2 Timoteo 2:21 - Emberá Chamí

²¹ Dachi sid̶a ara mau kĩra panuu. Dachiba kachirua ida b̶uuduubʉrã, Dachi Mechiu baita biꞌia nuread̶ai. Maka dachid̶ebena ichiba ne poyaa waui maud̶e ne joma biꞌia waud̶ai baita nuread̶ai.

2 Timoteo 2:21 Referans Kwoze

2 Timoteo 3:17

Maka ẽbẽrarã Dachi Akõred̶erãba ne joma biꞌia wau kuitaad̶aped̶a poyaa wau panad̶ai.

Efesios 2:10

Dachi Akõreba dachi Jesucristod̶eeba chiwid̶i wausii ne bia wau panad̶amera. Mau ne biꞌia waud̶ai panuu, ichiba naed̶e b̶usii dachiba waud̶amera.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Juan 3:3

Chi Cristo kĩra b̶uai baita esed̶au b̶uu kachiruaswãe b̶uai baita nu b̶uabarii, Cristo kachiruaswãe nii kĩra.

2 Timoteo 2:20

De mechiud̶e paratu nee waud̶a duanuu maud̶e parata waud̶a duanuu. Maud̶e bakuru waud̶a maud̶e ioro kad̶a sid̶a duanuu. Waabenarã biꞌia panuud̶eeba barikia ewari baita panuuwãema, maamina waabena barikia ewari baita panuu.

Tito 3:8

Mau bed̶ea biawãrad̶eeba, mau ijãad̶ai panuu. Mʉʉba kʉ̃ria b̶uu bichiba mau ãrea jaradea b̶uai Dachi Akõred̶e ijãabadaurãba ne joma biꞌia wau wãd̶amera. Mau bed̶ea ãrea biꞌia b̶uu. Jomaurã karibabarii.

Hechos 9:15

Maamina Dachi Mechiuba jarasii: —Wãse. Mʉʉba ichi jʉrʉ adausii mʉ ʉ̃rʉbena berreamera judiowãerãmaa, ãchi reyrãmaa maud̶e israeld̶ebenarãmaa.

1 Pedro 1:7

mau biꞌiwãe panuud̶eeba unubid̶ai Jesucristod̶e biawãra ijãa panuu. Machiba ijãa panuu nee kĩra b̶uu. Nee wãsiaba dorrab̶aribibadau mau chi néeturu b̶eemera. Ara mau kĩra machi ãrea biꞌiwãe panuu jãadua panuud̶eeba unubi panuu Jesucristod̶e biawãra ijãa panuu. Mau ijãa panuu nee audeara biꞌia b̶uu nee wãꞌãebariid̶eeba. Machiba Jesucristod̶e biawãra ijãa panuu unubi panuud̶eeba, ichi unuuduud̶e Dachi Akõreba machi biꞌia unui, biꞌia jarai maud̶e chi mechiurã b̶ui.

1 Corintios 5:7

Maud̶eeba masa ẽesãabibarii chi chõra ãyaa jirataaduu kĩra mau kachirua wau b̶uu machi tãed̶ebena ãyaa duabʉ́isturu. Maka machi kachiruaswãe nuread̶ai, harina wid̶i perad̶a ẽesãabibariiwãe b̶uu kĩra. Machi mau kĩra nureabiai baita, Cristo dachi kachirua kakua biusii, Egiptod̶ebena wãsid̶aud̶e oeja beaped̶aad̶a kĩra.

Tito 3:14

Dachi chi Cristod̶e ijãabadaurãba biꞌia wau kuitaa wãd̶ai panuu chi nejarr barauwãe nuree aid̶ad̶ai baita. Maka ara dachi bari nuread̶aabai.

Tito 3:1

Ãbarãmaa kĩrababiáse nau iujãad̶ebena jaradea ua b̶uabadaurã juad̶e panad̶amera. Ãchiba jaraaduu ijãa waud̶ai panuu maud̶e ne joma biꞌia waud̶ai baita nuread̶ai panuu.

2 Corintios 9:8

Biawãra Dachi Akõreba ne joma machimaa ãrea poyaa deai. Maka ewaricha ne jomad̶e machiba uru nuread̶ai panuu biawãra uru panad̶ai maud̶e joma biꞌia waud̶ai baita.

1 Timoteo 6:11

Maamina bichiba Cristod̶e ijãa niid̶eeba joma maud̶ebena ãyaa wãse. Jipa nibase. Dachi Akõre baara wãse. Sõd̶eeba biawãra Cristod̶e ijãa b̶uase. Jomaurã kʉ̃ria b̶uase. Joma jãaduase. Jaradea ua b̶uabarimina, jomaurã ome sõbiad̶eeba b̶uase.

2 Timoteo 2:16

Dachi Akõre daad̶e kachirua nureerãba nebʉrʉbadau ida b̶use. Chi maka nureerã Dachi Akõred̶ebena aude kaitawẽ wãbadau.

2 Timoteo 4:11

Ab̶aburu ãba Lucas mʉ ome b̶uu. Bichi neeruud̶e ãba Marcos jʉrʉd̶e wãped̶a eneese. Mʉʉba Dachi Akõre baita wau b̶uu mauba aid̶ai b̶uu.