Apocalipsis 1:10 - Emberá Chamí

¹⁰ Dachi Mechiu ewarid̶e mʉ Dachi Akõre Jaurid̶eeba b̶uasii. Maud̶e mʉ kaad̶eeba ab̶a mimi jĩwa berrea b̶uu ũrisii. Ichi bed̶ea kachu jĩwabarii kĩra ũrisii.

Apocalipsis 1:10 Referans Kwoze

Apocalipsis 21:10

Ara makʉd̶e Dachi Akõre Jauriba mʉ ea mechiu ʉtʉ b̶uud̶aa adoesii. Aria bajãad̶e Dachi Akõre b̶uabariimarebena ed̶aa neeruu mʉʉmaa unubisii Dachi Akõre puuru Jerusalén abadau.

Apocalipsis 17:3

Ara makʉd̶e Dachi Akõre Jaurid̶eeba angelba mʉ drua sirua wãꞌãe b̶uud̶aa adoesii. Aria mʉʉba wẽra ab̶a ãnimara kachirua ʉ̃rʉ akʉ b̶uu unusii. Puria nibasii maud̶e ichi kakuad̶e trʉ̃ ãrea Dachi Akõre ʉ̃rʉbena kachirua jaraaruu b̶ʉ inibasii. Boro 7 maud̶e kachu 10 inibasii.

Hechos 20:7

Maabae nabena ewari misad̶e Jesusd̶e ijãabadaurã ome araa ãbua panasid̶aud̶e pan b̶ʉad̶aped̶a kosid̶au. Maud̶e Pabloba jaradea b̶uasii. Norema wãi b̶uud̶eeba ẽsabud̶e ẽsab̶aare baaruud̶aa berrea b̶uasii.

1 Corintios 16:2

Misacha machicha chi nejarra kanabadaud̶ebena awara b̶uped̶aad̶a merásturu. Makarã mʉ neeruud̶e machiba ped̶aabai.

Juan 20:19

Maumisa ewari kiusiid̶e Jesús baara nibabadaurã deed̶a ed̶a ãbua panasid̶au. Waabenarã judiorã wapea panuud̶eeba poraa jʉ̃a nub̶usid̶au. Maka b̶uud̶e Jesús ãchi ẽsa neeped̶a jarasii: —¡Jirukaraayuwãe duanásturu!

Mateo 22:43

Maud̶e Jesusba id̶isii: —Maka b̶uubʉrã, Davidba ¿sakãe Dachi Akõre Jaurid̶eeba mau mʉ Mechiu nii asma? Davidba naka jarasii:

Juan 20:26

8 ewari bad̶akare Jesús baara nibabadaurã waya deed̶a araa ãbua duanasii. Maud̶e Tomás sid̶a b̶uasii. Maka panuud̶e chi poraa biꞌia jʉ̃a nub̶umina Jesús maka b̶uud̶e neesii. Ãchi ẽsa neeped̶a jarasii: —¡Jirukaraayuwãe duanásturu!

1 Corintios 12:3

Maud̶eeba mʉʉba kʉ̃ria b̶uu machiba nau kuitaad̶ayu: Chi Dachi Akõre Jaurid̶eeba berrea b̶uuba «Jesús kachirua nii» akau. Maud̶e chi Dachi Akõre Jaurid̶eeba berreawẽa b̶uuba «Jesús jomaurã Mechiu» akau.