2 Timoteo 2:8 - Emberá Chamí

⁸ Jesucristo kĩrabase. Ichi Davidd̶ebena need̶abʉ. Ichi biu b̶uad̶a Dachi Akõreba chokae jiradubisii. Mau bed̶ea bia ichi ʉ̃rʉbena mʉʉba jaradea b̶uu.

2 Timoteo 2:8 Referans Kwoze

Hechos 2:24

Jesús ãrea kakua puaba biusii. Maamina Dachi Akõreba ichi chokae jiradubisiid̶eeba waya biubai; chokae biukaraa nibai.

Romanos 2:16

Jomaurãba chi ãchi sõd̶e mera uru panuu Dachi Akõreba nebʉra ichiai ewarid̶e Jesucristod̶eeba mau ichiai. Mʉʉba chi bed̶ea bia jaradea b̶uu kĩra ara maka b̶uai.

2 Tesalonicenses 2:14

Daiba bed̶ea bia Cristo ʉ̃rʉbena jaradea panuud̶eeba Dachi Akõreba machi iusii Dachi Mechiu Jesucristo bia niid̶ebena adaud̶amera.

Mateo 1:1

Nau karta Jesucristo ʉ̃rʉbena. Jesucristo dachi nabẽrarã Abrahamd̶ebena maud̶e dachi rey Israeld̶ebena David naka neesii.

1 Timoteo 2:7

Mau baita mʉ ichi bed̶ea jarabarii b̶usii. Mʉ ichiba bʉid̶a b̶usii chi biawãra bed̶ea ichi ijãad̶ai panuu ʉ̃rʉbena judiowãerãmaa jaradead̶e wãmera. Mʉʉba biawãra jara b̶uu maud̶e setawãe b̶uu.

1 Corintios 15:4

Ichi jau b̶usid̶au, maabae ewari õbead̶e biud̶a bad̶a chokae jiradusii Dachi Akõre bed̶ead̶e b̶ʉ kub̶uu kĩra.

Apocalipsis 5:5

Maamina ab̶a chi 24 chõrarãd̶ebenaba mʉʉmaa naka jarasii: «Jẽarã́se. Ichiáse, Davidd̶ebena ab̶a need̶abʉ. Mau Judad̶ebena need̶a Imama abadauba Dachi Akõre kʉ̃riad̶akaurã poyaasii. Maud̶eeba chi nau kartad̶e 7 wãa nub̶uu poyaa oetaped̶a ewai b̶uu».

1 Timoteo 1:11

Dachiba chi Dachi Akõre ʉ̃rʉbena bed̶ea bia jaradeaduud̶e mau joma kauwa kuitaabid̶ai. Dachi Akõre bia niiba mau mʉʉmaa deasii jaradea b̶uamera.

1 Corintios 15:1

Mau awara ãbarã, mʉʉba machimaa kĩrababiai chi bed̶ea bia Jesús ʉ̃rʉbena mʉʉba machimaa jaradead̶a. Mau bed̶ea machiba mʉʉd̶ebena kuitaasid̶au maud̶e ãrea ijãa panuu.

Romanos 16:25

Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.

Hechos 13:23

»Maabae Dachi Akõreba naed̶e jarad̶a kĩra wausii. Ichiba Davidd̶ebena neeped̶aad̶ad̶ebena ab̶a b̶usii israeld̶ebenarã Dachi Karibabarii b̶uamera. Mau ẽbẽra Jesusbʉ.

Hechos 2:30

Maamina David Dachi Akõre baita berreabarii basii. Maud̶eeba kuitaa b̶uasii Dachi Akõreba biawãrad̶eeba jarasii chi ichid̶ebena neeruu ab̶a ichi bari israeld̶ebenarã rey b̶ui.

Lucas 24:46

Naka jarasii: —Dachi Akõre kartad̶e naka b̶ʉ kub̶uu: Dachi Akõreba Dachi Karibabarii deai jarad̶a biꞌiwãe b̶uai b̶uu. Biuped̶a ewari õbead̶e chokae jiradui.

2 Timoteo 1:8

Maud̶eeba Dachi Mechiu Jesucristo ʉ̃rʉbena jarai baita kĩrakayarã́se. Mʉ Jesucristo baita jʉ̃a b̶umina kĩrakayarã́se. Maumaarã chi bed̶ea bia Jesús ʉ̃rʉbena jaradearuud̶e Dachi Akõre poyaabariid̶eeba bichi sid̶a ãrea biꞌiwãe b̶uai jãadua b̶uase.

2 Timoteo 2:7

Mʉʉba jara b̶uu ʉ̃rʉbena ãrea kʉ̃risiáse. Dachi Mechiu Jesusba bichimaa joma mau kuitaabii.