Apocalipsis 14:13 - Emberá Chamí

¹³ Mau maad̶akare mʉʉba bajãad̶e ab̶aba jaraaruu ũrisii: «Chi kartad̶e naka b̶ʉse: “Id̶iid̶eeba chi Dachi Mechiud̶e ijãa biubadaurã biꞌia panad̶ai”». Maud̶e Dachi Akõreba naka jarasii: «Biawãra biꞌia panad̶ai. Maarã biꞌiwãe panad̶ad̶ebena kʉrrjĩru panad̶ai, maarãba biꞌia wauped̶aad̶a waa chau kãriid̶eeba».

Apocalipsis 14:13 Referans Kwoze

Apocalipsis 20:6

Ẽbẽrarã Dachi Akõreba naa chokae jiradubiaruu ãrea biꞌia nuread̶ai. Maarã waa biud̶aabai, bari Dachi Akõre maud̶e Cristo paarerã paneed̶ai. Maud̶e 1.000 años Cristo ome chi karrarã nuread̶ai.

1 Tesalonicenses 5:10

Ichi dachi kakua biusii. Maud̶eeba dachi chokae panuubʉrã maebʉrã biuped̶aad̶abʉrã, ichi neeruud̶e ichi ome ãbua chokae panad̶ai.

1 Tesalonicenses 4:16

Maumaarã Dachi Mechiu bajãad̶ebena neei. Berrearuu jĩwa ũrid̶ai, ángel chi mechiu sid̶a berrearuu ũrid̶ai, maud̶e Dachi Akõre kachu jĩwa chaaruu ũrid̶ai. Maud̶e chi Cristod̶e ijãabadaurã biuped̶aad̶a naa chokae jiradud̶ai.

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

Apocalipsis 19:9

Maud̶e angelba mʉʉmaa jarasii: «Kartad̶e naka b̶ʉse: “¡Biꞌia ãrea duanad̶ai chi Oeja Kaebe Nii miakãiped̶aad̶a chiko kooduumaa iuped̶aad̶arã!”» Maud̶e jarasii: «Mau biawãra bed̶ea Dachi Akõreba jarad̶abʉ».

Apocalipsis 21:5

Maabae chi rey ãkaud̶e akʉ b̶uuba naka jarasii: «Mʉʉba joma chiwid̶i waumaa b̶uu». Maud̶e naka jarasii: «Chi mʉʉba jara b̶uu karta ab̶ad̶e b̶ʉse chi biawãra bed̶ead̶eeba, maud̶e biawãra makaaruu poyaa ijãaduud̶eeba».

Apocalipsis 6:11

Dachi Akõreba ãchi ab̶aab̶aa paru torr dead̶akasii jʉ̃d̶amera. Maabae naka jarasii: «Apii esed̶au panad̶áusturu joma chi ẽbẽrarã beaduud̶aa joma bichi ãbarã Cristoba pekuad̶a machi beaped̶aad̶a kĩra».

2 Corintios 5:8

Maka dachi jirukaraayuwãe maud̶e wapead̶awẽa panuu. Dachi nau kakuad̶ebena wã kʉ̃ria panuu Dachi Mechiu baara nuread̶ai baita.

Apocalipsis 16:17

Mau maad̶akare june ab̶a kaad̶earebena angelba ichi sãud̶e uru b̶uad̶a ʉtʉ ed̶aa eabʉisii. Ara maud̶e Dachi Akõre de bajãad̶e kub̶uumare chi rey ãkau kub̶uareeba jĩwa naka jarasii: «Jãabae ara basma».

1 Tesalonicenses 4:14

Maamina dachiba Jesús biu b̶uad̶ad̶ebena chokae jiradud̶a ijãa panuu. Maud̶eeba kuitaa panuu Jesusd̶e ijãabadaurã biuped̶aad̶a Dachi Akõreba joma chokae jiradubiaped̶a ichi baara uad̶oi.

1 Corintios 15:18

Makarã joma Cristod̶e ijãabadaurã biuped̶aad̶a wãꞌãesid̶au.

Romanos 14:8

Chokae panuud̶e Dachi Mechiu baita chokae panuu. Maud̶e biuduud̶e Dachi Mechiu baita biud̶ai. Maka chokae panuubʉrã maebʉrã biuped̶aad̶abʉrã Dachi Mechiud̶ebʉ.

Lucas 16:9

Ara mau kĩra mʉʉba machimaa jaraaruu: nau iujãad̶ebena chi nejarraba ẽbẽrarã ãrea aid̶ásturu. Maka machi kõpaerorã ãrea uru panad̶ai. Maabae machi biuduud̶e bajãad̶e biꞌia irsibid̶ai.

Mateo 3:17

Bajãad̶ebena mimi ab̶a ũrisid̶au. Naka jarasii: «Nau chi mʉʉba kʉ̃ria inii. Mʉ ichi kakua ãrea kĩrajʉʉ b̶uu».

