Apocalipsis 11:1 - Emberá Chamí

¹ Mau maad̶akare ab̶auba bakuru ne chaabarii mʉʉmaa deaped̶a naka jarasii: «Dachi Akõre de mechiu bakuruba chaayase asii, maud̶e chi Dachi Akõre baita ne baa deabadaumare. Maud̶e chi aria Dachi Akõremaa biꞌia berrea panuurã joma juasiise.

Apocalipsis 11:1 Referans Kwoze

Apocalipsis 21:15

Chi ángel mʉ ome berrea b̶uad̶aba iujãa chaabarii nee waud̶a uru b̶uasii mau puuru, chi poraa maud̶e chi pũ kob̶ee chaai baita.

1 Pedro 2:5

Machi ichid̶ebena chokae nureed̶eeba, de waui baitabena mo kĩra nureebʉ. Machid̶ebena Dachi Akõreba ichi de wauruu. Maud̶e ichi baita machi paarerã babiaruu. Machiba Jesucristod̶ebena Dachi Akõre baita ne wau panuud̶e ichimaa ãnimara baa deaduu kĩra wau panuu. Maka wau panuu ichiba biꞌia unu b̶uu.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

2 Corintios 6:16

¿Dachi Akõre kuenda juaba ne kaped̶aad̶a Dachi Akõre de mechiud̶e b̶uai b̶uka? Biawãra dachi, chi Dachi Akõre chokae b̶uu de mechiubʉ. Maud̶eeba Dachi Akõreba ichi bed̶ead̶e naka jarasii: «Mʉ ãchi ome b̶uai. Ãchi tãed̶e nibai. Mʉ Dachi Akõre ãchid̶i bai maud̶e ãchi mʉ puuru nuread̶ai».

Apocalipsis 10:11

Maabae ichiba mʉʉmaa jarasii: «Bichi waya Dachi Akõred̶eeba berreai b̶uu puuru ãrea makai ʉ̃rʉbena, drua ãrea sakai ʉ̃rʉbena, berreabadaucha sakai ʉ̃rʉbena, maud̶e reyrã sakai ʉ̃rʉbena».