2 Timoteo 3:5 - Emberá Chamí

⁵ Dachi Akõred̶e ijãabadaurã kĩra nuread̶ai maamina ida b̶ud̶aabai Dachi Akõreba ichi poyaabariiba ãchi jipa nureabiamera. Makʉrã ome ãbua b̶uarã́se.

2 Timoteo 3:5 Referans Kwoze

Tito 1:16

Ãchiba jarabadau Dachi Akõre kuitaa panuu, maamina ãchiba wau panuud̶eeba unubibadau ichi ida b̶u panuu. Ãchi sõ chaarea nuree maud̶e ne bia waud̶ai baita panad̶akau. Ãchiba waubadau Dachi Akõreba kʉ̃riakau.

1 Timoteo 5:8

Ab̶aba ara ichi ded̶ebenarã aid̶akaubʉrã, Dachi Akõre bed̶ea ida b̶u b̶uu. Mau Cristod̶e ijãad̶akaurã audeara kachirua wau b̶uu.

Mateo 7:15

»Kauwa panásturu. Waabenarãba setad̶eeba Dachi Akõre baita berreabadau abadau. Ãchiba biawãra kĩra jaradeabadau maamina maka panuu ẽbẽrarãba Dachi Akõre bed̶ea ida b̶ud̶amera.

Tito 3:10

Ab̶auba ãbarã ijaraa berreabiiruubʉrã, mau iadaase waa maka waurãamera. Mauba ijãawẽebʉrã, waya iadaase. Maud̶e wabid̶a ijãawẽa b̶uubʉrã, mau ome b̶uarã́se.

2 Timoteo 2:16

Dachi Akõre daad̶e kachirua nureerãba nebʉrʉbadau ida b̶use. Chi maka nureerã Dachi Akõred̶ebena aude kaitawẽ wãbadau.

2 Timoteo 2:23

Oa kachirua berrearã́se chi arakʉd̶e kʉ̃risiad̶akau nuree ome, kuitaa b̶uud̶eeba mauba dachi oa kachirua berreabiabarii.

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

Efesios 4:14

Makarã waa wãwa kĩra nuread̶aabai. Wãwaba barikia bed̶ea ijãabarii. Mau awara ẽbẽrarã setaa kũruad̶ai kuitaa nureeba jaradea panuud̶eeba, setaa ijãabiabadau pũatuba jãba ãyaa adoeruu kĩra. Maamina dachi mau jãba kĩra nuread̶aabai.

2 Tesalonicenses 3:6

Ãbarã, Dachi Mechiu Jesucristo trʉ̃d̶eeba daiba machimaa jarabʉiduu ãbarã koꞌoa nuree ome ãbua panarãad̶amera. Daiba jaradeaped̶aad̶a kĩra waud̶akau.

2 Tesalonicenses 3:14

Daiba nau kartad̶e jaradeaped̶aad̶a ab̶au bid̶a ijãawẽebʉrã, jomaurãmaa kuitaabiásturu mau kachirua wau b̶uu. Mau ome ãbua panarã́sturu kĩrakaya b̶eemera.

1 Timoteo 4:7

Nabẽraed̶ebena nebʉrʉbadau kachirua b̶ee ida b̶use. Dachi Akõreba kʉ̃ria b̶uu kĩra nibai baita jʉrʉse.

1 Timoteo 4:8

Biawãra dachi kakua chaareabid̶ai baita wau panuubʉrã, dastu dachi kakua aid̶ad̶ai. Maamina Dachi Akõre baara nibaaduubʉrã, mauba dachi ne jomad̶e aid̶ai. Id̶ibae maud̶e kaad̶ebena ewarid̶e bid̶a karibai.