2 Timoteo 2:22 - Emberá Chamí

²² Kũudrãarãba kachirua kʉ̃riabadau kĩra waurã́se. Mau kãyabãra jipa waui baita b̶uase. Jesusd̶e ijãa b̶uase. Jomaurã kʉ̃ria b̶uase. Jomaurã ome jirukaraayuwãe b̶uase. Dachi Mechiumaa ʉtaa id̶ibadaurã ome sõ jipa b̶uud̶eeba joma mau baara wã b̶uase.

2 Timoteo 2:22 Referans Kwoze

1 Pedro 2:11

Mʉ ãbarã, nau iujãad̶e machi ãibena druad̶ebenarãb̶u. Maud̶eeba mʉʉba machimaa chi chuburia id̶iiruu nau kakuaba kachirua wau kʉ̃ria b̶uu ida b̶ud̶amera. Mau ara dachi ome chĩo b̶uu.

1 Pedro 3:11

Jãuba ne joma kachirua ida b̶uped̶a biꞌia wau b̶uai b̶uu. Waabenarã ome jirukaraayuwãe b̶uai baita jʉrʉped̶a maka b̶uai b̶uu.

1 Corintios 6:18

Dachi kakuaba barikia kachirua b̶aꞌãra bid̶a waurã́sturu. Kachirua june ãyaa wauruubʉrã, mauba dachi kakua biꞌiwãe b̶eebikau. Maamina kakuad̶eeba kachirua wauruubʉrã, dachi kakua kachirua b̶eei.

1 Timoteo 6:11

Maamina bichiba Cristod̶e ijãa niid̶eeba joma maud̶ebena ãyaa wãse. Jipa nibase. Dachi Akõre baara wãse. Sõd̶eeba biawãra Cristod̶e ijãa b̶uase. Jomaurã kʉ̃ria b̶uase. Joma jãaduase. Jaradea ua b̶uabarimina, jomaurã ome sõbiad̶eeba b̶uase.

Hebreos 12:14

Jomaurã ome jirukaraayuwãe nureásturu. Maud̶e Dachi Mechiu baita biꞌia panásturu. Dachi Mechiu baita biꞌia nureewãed̶eeba ichi poyaa unud̶aabai.

1 Timoteo 4:12

Bichi kũudrãa b̶umina ab̶aumaa bid̶a ida kabirã́se. Maumaarã bichiba berrearuud̶eeba, ne wau b̶uud̶eeba, waabenarã biawãra kʉ̃ria b̶uud̶eeba, kĩra jipa b̶uud̶eeba, maud̶e Cristod̶e ijãa b̶uud̶eeba ãbarãmaa unubiáse saka panad̶ai panuu.

1 Corintios 10:14

Maud̶eeba mʉ ãbarã mʉa kʉ̃riakuabarii, Dachi Akõre kuenda juaba ne kaped̶aad̶a ida b̶ústuru.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

3 Juan 1:11

Ãba, chi kachirua waubadau kĩra waurã́se maumaarã biꞌia wause. Chi biꞌia waubarii Dachi Akõred̶ebʉ, maamina chi kachirua waubariiba Dachi Akõre adua b̶uu.

1 Corintios 1:10

Ãbarã, Dachi Mechiu Jesucristod̶eeba mʉʉba machimaa chi chuburia id̶iiruu ãbua biꞌia duanad̶amera. Machi kʉ̃risia kakawaa uru panad̶aabai panuu, maumaarã kʉ̃risia ab̶aud̶e ãbua biꞌia duanad̶ai panuu.

Romanos 14:19

Maud̶eeba jʉrʉd̶ai panuu ãbarã ome jirukaraayuwãe nuread̶ai baita. Maka chiya aid̶a panad̶ai biꞌia ijãad̶ai baita.

1 Corintios 14:1

Waabenarã biꞌia kʉ̃ria panásturu. Maud̶e Dachi Akõre Jauriba waubi b̶uu joma wau kʉ̃riásturu. Dachi Akõre baita berread̶ai aude kʉ̃riásturu.

1 Corintios 1:2

Mʉʉba nau karta b̶ʉʉruu chi ẽbẽrarã Dachi Akõred̶erã Corintod̶ebena baita. Jesucristod̶eeba Dachi Akõreba machi awara b̶usii ichi baita biꞌia nuread̶amera. Ara mau kĩra ichiba druacha joma Dachi Mechiu Jesucristomaa ʉtaa id̶ibadaurã awara b̶usii. Ichimaarã Mechiubʉ maud̶e Dachi Mechiubʉ.

Romanos 14:17

Dachi Akõreba ichi juad̶e panuurãmaa jarakau kãare kod̶ai panuu maud̶e kãare dod̶ai panuu. Maumaarã kʉ̃ria b̶uu ãchiba ichi Jaurid̶eeba jipa wau panad̶ai, jirukaraayuwãe panad̶ai maud̶e kĩrajʉʉ panad̶ai.

Hechos 9:14

Mau awara paare mechiurã trʉ̃d̶eeba nau puurud̶aa nee b̶uu chi bichid̶e ijãa nuree joma jidau uad̶oi baita.

1 Timoteo 2:8

Maud̶eeba, ãbarã araa ãbua imiiduucha mʉʉba kʉ̃ria b̶uu mukĩrarãba kʉ̃risia biad̶eeba ãchi jua ʉtaa jiraaduud̶e Dachi Akõremaa ʉtaa id̶id̶amera. Maud̶e kĩru panad̶aabai panuu maud̶e oa kachirua berrea panad̶aabai panuu.

1 Timoteo 1:14

Dachi Mechiu Jesucristoba ichi sõbiad̶eeba mʉ ãrea karibasii ichid̶e ijãamera maud̶e ichi kʉ̃ria uru b̶uamera.

Hechos 7:59

Mooba b̶atamaa panuud̶e Estebanba Dachi Akõremaa ʉtaa naka id̶isii: «Mʉ Mechiu Jesús, mʉ jauri adoese».