Apocalipsis 1:18 - Emberá Chamí

¹⁸ Mʉ chi Chokae Nima. Mʉ biud̶amina ichiáse chokae nii, maud̶e ewaricha chokae nibai. Mʉa chi biud̶arã poyaa chokae jiradubiai b̶uu.

Apocalipsis 1:18 Referans Kwoze

Romanos 6:9

Dachiba kuitaa panuu Cristo biu b̶uad̶a chokae jiradusiid̶eeba waya biubai. Biumiaba ichi ome waya poyaabai.

Hebreos 7:25

Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

Apocalipsis 3:7

»Chi Filadelfia puurud̶ebena ijãabadaurã nubarii ángel baita kartad̶e naka b̶ʉse: »Mau chi Ara Dachi Akõre Báitaburu Nii, Chi Biawãra Bed̶ea Ab̶a B̶uu, chi David puuru mechiu niibʉ. Chi ichiba ewabarii ab̶au bid̶a poyaa jʉ̃abai. Ichiba jʉ̃aruu ab̶au bid̶a poyaa ewaabai.

Hebreos 12:2

Jesusd̶e kʉ̃risiáduru. Mauba karibasii dachiba naed̶e ijãad̶amera maud̶e aid̶abarii ewaricha ijãa panad̶amera. Kʉ̃risiásturu saka ichi cruzd̶e ãrea biꞌiwãe b̶uasii. Mau kakua kĩra nejasia b̶uai bad̶ad̶e kĩra nejasiabasii. Ichiba kuitaasii nau maad̶akare ãrea kĩrajʉʉ b̶uai. Biawãra Dachi Akõre rey ãkau jua biare akʉ b̶uu.

Mateo 16:19

Puurud̶ebena llave dearuu kĩra mʉʉba bichi Dachi Akõreba ichid̶irã ichi juad̶e ua b̶uu tãed̶e chi mechiu b̶ui. Chi bichiba nau iujãad̶e ida kabiwẽe Dachi Akõre bajãad̶e b̶úbid̶a ara mau kĩra ida kabiibai. Maud̶e chi bichiba iujãad̶e ida kabi b̶uu Dachi Akõre bajãad̶e b̶úbid̶a ida kabii.

Apocalipsis 20:14

Dachi Akõreba chi biud̶ai joma wãꞌãebisii ea chob̶ead̶e azufre bara aoko nub̶uud̶e jirataaruu kĩra. Biuped̶aad̶a panabadaumarebena sid̶a aria jiratasii. Mau ea chob̶ead̶e azufre bara aoko nub̶uu b̶es ome biui jara b̶uu.

Hebreos 1:3

Ichi Warrba Dachi Akõre kĩrawãrea ted̶echoa unubiabarii. Ara ichid̶eeba Dachi Akõre saka nii kuitaabiabarii. Ichi bed̶ea poyaabarii b̶uuba joma waud̶a ichi juad̶e arakʉd̶e uru b̶uu. Ichiba dachi kachirua jeraaped̶a Dachi Akõre Mechiu jua biare bajãad̶e akʉ b̶eesii.

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

Apocalipsis 4:9

Chi Dachi Akõre ewaricha chokae nii ichi rey ãkaud̶e akʉ b̶uu. Ara maud̶e chi chokae nureeba jara panuu ichi mipitaa nii, ichimaa biꞌia jara panuu, maud̶e ichíturu kid̶ibai a panuu. Mau jaraaduucha chi 24 mechiu chõrarã Dachi Akõre ewaricha chokae nii daad̶e õdarrd̶e kopaneed̶aped̶a ãrea kʉ̃riabadau. Ãchi boro jũra jʉ̃badau chi rey ãkau jãkaa duanud̶aped̶a naka jarabadau:

Hebreos 7:16

Ichi paare b̶eebasii, chi Moisesba b̶ʉd̶a kĩra b̶eesiid̶eeba. Moisesba b̶ʉd̶aba ab̶aburu Levid̶ebena imiiduurã b̶ubarii. Maumaarã Jesús paare b̶eesii ichi poyaabariid̶eeba biukaud̶eeba.

2 Corintios 13:4

Ichi meserãaswãe nii kĩra cruzd̶e jirab̶usid̶amina Dachi Akõre poyaabariid̶eeba chokae nii. Dai sid̶a meserãaswãe panuu ichi meserãaswãe b̶uad̶a kĩra, maamina machimaa unubiad̶ai ichi ome dai Dachi Akõre poyaabariid̶eeba panad̶ai.

