Apocalipsis 16:15 - Emberá Chamí

^15-16 Maarãba hebreo bed̶ead̶e Armagedón abadau druad̶aa chi reyrã chĩod̶e uad̶osid̶au. «¡Ũrísturu! Mʉ nechiru kĩra neei. Biꞌia panad̶ai chi mʉ neeruu esed̶au panuu maud̶e paru uru nuree. Maka mʉ neeruud̶e maarã ewaraa panad̶aabai maud̶e kĩra nejasia panad̶aabai».

Apocalipsis 16:15 Referans Kwoze

Apocalipsis 3:18

Maud̶eeba mʉʉba machimaa naka kʉ̃risia dearuu: Nee tʉbʉchiad̶e dorrb̶arid̶a nedósturu mʉʉd̶ebena. Maka machi biawãra barau nuread̶ai. Maud̶e mʉʉd̶ebena paru torr nedósturu jʉ̃d̶ai baita. Maka nejasiad̶aabai machi ãkad̶aa panasiid̶eeba. Maud̶e mʉʉd̶ebena daud̶e taabadau nedósturu, mauba taad̶aped̶a biꞌia ichiad̶amera.

2 Pedro 3:10

Dachi Mechiuba kastikai ewari bai nechiru neebarii kĩra. Mau ewarid̶e kachirua ãrea ʉrʉrʉaped̶a bajãa wãꞌãebii. Ne joma dachiba bajãad̶e unubadau baawãi. Maud̶e nau iujãa maud̶e ne joma nau iujãad̶e nuree baawãi.

Mateo 25:13

»Mau kakua machi dau kuitaa duanásturu. Mʉ, chi Ẽbẽra Ba B̶uad̶a neei ewari maud̶e chi hora adua panuu.

2 Corintios 5:3

Dachiba mau bajãad̶ebena kakua uru panad̶aid̶eeba kakuaswãe nuread̶aabai.

Marcos 14:38

Machi ʉ̃rʉma panásturu. Dachi Akõremaa ʉtaa id̶ísturu kachiruad̶e b̶aed̶aamaaba. Mʉʉba kuitaa b̶uu machiba bia wau kʉ̃ria panuu. Maamina machi kakuaba poyaad̶aabai panuu.

Hechos 20:31

Maud̶eeba kauwa panásturu. Kĩrabásturu mʉʉba año õbea ãyadaa maud̶e ẽsabud̶e jẽa b̶uuba machicha chi setaa jaradeabadaurã ʉ̃rʉbena kauwa nuread̶ai jara b̶uasii.

1 Tesalonicenses 5:6

Maud̶eeba dachi kãi duanuuwãema waabenarã kãi duanuu kĩra, maumaarã dau ʉb̶ʉa panad̶ai panuu maud̶e kĩrabia panad̶ai panuu.

Lucas 21:36

Maud̶eeba ãrea kauwa panásturu. Dachi Akõremaa ewaricha ʉtaa id̶i panásturu mau ewari kachiruad̶ebena ichiba karibamera maud̶e mʉ, chi Ẽbẽra Ba B̶uad̶a daad̶e perad̶awẽa panad̶ai baita».

Mateo 26:41

Machi ʉ̃rʉma panásturu. Dachi Akõremaa ʉtaa id̶ísturu kachiruad̶e b̶aed̶aamaaba. Mʉʉba kuitaa b̶uu machiba bia wau kʉ̃ria panuu. Maamina machi kakuaba poyaad̶aabai panuu.

1 Pedro 4:7

Kãꞌãabariwãed̶e joma baribai. Maud̶eeba jipa kʉ̃risia panásturu maud̶e kauwa panásturu. Maka Dachi Akõremaa poyaa ʉtaa id̶id̶ai.

1 Tesalonicenses 5:4

Maamina ãbarã, machi pãriud̶e panuuwãema. Maud̶eeba Dachi Mechiuba kastikad̶e neeruu ewarid̶e machi perad̶aabai nechiru neeruud̶e perabadau kĩra.

Apocalipsis 3:11

Mʉ kãꞌãabariwãed̶e neei. Maud̶eeba machiba id̶ibae ijãabadau kĩra dauchia jãadua panásturu. Maka ab̶au bid̶a machi boro jũra jʉ̃barii ẽe adaud̶aabai.

Apocalipsis 22:7

Jesusba jarasii: «¡Ũrísturu, mʉ kãꞌãabariwãed̶e neei! Ãrea biꞌia b̶uu joma chi Dachi Akõre baita berreabarii bed̶ea nau kartad̶e jara b̶uud̶e ijãa b̶uu».