania chi ewaricha chokae b̶uai deabarii dod̶e neei b̶uu. Mau bania kʉ̃ria b̶uuba bari dod̶e neei b̶uu.

Apocalipsis 1:8

Dachi Mechiuba jarasii: «Mʉ chi Joma Poyaabarii Dachi Akõrebʉ, chi Alfabʉ maud̶e chi Omegabʉ. Mau jara b̶uu mʉ chi nabenabʉ maud̶e chi kaad̶ebenabʉ. Mʉ chi nibad̶abʉ, chi niibʉ maud̶e chi neei baita b̶uubʉ».

Romanos 3:24

Maamina Dachi Akõreba ichi sõbiad̶eeba ẽbẽra ab̶a chi ichid̶irã jipa nuree baara duanubarii, ne kaebea bari dearuu kĩra. Maka unubarii Jesucristoba kachiruad̶ebena karibasiid̶eeba.

Apocalipsis 22:13

Mʉ chi Alfabʉ maud̶e chi Omegabʉ. Mau jara b̶uu mʉ chi nabenabʉ maud̶e chi kaad̶ebenabʉ.

Apocalipsis 16:17

Mau maad̶akare june ab̶a kaad̶earebena angelba ichi sãud̶e uru b̶uad̶a ʉtʉ ed̶aa eabʉisii. Ara maud̶e Dachi Akõre de bajãad̶e kub̶uumare chi rey ãkau kub̶uareeba jĩwa naka jarasii: «Jãabae ara basma».

Apocalipsis 1:17

Ichi unusiid̶e ichi jʉ̃rʉ kaita peraba jeed̶a b̶ari b̶eesii. Maamina ichi jua bia mʉ ʉ̃rʉ kub̶uped̶a jarasii: «Perarã́se. Mʉ chi nabenabʉ maud̶e kaad̶ebenabʉ.

1 Corintios 2:12

Dachiba nau iujãad̶ebena kʉ̃risia adaud̶aabasii, maumaarã Dachi Akõre Jauri adausid̶au joma Dachi Akõreba ichi sõbiad̶eeba dead̶a kuitaad̶amera.

Apocalipsis 10:6

Maabae Dachi Akõre trʉ̃d̶eeba berreasii chi nau iujãad̶ebena, bajãad̶ebena, mard̶ebena joma waud̶a. Dachi Akõre ewaricha chokae nii trʉ̃d̶eeba naka jarasii: «Dachi Akõreba jarad̶a kãꞌãabariwãed̶e joma makai.

1 Corintios 3:12

Ab̶auba mau ʉ̃rʉ de bia wauruubʉrã, ichiba wau b̶uu nee, parata maebʉrã mo dod̶aa mipitaa ãrikau kĩra b̶uu. Maamina ab̶auba mau ʉ̃rʉ de biawãe wauruubʉrã, ichiba wau b̶uu bakuru, kiruu maebʉrã sia kiruuba wauped̶aad̶a kĩra b̶uai.

Apocalipsis 1:11

Mauba jarasii: «Bichiba unuuruu kartad̶e b̶ʉped̶a ãbarã 7 puuru b̶eed̶e duanuurãmaa urubʉise: Efesod̶aa, Esmirnad̶aa, Pergamod̶aa, Tiatirad̶aa, Sardisd̶aa, Filadelfiad̶aa maud̶e Laodicead̶aa».

1 Corintios 3:21

Maud̶eeba kʉ̃risiarã́sturu ẽbẽra ab̶a baara wãaduud̶eeba, mau waabenarã audeara biꞌia nii. Dachi Akõred̶eeba machiba ne joma uru panuu biꞌia nuread̶ai baita.

1 Corintios 3:5

Maamina ¿Pablo kaima? ¿Apolos kaima? Dai Dachi Akõre baita bari trajabadaubʉ. Daid̶eeba machiba Dachi Mechiud̶e ijãasid̶au. Dachi Akõreba daicha waubiad̶a kĩra wausid̶au.

Juan 4:11

Wẽraba jarasii: —Nau bania id̶u nub̶uud̶e, bichiba ¿kãareba chi bania juuima? Mau chokae b̶uabibarii bania ¿bichiba samabena juiima?

Apocalipsis 3:14

»Chi Laodicea puurud̶ebena ijãabadaurã nubarii ángel baita kartad̶e naka b̶ʉse: »Biawãra Bed̶ea trʉ̃ jarabadauba Dachi Akõred̶ebena biawãra joma arakʉd̶e jarabarii. Ichid̶eeba Dachi Akõreba ne joma wausii. Ichiba naka jara b̶uu: