9 Isa mʉ ichiad̶e neese.
Mʉʉba bichi jẽad̶a ʉ̃rʉbena kʉ̃risiaruud̶e ichiad̶e wã kʉ̃ria b̶uabarii kĩrajʉʉ ãrea b̶uai baita.
Kui chei ewari bai naed̶e isa neese. Ãbarã Eubuloba, Pudenteba, Linoba, Claudiaba maud̶e joma ãbarãba jarabʉi panuu bichi biꞌia b̶uai.
Bichi chi kĩramaabariiba bichi chi juezmaa adoeruubʉrã, wãaduud̶e biꞌia berreáse ichi ome biꞌia paneed̶ai baita. Maka wauwẽebʉrã, ichiba juez juad̶e b̶ui. Maabae chi juezba chi nubariimaa jarai chi jʉ̃abadaud̶e jʉ̃a b̶umera.
Mʉʉba ãba Artemas maebʉrã ãba Tíquico bichimaa bʉiruu. Jãma neeruud̶e isa Nicópolis puurud̶aa mʉ ichiad̶e neese. Mʉ nau kui che ewarid̶e mama b̶uai kʉ̃risia b̶uu.
