Apocalipsis 21:14 - Emberá Chamí

¹⁴ Mau puuru ad̶u pũ kub̶uu mo 12 ʉ̃rʉ pũ kub̶uasii. Moocha Oeja Kaebe Niiba chi 12 bʉid̶ad̶ebena trʉ̃ ab̶a b̶ʉ poebasii.

Apocalipsis 21:14 Referans Kwoze

Hebreos 11:10

Abraham maka b̶uabachii, bajãad̶e b̶uu puuru wãꞌãekaud̶aa b̶uad̶e wãi baita kʉ̃ria b̶uasiid̶eeba. Mau puuru Dachi Akõreba ãrea kʉ̃risiaped̶a joma wausii.

Efesios 2:20

Machi de mo waud̶a kĩra panuu. Jesusba bʉid̶arã maud̶e Dachi Akõre baita berreabadaurã mau de ekarebena mo kĩra panuu. Mau ded̶ebena mo chi bibuara b̶uu Jesucristobʉ.

Apocalipsis 18:20

¡Joma bajãad̶e duanuu kĩrajʉ́sturu, jãu puuru ãrisiid̶eeba! Ẽbẽrarã Dachi Akõred̶erã, Jesusba bʉid̶arã maud̶e Dachi Akõre baita berreabadaurã kĩrajʉ́sturu. Dachi Akõreba jãu puuru kastikai machimaa miadaa wausiid̶eeba».

Judas 1:17

Maamina ãbarã, chi Dachi Mechiu Jesucristoba bʉid̶arãba jaraped̶aad̶a kĩrabásturu.

Efesios 3:5

Naed̶e Dachi Akõreba ẽbẽrarãmaa mau kuitaabiawẽa b̶uasii, maamina jãabae chi ichi baita berreabadaurãmaa maud̶e Jesucristoba bʉid̶arãmaa ichi Jaurid̶eeba kuitaabiasii.

Mateo 16:18

Mʉʉba jaraaruu: bichi Pedrobʉ. Mʉʉba nau mo ʉ̃rʉ mʉ puuru wauruu. Biumia ab̶au bid̶a mʉ puuru ome poyaabai.

Efesios 4:11

Ara ichiba chi nuree b̶usii ichiba bʉid̶arã nuread̶amera, waabenarã b̶usii Dachi Akõre baita berreabadaurã nuread̶amera, waabenarã b̶usii chi bed̶ea bia Cristo ʉ̃rʉbena jarad̶e nibad̶amera, maud̶e waabenarã b̶usii chi ijãabadaurã nubadaurã maud̶e jaradeabadaurã nuread̶amera.

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.

Hechos 1:26

Maabae ne jemenesid̶au kai b̶eei kuitaa. Maud̶e Matías b̶eesii. Ara makʉd̶e ichi Jesusba bʉid̶arã 11 panuu baara ãbua b̶eesii.

Apocalipsis 21:13

Ʉmada neebariare poraa õbea topanasid̶au, ʉmada b̶aebariare poraa õbea topanasid̶au, norteare poraa õbea topanasid̶au maud̶e waya ab̶abena suruare poraa õbea topanasid̶au.