2 Timoteo 4:18 - Emberá Chamí

¹⁸ Ichiba joma mʉ kachirua wauruud̶ebena karibai. Mʉ biꞌia nuped̶a bajãad̶aa adooi, ichid̶irã ichi juad̶e ua b̶uud̶aa. Ewaricha ichimaa ãrea biꞌia berread̶ai panuu. Biꞌia b̶uu maka b̶uai.

2 Timoteo 4:18 Referans Kwoze

2 Tesalonicenses 3:3

Maamina Dachi Mechiuba waui ichiba jara b̶uu kĩra. Ichiba machi aid̶a b̶uai dauchia jãadua panad̶amera maud̶e kachiruad̶ebena kariba b̶uai.

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

1 Pedro 1:5

Jesucristod̶e ijãa panuud̶eeba Dachi Akõreba ichi poyaabariid̶eeba machi nu uru b̶uai, ab̶a chi kaad̶ebena ewarid̶e karibaaruud̶aa.

1 Tesalonicenses 5:23

Mʉʉba kʉ̃ria b̶uu Dachi Akõreba machi jomad̶e ichi baita biꞌia panabiayu. Mauba dachi jirukaraayuwãe panabiabarii. Mʉʉba kʉ̃ria b̶uu Dachi Akõreba machi jauri, machi kʉ̃risia maud̶e machi kakua ãrea biꞌia nu b̶uayu. Maka Dachi Mechiu Jesucristo neeruud̶e machi ab̶a bid̶a kachirua a jarad̶ayuswãe panad̶ai.

Hebreos 13:21

Mʉʉba kʉ̃ria b̶uu ara mau Dachi Akõreba ne joma biꞌia machimaa wau kuitaabiai, ichiba kʉ̃ria b̶uu kĩra poyaa waud̶amera. Maud̶e kʉ̃ria b̶uu Jesucristod̶eeba ichiba dachi sõd̶e ne joma waui ichiba kʉ̃ria b̶uu kĩra nuread̶amera. Dachiba ewaricha Jesucristomaa biꞌia berread̶ai panuu. Biꞌia b̶uu maka b̶uai.

2 Timoteo 1:12

Mau baita mʉ maka biꞌiwãe b̶uu. Maamina kĩrakayayuwãe b̶uu. Mʉʉba kuitaa b̶uu kaid̶e ijãa b̶uu. Maud̶e kuitaa b̶uu mʉʉba ichi juad̶e b̶ud̶a, ichiba poyaa nui b̶uu ab̶a ichiba kastikai ewarid̶aa.

2 Corintios 1:10

Ichiba dai bead̶ai bad̶a karibasii maud̶e waya bead̶ai kʉ̃risiaduubʉrã kariba b̶uai. Daiba biawãra ijãa panuu ichiba dai bead̶ai bad̶a kariba b̶uai.

Romanos 11:36

Dachi Akõréburu ne joma wausii. Ne joma ichid̶eeba b̶uu maud̶e ichi baita b̶uu. Dachiba ewaricha ichimaa biꞌia berread̶ai panuu. Biꞌia b̶uu maka b̶uai.

Mateo 13:43

Maamina chi jipa b̶ee ãchi Akõre juad̶e ʉmada kĩra ted̶echoa panad̶ai. Chi kʉʉrʉ bara niiba kauwa ũrise.

Juan 17:15

Mʉʉba bichimaa id̶iwẽa b̶uu maarã nau iujãad̶ebena ãyaa adoemera, maumaarã id̶i b̶uu kachiruad̶ebena nu b̶uamera.

Lucas 12:32

»Machi ãrea panuuwãemina ne wapea panarã́sturu. Dachi Akõreba machi ichi juad̶e ua b̶uai kʉ̃ria b̶uu, ichid̶irã baara.

1 Timoteo 6:16

Ichíturu biukau. Ichi b̶uumaa jẽratĩu b̶uud̶eeba ab̶a bid̶a ara kaita poyaa wãd̶aabai panuu. Ichi ab̶au bid̶a unud̶awẽa panuu maud̶e poyaa unud̶akau. Mʉʉba kʉ̃ria b̶uu ewaricha jomaurãba ichimaa biꞌia berrea panad̶ayu maud̶e ichi poyaabariiba jomaurã poyaa uru b̶uai. Biꞌia b̶uu maka b̶uai.

1 Corintios 10:13

B̶esed̶e dachi sõd̶e kʉ̃risiabadau kachirua waud̶ai baita, jomaurãba maka kʉ̃risiabadau kĩra. Mau poyaa dauchia jãadua panad̶awẽebʉrã, Dachi Akõreba dachimaa maka kʉ̃risiabiabai. Maud̶e dachiba maka kʉ̃risia paneeduud̶e ichiba aid̶ai dauchia jãadua panad̶amera, ichiba jara b̶uu kĩra ewaricha waubariid̶eeba.

