Apocalipsis 16:2 - Emberá Chamí

² Ara makʉd̶e ángel ab̶a wãped̶a ichi sãud̶e uru b̶uad̶a iujãad̶e eabʉisii. Mauba chi ãnimara trʉ̃ daub̶ʉʉrʉd̶e maebʉrã juad̶e uru nuree maud̶e joma chi ara ichi kĩra juaba ne kaped̶aad̶a ãrea kʉ̃riabadaurã chaumia kachirua kakuad̶e posid̶au.

Apocalipsis 16:2 Referans Kwoze

Apocalipsis 8:7

Ab̶auba ichi kachu chaasii. Ara makʉd̶e bajãad̶ebena nau iujãad̶e hielo kui kĩra b̶aesid̶au. Maud̶e nau iujãad̶e tʉbʉchia oa baara b̶aesid̶au. Mauba nau iujãa jomad̶ebena beraa mita baawãsii maud̶e bakururã sid̶a. Mama chi siruarã joma baawãsii.

Apocalipsis 16:11

Chi puaba maud̶e kakua chausiid̶eeba Dachi Akõre bajãad̶e b̶uu ʉ̃rʉbena kachirua berrea panasii. Maamina ãrea biꞌiwãe panasmina chi kachirua wau panuu ida b̶ud̶aabasii.

Hechos 12:23

Ara makʉd̶e Dachi Mechiud̶e ángel ab̶aba Herodes ẽpermabisii, jãuba Dachi Akõremaa bia berreabasiid̶eeba. Maabae ichi ãsurraba ko beasid̶au.

Apocalipsis 14:16

Ara makʉd̶e chi jʉ̃rʉara ʉ̃rʉ akʉ b̶uad̶aba neko jũria b̶uuba ara jua ab̶a tuuruba joma nau iujãad̶e tarisii.

Apocalipsis 13:12

Chi ãnimara iorod̶ebena awara need̶a joma chi nau iujãad̶ebenarã chibari b̶eesii, chi nabena ãnimara kĩra. Ichi poyaad̶eeba ẽbẽrarãmaa chi nabena ãnimaramaa biꞌia berreabiabachii. Mau tõod̶aba biui b̶uasmina, wabid̶a chokae b̶uasii.

Apocalipsis 14:9

Mau ángel wãd̶akare kaad̶e june ab̶a ũub̶ari neesii. Mauba naka jarasii: «Ab̶auba chi mau ãnimaramaa biꞌia berrearuubʉrã maud̶e chi ara ichi kĩra juaba ne kaped̶aad̶amaa biꞌia berrearuubʉrã, maud̶e chi seña daub̶ʉʉrʉd̶e maebʉrã juad̶e ida waubiiruubʉrã,

Apocalipsis 16:1

Maud̶e mʉʉba Dachi Akõre de bajãad̶e kub̶uareeba ab̶aba jĩwa berrearuu ũrisii. 7 angelerãmaa nau jarakuasii: «Chi sãu Dachi Akõre kĩru kub̶uuba waabiru nub̶uu iujãad̶e eakoad̶e wã́sturu».