2 Timoteo 2:25 - Emberá Chamí

²⁵ Ichiba bed̶ea biad̶eeba Dachi Akõre bed̶ea kuitaabia b̶uu, chi ichiba jaradea b̶uu kʉ̃riad̶akau ẽbẽrarãmaa, maka Dachi Akõreba maarã karibaaruubʉrã. Maka ichimaa waya need̶aped̶a chi biawãra bed̶ea kuitaad̶ai.

2 Timoteo 2:25 Referans Kwoze

Gálatas 6:1

Ãbarã, machid̶ebena ab̶a mia aduad̶e kachiruad̶e b̶aeruubʉrã, machi chi Dachi Akõre Jaurid̶eeba nureerãba, waabenarã audeara biꞌia nuree kʉ̃risiad̶akaud̶eeba, aid̶ad̶ai panuu mau waya jipa nibamera. Maamina kauwa panásturu machi sid̶a ara mau kĩra kachiruad̶e b̶aerãad̶amera.

Hechos 11:18

Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

1 Timoteo 2:4

Ichiba kʉ̃ria b̶uu jomaurãba chi biawãra bed̶ea kuitaaped̶aad̶a kachiruad̶ebena karibad̶ai.

1 Pedro 3:15

Cristo machi Mechiud̶eeba, sõd̶eeba mau wapeásturu. Chi Cristod̶e adaud̶ai baita esed̶au panuud̶eeba mau ʉ̃rʉbena berread̶ayu panásturu. Maka ab̶auba id̶iiruubʉrã, poyaa ijarra berread̶awẽa arakʉd̶e panaud̶ai.

1 Juan 5:16

Machid̶ebena ab̶auba bichi ãba kachirua dachi biubikau wauruu unuuruubʉrã, ʉtaa id̶ii b̶uu. Maka Dachi Akõreba mau perdonaped̶a, chokae nibabii. Maamina dachi biubibarii kachirua baraubʉ. Mʉʉba jarawẽa b̶uu chi mau kachirua waubadaurã kakua ʉtaa id̶imera.

Hechos 8:22

Mau kʉ̃risia kachirua ida b̶use. Dachi Mechiumaa chi chuburia ʉtaa id̶ise. Mau makarã, biawãra chi bichiba kachirua waui kʉ̃risia b̶uad̶a ichiba perdonai.

2 Timoteo 3:7

Mau wẽrarã ewaricha kuitaamaa panuu, maamina chi biawãra bed̶ea poyaa kuitaad̶akau.

Mateo 11:29

Mʉʉmaa ida adoebísturu. Mʉʉba ne jara b̶uu ũrísturu. Mʉ joma dauchia jãadua b̶uabarii maud̶e mʉ sõd̶eeba waabenarã audeara kuitaa b̶uu a kʉ̃risiakau. Mʉʉmaa needuubʉrã machi biawãra kʉrrjĩrubiai.

Santiago 1:17

Ʉtareeba Dachi Bajãad̶ebena Akõreba ne joma ãrea biꞌia b̶ee dachimaa deabarii. Ichiaburu ne joma bajãad̶e koabadau waukuasii. Maarã ewaricha arab̶aud̶e koad̶akau. Maumaarã Dachi Akõre kĩra awara b̶uakau maud̶e diware waukau.

Tito 1:1

Mʉ Pablobʉ, Dachi Akõre baita bari trajabarii maud̶e Jesucristoba bʉid̶a. Mʉ bʉisii Dachi Akõreba jʉrʉ adaud̶arãba ichid̶e ijãad̶amera maud̶e chi biawãra bed̶ea kuitaad̶aped̶a Dachi Akõreba kʉ̃ria b̶uu kĩra nuread̶amera.

Hechos 20:21

Judiorãmaa maud̶e judiowãerãmaa mʉʉba jarasii kachirua waubadau ida b̶ud̶aped̶a Dachi Akõremaa need̶amera maud̶e Dachi Mechiu Jesucristod̶e ijãad̶amera.

Hechos 5:31

Dachi Akõreba Jesús ichi jua biare b̶usii Dachi Mechiu maud̶e dachi Karibabarii b̶uamera. Ichid̶eeba israeld̶ebenarãba kachirua ida b̶ud̶aped̶a waya Dachi Akõremaa poyaa need̶ai. Makarã ãchiba kachirua wauped̶aad̶a Dachi Akõreba perdonai.

Hechos 2:38

Maud̶e Pedroba panausii: —Kachirua ida b̶ud̶aped̶a Dachi Akõremaa nésturu. Jesucristo trʉ̃d̶eeba boro eásturu. Maud̶e machiba kachirua wauped̶aad̶a Dachi Akõreba perdonaped̶a ichi Jauri machimaa deai.

Juan 5:34

Mʉʉba jʉrʉwẽa b̶uu ẽbẽraba mʉ ʉ̃rʉbena berreamera. Maamina Juanba mʉ ʉ̃rʉbena jarad̶a mʉa bid̶a machimaa jara b̶uu karibad̶amera.

Marcos 1:15

Naka jarabachii: «Ewari neesii. Dachi Akõreba ichid̶irã ichi juad̶e ua b̶eei. Machiba kachirua waubadau ida b̶ud̶aped̶a mau bed̶ea bia ijã́sturu».

Tito 3:2

Ãbarãmaa jarase: ab̶au ʉ̃rʉbena kachirua berread̶awẽa panad̶ai panuu maud̶e oa kachirua berread̶awẽa panad̶ai panuu, maumaarã jomaurã ome sõbia nuread̶ai panuu, maarã audeara kʉ̃risiad̶awẽa.

1 Timoteo 6:11

Maamina bichiba Cristod̶e ijãa niid̶eeba joma maud̶ebena ãyaa wãse. Jipa nibase. Dachi Akõre baara wãse. Sõd̶eeba biawãra Cristod̶e ijãa b̶uase. Jomaurã kʉ̃ria b̶uase. Joma jãaduase. Jaradea ua b̶uabarimina, jomaurã ome sõbiad̶eeba b̶uase.

Hechos 5:21

Maka ũrid̶aped̶a norema daped̶e maarã Dachi Akõre de mechiud̶e ed̶a wãsid̶au maabae jaradea kopaneesid̶au. Maumisa mau paare mechiuba maud̶e ichi baara panad̶aba iud̶e bʉisid̶au joma chi Israeld̶ebenarã chõrarã araa ãbua imid̶amera maud̶e berread̶amera. Maabae chi Jesusba bʉid̶arã chi ẽbẽra jʉ̃abadaumarebena adaubiasid̶au.

Mateo 21:32

Juanba jaradead̶akad̶e nee b̶uasii, ãchi jipa nuread̶amera, maamina ijãad̶aabasii. Maamina Romad̶ebena baita chi nejarra pebadaurãba maud̶e wẽrarã aud̶uabadaurãba ijãasid̶au. Maud̶e machiba mau unusid̶amina machi kachirua waud̶ai ida b̶ud̶aabasii, ichi bed̶ea ijãad̶ai baita.