1 Pedro 5:11

Biꞌia b̶uu ewaricha ne joma ichi juad̶e uru b̶uai. Biꞌia b̶uu maka b̶uai.

1 Timoteo 1:17

Dachi Akõre ewaricha jomaurã Reybʉ. Mau chi dachiba unud̶akau biukau. Ichíturu ab̶aburu nii. Ichíturu dachiba ewaricha biꞌia berread̶ai panuu maud̶e wapead̶ai panuu. Maka biꞌia b̶uase.

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Judas 1:1

Mʉ Judasbʉ, Santiago ãba maud̶e Jesucristo baita bari trajabarii. Nau karta b̶ʉmaa b̶uu joma Dachi Akõre bajãad̶ebenaba iukuad̶a baita. Ichiba machi kʉ̃riakuabarii maud̶e Jesucristod̶eeba nu ua b̶uabarii.

Gálatas 1:5

Ewaricha ichimaa biꞌia berread̶ai panuu. Biꞌia b̶uu maka b̶uai.

Romanos 16:27

Ichi ab̶aburu nii. Ne joma kuitaa nii. Jesucristod̶eeba dachiba ewaricha ichimaa biꞌia berread̶ai panuu. Biꞌia b̶uu maka b̶uai.

Lucas 22:29

Maud̶eeba mʉ Chachaba mʉ chi mechiu b̶ud̶a kĩra, mʉʉba machi chi jaradea ua b̶uabadaurã b̶uuruu.

Lucas 11:4

Daiba kachirua wauped̶aad̶a perdonakuase, daimaa kachirua wauduu daiba perdonabadau kĩra. Dai kachiruad̶e b̶aebiarã́se, maumaarã kachiruad̶ebena aid̶ase”.

Santiago 2:5

Ãbarã mʉa kʉ̃riakuabarii, ¡ũrísturu! ¿Dachi Akõreba nau iujãad̶e chi nejarr barauwãe nuree Jesucristod̶e ijãad̶amera karibasiiwãeka? Maka maarã barau panuu kĩra nuree. Dachi Akõreba maarã ichi juad̶e ua b̶uai. Maka biawãra jarasii, chi ichi kʉ̃ria nureerãmaa.

1 Corintios 1:21

Dachi Akõreba ichi kʉ̃risia kuitaad̶eeba waud̶aba, ara ichi unubia b̶uu. Maamina nau iujãad̶ebenarãba ara ãchi kʉ̃risia kuitaad̶eeba ichi unud̶akau. Chi daiba jaradea panuu kĩra kawawẽa b̶uu kĩra b̶umina Dachi Akõremaarã bibuara b̶uu maud̶eeba joma chi ichid̶e ijãaduu karibai.

1 Corintios 15:50

Ãbarã, mʉʉba nau jaraaruu: chi kakua nau iujãad̶ebena Dachi Akõre juad̶e poyaa b̶uabai ichid̶irã baara. Chi kakua b̶eraabarii chi b̶eraakau kakuamaa poyaa b̶uabai.

2 Timoteo 4:1

Jesucristo neei ichid̶irã ichi juad̶e ua b̶uai baita. Maud̶e ẽbẽrarã chokae nuree maud̶e biuped̶aad̶a nebʉra ichiai. Maud̶eeba Jesucristo daad̶e maud̶e Dachi Akõre daad̶e mʉʉba nau bed̶ea jaraaruu bichiba waumera:

Hebreos 11:16

Maamina ãchiba drua aude biꞌiau bajãad̶e b̶uu kʉ̃ria panasid̶au. Maud̶eeba Dachi Akõre kĩra nejasiakau ãchi Akõre aaduud̶e. Maarã baita bajãad̶e puuru wau uru b̶uu.

Hebreos 12:22

Maamina machi Dachi Akõremaa neesid̶aud̶e chi biawãra Sión ead̶aa maud̶e chi bajãad̶ebena Jerusalend̶aa neesid̶au. Mau puuru Dachi Akõre chokae niid̶ebʉ. Aria angelerã mil ãrea ãbua kĩrajʉʉ duanuu.

2 Pedro 1:11

Maud̶e Dachi Mechiu Jesucristoba machi ida wãbiai ichi puurud̶aa, de poraa ewa nub̶uu kĩra. Dachi Karibabariiba dachi ewaricha biꞌia uru b̶uai.

2 Pedro 3:18

Jesucristo Dachi Mechiu maud̶e Dachi Karibabarii ʉ̃rʉbena biꞌia kuitaa kãribásturu. Ichi sõbiad̶eeba warísturu. Id̶i maud̶e ewaricha ichimaa biꞌia berread̶ai panuu. Biꞌia b̶uu maka b̶uai.