2 Timoteo 4:17 - Emberá Chamí

¹⁷ Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.

2 Timoteo 4:17 Referans Kwoze

1 Pedro 5:8

Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.

Hechos 9:15

Maamina Dachi Mechiuba jarasii: —Wãse. Mʉʉba ichi jʉrʉ adausii mʉ ʉ̃rʉbena berreamera judiowãerãmaa, ãchi reyrãmaa maud̶e israeld̶ebenarãmaa.

Hebreos 11:33

Dachi Akõred̶e ijãa panasiid̶eeba chi nureeba drua poyaasid̶au, chi nureeba ãchi drua jipa uru nureasii maud̶e chi nureeba drua nau iujãad̶e Dachi Akõreba deai jarad̶a irsibisid̶au. Dachi Akõred̶e ijãa panasiid̶eeba chi nuree Dachi Akõreba imamamaa ida kobiabasii.

Hechos 23:11

Mau ẽsabud̶e Dachi Mechiu Pablomaa unubiped̶a naka jarasii: «Pablo, kĩrajʉʉse. Mʉ ʉ̃rʉbena nama Jerusalend̶e berread̶a kĩra Roma puurud̶e bid̶a berreai b̶uu».

2 Pedro 2:9

Mauba unubi b̶uu Dachi Mechiuba chi jipa wau nuree ãrea biꞌiwãe panuud̶ebena kariba kuitaa b̶uu. Maud̶e kuitaa b̶uu chi jipa wauwẽa nuree saka uru b̶uai ab̶a ichiba kastikai ewarid̶aa.

Mateo 10:19

Machi jidau adoeduud̶e jirukaraarã́sturu saka berread̶ai. Chi jaradea ua b̶uabadaurã daad̶e panuud̶e Dachi Akõreba kuitaabiai kãare jarad̶ai.

2 Timoteo 3:11

maud̶e mʉ wãraa panuu kachirua waud̶ai baita. Antioquiad̶e, Iconio puurud̶e maud̶e Listrad̶e mʉ kachirua waud̶ai baita wãraaped̶aad̶a bichiba biꞌia kuitaa b̶uu. Mʉ ãrea biꞌiwãe b̶uasii. Maamina Dachi Mechiuba joma maud̶ebena karibasii.

1 Timoteo 1:12

Dachi Mechiu Jesucristoba mʉʉmaa poyaabarii deasii ichi bed̶ea jaradea b̶uamera. Kuitaasii mʉʉba ne joma jipa waui ichi baita. Maud̶eeba mʉ iusii ichiba kʉ̃ria b̶uu wau b̶uamera. Mau baita mʉʉba ichíturu kid̶ibai b̶uu ai.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

2 Corintios 12:9

Maamina ichiba jarasii: «Mʉ sõbiad̶eeba bichi aid̶ai joma dauchia jãadua b̶uamera. Bichi meserãaswãe b̶uud̶e mʉ jua aude meserãa b̶uu». Mʉ meserãaswãe b̶uud̶e Cristo poyaa b̶uabariid̶eeba mʉ meserãaswãe b̶uu ʉ̃rʉbena kĩrajʉʉba biꞌia berreai.

Lucas 21:15

Mʉaburu machimaa kʉ̃risia kuitaa deai berread̶ai kuitaad̶amera. Maud̶eeba machiba jaraaduu machi kĩramaa panuuba poyaa kachirua jarad̶aabai.

Lucas 1:1

Dachi Akõreba dachi tãed̶e waud̶a ʉ̃rʉbena, ẽbẽrarã ãreaba kartad̶e b̶ʉd̶ai kʉ̃riasid̶au.

Romanos 15:31

Ichimaa ʉtaa id̶ísturu Judea druad̶ebena Jesusd̶e ijãad̶akaurãba mʉ kachirua waurãad̶amera. Maud̶e ʉtaa id̶ísturu mʉʉba chi nejarra ẽbẽrarã Dachi Akõred̶erã Jerusalend̶ebenarã baita adoeruu biꞌia adaud̶amera.

2 Timoteo 2:1

Warr, Jesucristo sõbiad̶eeba chaarea b̶uase.

2 Timoteo 2:9

Mau jaradea b̶uu kakua mʉ ãrea biꞌiwãe b̶uu. Mʉ ẽbẽra kachirua kĩra kaenaba jʉ̃ uru panuu. Maamina Dachi Akõre bed̶ea jʉ̃ uru panuuwãema.

2 Timoteo 4:5

Maamina bichi jomad̶e kĩra jipa b̶uase. Joma nebʉrad̶e b̶uud̶e jãadua b̶uase. Bed̶ea biꞌia Cristo ʉ̃rʉbena jaradea b̶uase. Joma bichiba Dachi Akõre baita waui b̶uu jipa wau b̶uase.

Tito 1:3

Maabae ichiba b̶ud̶a ewarid̶e mʉʉba jaradea b̶uud̶eeba ichi bed̶ea Cristo ʉ̃rʉbena biꞌia kuitaabisii. Mau bed̶ea Dachi Akõre chi Karibabariiba mʉʉmaa jaradeabisii.