2 Timoteo 2:9 - Emberá Chamí

⁹ Mau jaradea b̶uu kakua mʉ ãrea biꞌiwãe b̶uu. Mʉ ẽbẽra kachirua kĩra kaenaba jʉ̃ uru panuu. Maamina Dachi Akõre bed̶ea jʉ̃ uru panuuwãema.

2 Timoteo 2:9 Referans Kwoze

Filipenses 1:7

Biꞌia b̶uu mʉʉba joma machi ʉ̃rʉbena maka kʉ̃risia b̶uai, machi ãrea kʉ̃ria b̶uud̶eeba. Mʉ jʉ̃a b̶uud̶e maebʉrã chi bed̶ea bia Cristo ʉ̃rʉbena biawãra kuitaabi b̶uud̶e Dachi Akõreba ichi sõbiad̶eeba machi maud̶e mʉ sid̶a aid̶a b̶uu ichi bed̶ea jaradea panad̶amera.

Hechos 28:31

Ichiba wapeawẽa berreabachii Dachi Mechiu Jesucristod̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Maud̶e ab̶au bid̶a ichimaa makarã́bad̶e ad̶aka basii.

2 Timoteo 1:8

Maud̶eeba Dachi Mechiu Jesucristo ʉ̃rʉbena jarai baita kĩrakayarã́se. Mʉ Jesucristo baita jʉ̃a b̶umina kĩrakayarã́se. Maumaarã chi bed̶ea bia Jesús ʉ̃rʉbena jaradearuud̶e Dachi Akõre poyaabariid̶eeba bichi sid̶a ãrea biꞌiwãe b̶uai jãadua b̶uase.

Colosenses 4:3

Dai baita ʉtaa id̶ísturu Dachi Akõreba poraa ewaaruu kĩra, Cristo ʉ̃rʉbena naed̶e kuitaabiwẽa b̶uad̶a ida jaradeabimera. Mau jaradea b̶uu kakua mʉ jʉ̃a uru panuu.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.

1 Pedro 2:12

Dachi Akõred̶e ijãad̶akaurã tãed̶e jipa nibásturu. Maka ãchiba machi kachirua waubadaurã a panumina, machiba biꞌia wau panuu unu panuu. Maabae Dachi Akõre neeruud̶e machi ʉ̃rʉbena ichimaa biꞌia berread̶ai.

1 Pedro 4:15

Machi ãrea biꞌiwãe duanumina, nau kakua biꞌiwãe panad̶ai biawãe b̶uu: mia bead̶a kakua, nechiruad̶a kakua, kachirua waud̶a maebʉrã chĩara nebʉrad̶e b̶uad̶a kakua.

2 Timoteo 1:12

Mau baita mʉ maka biꞌiwãe b̶uu. Maamina kĩrakayayuwãe b̶uu. Mʉʉba kuitaa b̶uu kaid̶e ijãa b̶uu. Maud̶e kuitaa b̶uu mʉʉba ichi juad̶e b̶ud̶a, ichiba poyaa nui b̶uu ab̶a ichiba kastikai ewarid̶aa.

2 Tesalonicenses 3:1

Mau awara ãbarã, dai baita Dachi Akõremaa ʉtaa id̶ísturu Dachi Mechiu bed̶ea druacha isa wãmera maud̶e ẽbẽrarãba mau kakua biꞌia jarad̶amera machi tãed̶eeba makad̶a kĩra.

Colosenses 4:18

Mʉ Pablobʉ. Ara mʉ juaba b̶ʉʉruu mʉʉba jarabʉiruu machi biꞌia duanad̶ai. Mʉ jʉ̃a uru panuud̶eeba Dachi Akõremaa ʉtaa id̶i panásturu. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uayu.

Efesios 3:1

Maud̶eeba mʉʉba [machi baita Dachi Akõremaa ʉtaa id̶ibarii]. Mʉ Pablobʉ. Machi judiowãerãmaa Jesucristo ʉ̃rʉbena jaradea b̶uu kakua jʉ̃a uru panuu.

Hechos 9:16

Mʉʉba ichimaa kuitaabii saka ãrea dauchia jãadua b̶uai b̶uu mʉ ʉ̃rʉbena berreai baita.

1 Pedro 3:16

Ara machi du ab̶a kuitaa panásturu kachirua waud̶awẽa nuree. Maka machi Cristo kakua biꞌia nibabadau ʉ̃rʉbena kachirua berreabadaurã perad̶ai.

1 Pedro 2:14

Maud̶e chi ichid̶e karrarã jaraaduu ijã́sturu. Chi karr chi mechiu niiba maarã b̶usii kachirua waubadaurã kastikad̶amera maud̶e biꞌia waubadaurã ʉ̃rʉbena biꞌia jarad̶amera.

2 Timoteo 1:16

Maamina mʉʉba kʉ̃ria b̶uu Dachi Mechiuba ãba Onesíforo ded̶ebenarã kĩra chuburia b̶uamera. Ichiba mʉ b̶es ãrea aid̶asii. Mʉ kaenaba jʉ̃ b̶umina mau kĩrakayaabasii.

Lucas 23:32

Jesús baara cruzd̶e bead̶ai baita ẽbẽra kachiruarã ome adoesid̶au.

Hechos 21:33

Kokoroa chi aude mechiu araa neesiid̶e, Pablo jidauped̶a kaena omeeba jʉ̃bisii. Maabae ẽbẽrarã pĩchua imi nub̶uumaa id̶isii Pablo kai maud̶e kãare wausii kuitaai.

1 Tesalonicenses 1:8

Maarãburu Dachi Mechiu ʉ̃rʉbena bed̶ea machid̶ebena ũriped̶aad̶awãe basii; maumaarã druacha ẽbẽrarãba kuitaasid̶au machiba Dachi Akõred̶e ijãa panuu. Maud̶eeba ¿daiba machi ʉ̃rʉbena kãare maucha jarad̶aima?

2 Timoteo 2:3

Bichi Jesucristo kokoroa biad̶eeba mʉ kĩra biꞌiwãe b̶uai baita b̶uase.