Apocalipsis 20:11 - Emberá Chamí

¹¹ Mau maad̶akare mʉʉba rey ãkau mechiu torroa b̶uu maud̶e chi maud̶e akʉ b̶uu unusii. Ichi daad̶e joma nau iujãa maud̶e bajãa wãꞌãesii. Ab̶au bid̶a waa unud̶aabasii.

Apocalipsis 20:11 Referans Kwoze

Apocalipsis 21:1

Mau maad̶akare mʉʉba bajãa wid̶i maud̶e iujãa wid̶i unusii. Makaed̶e nau bajãa maud̶e nau iujãa wãꞌãe basii. Mar sid̶a wãꞌãe basii.

2 Pedro 3:7

Ara mau kĩra Dachi Akõre bed̶eaba nau iujãa maud̶e bajãa nu uru b̶uu maud̶e ichiba kastikai ewarid̶e tʉbʉchiad̶e baai. Mau ewarid̶e chi ichi kʉ̃riad̶akaurã nebʉra ichiaped̶a joma kastikai.

Mateo 25:31

»Mʉ, chi Ẽbẽra Ba B̶uad̶a joma angelerã baara kĩrawãrea baraa neeruud̶e, mʉ rey ãkaud̶e akʉ b̶eei, ẽbẽrarã nebʉra bara nuree ai baita.

Romanos 2:5

Maamina sõ chaarea niid̶eeba bichiba kachirua ida b̶ukau Dachi Akõremaa neebai baita. Maud̶eeba Dachi Akõreba kastikai ewarid̶e ichi kĩrubid̶eeba aude kastikai. Mau ewarid̶e Dachi Akõreba unubii saka jomaurã jipa kastikai.

Mateo 24:35

Bajãa maud̶e iujãa waa b̶uabai, maamina mʉ bed̶ea biawãra ewaricha b̶uai.

Apocalipsis 16:20

Mau ioromiaba mar kẽsa islarã kob̶ead̶a maud̶e ea joma wãꞌãebisii.

Apocalipsis 6:14

Bajãa wãꞌãesii karta araa bʉrabarii kĩra. Joma earã maud̶e islarã sid̶a chi naed̶e kub̶uad̶amare wãꞌãesii.

Apocalipsis 20:2

Chi dragón jidadauped̶a 1.000 años jʉ̃ kub̶usii. Mau dragón nabẽraed̶ebena damabʉ. Jʉbawãe nii maud̶e Satanás abadau.

Apocalipsis 12:8

Maamina chi dragonba maud̶e chi ichi baara duanuuba poyaad̶aabasii. Maud̶eeba chi maarã makaa poyaa bajãad̶e panad̶aabasii.

Apocalipsis 4:2

Ara makʉd̶e Dachi Akõre Jauri mʉʉd̶e need̶aba chi rey ãkau bajãad̶e unubisii. Mau ʉ̃rʉ ab̶a akʉ b̶uasii.

Apocalipsis 19:11

Maad̶akare mʉʉba bajãad̶e poraa ewa nub̶uu unusii. Ara makʉd̶e mura torr neesii. Mau mura ʉ̃rʉ akʉ b̶uu trʉ̃ jarabadau Chi Jarad̶a Kĩra Waubarii maud̶e Chi Biawãra abadau. Mauba ẽbẽrarã jipa ichiabarii maud̶e jipa wau b̶uud̶eeba chi kĩramaa panabadau ome chĩobarii.

Mateo 11:22

Maamina mʉʉba machimaa jaraaruu: Dachi Akõreba kastikai ewarid̶e Tirod̶ebenarã maud̶e Sidond̶ebenarã audeara machi aude kastikai.

Apocalipsis 21:5

Maabae chi rey ãkaud̶e akʉ b̶uuba naka jarasii: «Mʉʉba joma chiwid̶i waumaa b̶uu». Maud̶e naka jarasii: «Chi mʉʉba jara b̶uu karta ab̶ad̶e b̶ʉse chi biawãra bed̶ead̶eeba, maud̶e biawãra makaaruu poyaa ijãaduud̶eeba».