Apocalipsis 14:14 - Emberá Chamí

¹⁴ Mau maad̶akare mʉ bajãad̶aa ichiasiid̶e jʉ̃rʉara torr unusii. Mʉʉba chi Ẽbẽra Ba B̶uad̶a kĩra mau jʉ̃rʉara ʉ̃rʉ akʉ b̶uu unusii. Boro jũra nee waud̶a jʉ̃ b̶uasii. Ichi juad̶e neko peed̶ea jũria b̶uu uru b̶uasii.

Apocalipsis 14:14 Referans Kwoze

Apocalipsis 1:13

Mau 7 ʉ̃d̶aa koabarii ẽsa, chi Ẽbẽra Ba B̶uad̶a kĩra nii unusii. Paru jʉ̃rʉd̶eed̶e deseroa jʉ̃ b̶uasii. Ichi pechud̶e nee waud̶a paraa jʉ̃ b̶uasii.

Hebreos 2:9

Maamina Jesús unu panuu. Dachi Akõreba ichi angelerã audeara nau iujãad̶e kaebeu b̶usii. Dachi Akõreba ichi sõbiad̶eeba maka wausii Jesús jomaurã kakua biumera. Ãrea biꞌiwãe b̶uaped̶a biusiid̶eeba Dachi Akõreba ichi biꞌia b̶usii maud̶e chi mechiu b̶usii.

Lucas 21:27

Maabae mʉ, chi Ẽbẽra Ba B̶uad̶a jʉ̃rʉarad̶e poyaabarii baraa maud̶e kĩrawãrea ted̶echoa neeruu unud̶ai.

Mateo 17:5

Pedro maka berrea b̶uud̶e jʉ̃rʉara ʉ̃d̶aa b̶uu ãchi ʉ̃rʉ neesii. Mau jʉ̃rʉarad̶ebena nau bed̶ea jĩwa ũrisid̶au: «Nau mʉ Warrbʉ. Mʉʉba mau ãrea kʉ̃ria b̶uu maud̶e mau kakua kĩrajʉʉ b̶uu. Mauba jara b̶uu ũrísturu».

Apocalipsis 6:2

Araa ichiasiid̶e, mura torroa nii unusii. Chi mau mura ʉ̃rʉ akʉ b̶uasiiba ichi juad̶e enadrʉma uru b̶uasii: Ab̶auba ichimaa borod̶e jũra jʉ̃barii ab̶a deasii. Ara makʉd̶e chi nuree poyaaped̶a maabae maucha poyaad̶e wãsii.

Apocalipsis 1:7

Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.

Apocalipsis 20:11

Mau maad̶akare mʉʉba rey ãkau mechiu torroa b̶uu maud̶e chi maud̶e akʉ b̶uu unusii. Ichi daad̶e joma nau iujãa maud̶e bajãa wãꞌãesii. Ab̶au bid̶a waa unud̶aabasii.

Apocalipsis 19:12

Ichi dau tʉbʉ aoko nub̶uu kĩra koa b̶uasii. Ichi borod̶e boro jũra ãrea jʉ̃ b̶uasii. Ichi borod̶e trʉ̃ b̶ʉ inibasii maamina ab̶au bid̶a mau trʉ̃ adua basii; ichiaburu mau kuitaa b̶uasii.

Apocalipsis 11:17

Naka jarasid̶au: «Dai Akõre Mechiu chi Joma Poyaabarii, chi nibad̶a maud̶e chi nii. Bichíturu kid̶ibai a jara panuu bichi ãrea poyaabarii unubia b̶uud̶eeba maud̶e jomaurã bichi juad̶e ua b̶eesiid̶eeba.

Apocalipsis 10:1

Mau maad̶akare mʉʉba ángel ãrea poyaabarii ab̶a bajãad̶ebena jʉ̃rʉara tãed̶e uruu unusii. Ichi boro ʉ̃rʉ iuma jũra nub̶uasii. Ichi kĩedarr ʉmada kĩra urua b̶uasii. Ichi jʉ̃rʉ tʉbʉ aoko nub̶uu kĩra b̶uasii.

Marcos 4:29

Maabae chi netaa poa kob̶eeruud̶e ẽbẽraba nekoba totabarii, chi ewari basiid̶eeba.

Mateo 13:30

Bibuara b̶uu ida ãbua waribid̶ai ab̶a chauruud̶aa. Mau chauruu ewarid̶e mʉʉba jarai chi junaaduurãmaa: naa chi sirua kachirua araa ped̶aped̶a jamase baad̶ai baita. Maamina chi trigo mʉ ne pebarii ded̶e pe nub̶ústuru”».