Apocalipsis 11:19

Maabae Dachi Akõre de mechiu bajãad̶e kub̶uu ewa wãsii. Aria chi Dachi Akõreba waubid̶a baúl kub̶uu mʉʉba unusii. Ara maud̶e bã puri chebi kob̶eesii, bã to kob̶eesii, maud̶e chi bã ãrea ʉrʉrʉa wã kob̶eesii. Nau iujãa uri kob̶eesii maud̶e hielo sid̶a kui kĩra ãrea che kob̶eesii.

Apocalipsis 11:15

Chi kaad̶earebena angelba ichi kachu chaasii. Maud̶e bajãad̶e ãreaba jĩkua berreasid̶au. Naka jarasid̶au: «Chi nau iujãad̶ebenarã reyrãba ãchi juad̶e naed̶e ua panaped̶aad̶a, Dachi Mechiu maud̶e ichi Cristo omeeba mau joma ãchi juad̶e ua paneesid̶au. Id̶iiba waitaa jomaurã ichi juad̶e ua b̶uai».

Apocalipsis 10:4

Bã 7 b̶es tosiid̶e mau bã tooruuba jarad̶a mʉʉba kartad̶e b̶ʉʉruu basii. Maamina bajãad̶e mʉʉba mimi ũrisii naka jaraaruu: «Bã 7 b̶es tosiiba jarad̶a chũpea uru b̶uase. Kartad̶e b̶ʉrã́se».

Apocalipsis 2:1

»Chi Éfeso puurud̶ebena ijãabadaurã nubarii ángel baita kartad̶e naka b̶ʉse: »Chi jua biare 7 pusterrea uru b̶uuba maud̶e 7 lámpara nee waud̶a tãed̶e niiba naka jara b̶uu:

Filipenses 2:17

Kãꞌãabariwãed̶e mʉ Cristo kakua bead̶ai panuu. Maka uva b̶aa Dachi Akõremaa ea deabachid̶au kĩra b̶uai. Ara mau kĩra machiba Cristod̶e ijãa panuu, ãnimara Dachi Akõremaa baa deai kĩra b̶uu. Maud̶eeba mʉ machi ome ãrea kĩrajʉʉ b̶uu.

Lucas 16:25

Maamina Abrahamba panausii: “Mʉʉba poyaa bʉibai. Warr, kĩrabase bichi chokae b̶uasiid̶e biꞌia b̶uabachii, maumaarã Lázaro miichuburi b̶uasii. Id̶i Lázaro b̶ari kʉrrjĩru b̶uu, maud̶e bichi ãrea biꞌiwãe b̶uu.

Apocalipsis 1:11

Mauba jarasii: «Bichiba unuuruu kartad̶e b̶ʉped̶a ãbarã 7 puuru b̶eed̶e duanuurãmaa urubʉise: Efesod̶aa, Esmirnad̶aa, Pergamod̶aa, Tiatirad̶aa, Sardisd̶aa, Filadelfiad̶aa maud̶e Laodicead̶aa».

1 Corintios 15:20

Maamina Dachi Akõreba biawãra Cristo biu b̶uad̶ad̶ebena chokae jiradubisii. Biuped̶aad̶ad̶ebena ichi chi naa chokae jiradud̶abʉ. Maka Dachi Akõreba unubisii joma ichid̶irã sid̶a biawãra chokae jiradud̶ai.

1 Timoteo 5:24

Chi kachirua ichiai naed̶e, waabenarãba kachirua wau panuu dachiba biꞌia unubadau maamina waabenarãba kachirua wau panuu maad̶akare kuitaad̶ai.

1 Timoteo 5:25

Ara mau kĩra waabenarãba biꞌia wau panuu dachiba biꞌia unubadau, maud̶e waabenarãba biꞌia wau panuu biꞌia unud̶akamina miru b̶eebai.

Apocalipsis 2:7

Chi kʉʉrʉ bara niiba ũrise chi Jauriba ãbarãmaa jara b̶uu. Chi kachirua waud̶ai poyaa ida b̶uped̶aad̶amaa chi nejõo bakuru chokae nibabiabariid̶ebena koi ida kabii. Mau bakuru Dachi Akõre drua biad̶e nub̶uu.

Apocalipsis 22:17

Dachi Akõre Jauriba maud̶e chi Oeja Kaebe Nii kima abadauba naka jara b̶uu: «¡Uche!» Chi mau kartad̶e b̶ʉ kub̶uu ũriiruu bid̶a jarai b̶uu «¡Uche!» Chi obisia b̶uuba bania chi ewaricha chokae b̶uai deabarii dod̶e neei b̶uu. Mau bania kʉ̃ria b̶uuba bari dod̶e neei b̶uu.