Apocalipsis 16:18 - Emberá Chamí

¹⁸ Ara makʉd̶e bã puri chebi kob̶eesii, bã bed̶ea baraa ãrea to kob̶eesii, maud̶e ioromia sid̶a ãrea neesii. Dachi Akõreba ẽbẽra wausiid̶eed̶ebena id̶i jãka ioromia urikabasii.

Apocalipsis 16:18 Referans Kwoze

Apocalipsis 4:5

Ara maud̶e chi rey ãkau bajãad̶e b̶uud̶ebena bã puri chebi b̶uasii, ʉrʉrʉa b̶uasii, maud̶e bã ãrea to b̶uasii. Mau rey ãkau daad̶e 7 lámpara koa topanasii. Mau lámpara chi 7 jauri Dachi Akõred̶ebʉ.

Apocalipsis 11:19

Maabae Dachi Akõre de mechiu bajãad̶e kub̶uu ewa wãsii. Aria chi Dachi Akõreba waubid̶a baúl kub̶uu mʉʉba unusii. Ara maud̶e bã puri chebi kob̶eesii, bã to kob̶eesii, maud̶e chi bã ãrea ʉrʉrʉa wã kob̶eesii. Nau iujãa uri kob̶eesii maud̶e hielo sid̶a kui kĩra ãrea che kob̶eesii.

Apocalipsis 11:13

Maud̶e ioromia meserãa neesii. Mauba Jerusalén puurud̶e de ãrea korekuasii. 7.000 ẽbẽrarã biusid̶au. Ara maud̶e chi chokae panuuba perad̶eeba chi bajãad̶ebena Dachi Akõremaa biꞌia nii a jarasid̶au.

Apocalipsis 8:5

Maabae chi angelba kera baa deabadaud̶ebena tʉbʉ kĩra adauped̶a, chi paratu waabirubisii. Mau tʉbʉ kĩra nau iujãad̶aa jiratasii. Mauba bã tosii, ʉrʉrʉa wã kob̶eesii, bajãa puri chebi kob̶eesii maud̶e nau iujãa sid̶a uri kob̶eesii.

Apocalipsis 6:12

Mau maad̶akare mʉʉba unusii chi Oeja Kaebe Niiba chi wãa kub̶uu maucha oetaaruu. Maud̶e ioromia ãrea urisii. Ʉmada pãriusii paru parr ab̶a biud̶akare jʉ̃badau kĩra. Jed̶ako joma oa kĩra puria kob̶eesii.

Mateo 24:21

Mau ewarid̶e ẽbẽrarã ãrea biꞌiwãe panad̶ai. Dachi Akõreba nau iujãa wausiid̶eed̶ebena ẽbẽrarã mau kĩra ãrea biꞌiwãe panad̶aabasii maud̶e nau maad̶akare mau kĩra biꞌiwãe panad̶aabai.