Apocalipsis 9:1

Mau maad̶akare june ab̶a angelba ichi kachu chaasii. Ara maud̶e mʉʉba pusterrea ab̶a nau iujãad̶e b̶aeruu unusii. Ab̶auba mau pusterreamaa llave ab̶a poraa eakarr ed̶aa chob̶ea ewabarii deasii.

Juan 14:19

Kãꞌãabariwãed̶e ẽbẽrarã nau iujãad̶ebenarãba mʉ waa unud̶aabai maamina machiba mʉ unud̶ai. Mʉʉba chokae b̶uai uru b̶uud̶eeba, machia bid̶a chokae b̶uai uru nuread̶ai.

Colosenses 3:3

Maka nibad̶ai panuu, Cristo ome biud̶akare ichi ome chokae panuud̶eeba. Mau waabenarã ẽbẽrarãba kuitaad̶akau. Maamina Cristo Dachi Akõre ome chokae b̶uud̶eeba, machi sid̶a Dachi Akõre ome chokae panuu.

Apocalipsis 5:14

Maabae chi kimare chokae nureeba naka jarasid̶au: «Bibuara b̶uu maka b̶uai». Ara makʉd̶e chi 24 chõrarã õdarrd̶e kopaneed̶aped̶a chi ewaricha chokae niimaa biꞌia berreasid̶au.

Mateo 11:23

¿Capernaumd̶ebenarã ʉtaa bajãad̶aa wãd̶aika? ¡Wãd̶aabai! ¡Dachi Akõreba machi chi biud̶arã panabadaud̶e jirakuai! Mʉʉba ẽbẽrarãba ne poyaa waud̶akau machi tãed̶e waud̶a Sodoma puurud̶e waud̶a basirã, jãu puuru wabid̶a b̶uai basii.

Lucas 24:5

Maabae wẽrarã ãrea perad̶aped̶a daub̶ʉʉrʉ ioromaa tʉsid̶au. Maud̶e chi ẽbẽrarãba ãchimaa jarasid̶au: —¿Sakãe machiba chokae nii biud̶arã tãed̶e jʉrʉ panuma?

Juan 11:25

Jesusba jarasii: —Mʉ biud̶arã chokae jiradubiabarii maud̶e chokae b̶uai deabarii. Barikiuba mʉʉd̶e ijãaruubʉrã, biurumina ewaricha Dachi Akõre ome chokae nibai.

Apocalipsis 2:8

»Chi Esmirna puurud̶ebena ijãabadaurã nubarii ángel baita kartad̶e naka b̶ʉse: »Chi Nabena maud̶e Kaad̶ebena, chi biud̶a bad̶a waya chokae niiba naka jara b̶uu:

Apocalipsis 6:8

Araa ichiasiid̶e mʉʉba mura kukuaraa nii unusii. Chi mau mura ʉ̃rʉ akʉ b̶uu trʉ̃ «Biud̶a» abadau. Chi ichi ome nibabarii chi trʉ̃ «Biud̶arã Panabadau» abadau. Joma nau iujãad̶e ẽbẽra kimared̶ebena ab̶a Dachi Akõreba maarãmaa ida beabiasii. Maarã ẽbẽrarã beasid̶au chĩoduuba, jarrbaba, dachi kakua kachirua paneebibadauba maud̶e ãnimara kachirua nureeba.

Apocalipsis 10:6

Maabae Dachi Akõre trʉ̃d̶eeba berreasii chi nau iujãad̶ebena, bajãad̶ebena, mard̶ebena joma waud̶a. Dachi Akõre ewaricha chokae nii trʉ̃d̶eeba naka jarasii: «Dachi Akõreba jarad̶a kãꞌãabariwãed̶e joma makai.

Apocalipsis 15:7

Maud̶e chi kimare chokae nureed̶ebena ab̶aba ángel 7 panuurãmaa ab̶aab̶aa sãu nee waud̶a dead̶akasii. Mau sãu Dachi Akõre kĩru b̶uuba waabiru b̶uasii.

Apocalipsis 20:13

Joma chi mard̶e biuped̶aad̶arã Dachi Akõre daad̶e imisid̶au. Joma chi biuped̶aad̶a ãchi panabadaumarebena Dachi Akõre daad̶e imisid̶au. Maabae Dachi Akõreba ãchi ab̶aab̶aa ichiai ãchiba wauped̶aad̶a kĩra.