2 Timoteo 1:7 - Emberá Chamí

⁷ Dachi Akõreba dachi sõ wapea panabiabasii, maumaarã dachi poyaabarii panabiasii, waabenarã kʉ̃ria uru panabiasii, maud̶e dachi kakua saka kĩra jipa panad̶ai kuitaabiasii.

2 Timoteo 1:7 Referans Kwoze

Romanos 8:15

Machiba Dachi Akõre Jauri adausid̶aud̶e machi wapeabiabasii, chi chibari baita bari trajabarii makabarii kĩra. Maumaarã machi duanusii Dachi Akõre warrarã bad̶amera maud̶e «Chacha» ad̶amera.

1 Juan 4:18

Dachiba Dachi Akõre maud̶e joma ẽbẽrarã kʉ̃ria panuubʉrã, Dachi Akõreba kastikaid̶ebena wapead̶aabai panuu, chi biawãra kʉ̃riaba mau wapead̶ai wãꞌãebibariid̶eeba. Chi Dachi Akõreba dachi nebʉra kastikai wapea b̶uuba kuitaa b̶uu Dachi Akõreba ichi nebʉra kastikai. Ichiba Dachi Akõre maud̶e joma ẽbẽrarã wabid̶a biawãra kʉ̃ria b̶uuwãe.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Juan 14:27

»Mʉʉba machi sõd̶e jirukaraayuwãe duanubiai. Maamina mʉʉba makaabai, chi nau iujãad̶ebenarãba makabadau kĩra. Maud̶eeba ãrea jirukaraarã́sturu. Wapearã́sturu.

Lucas 10:19

Mʉʉba machimaa poyaabarii deasii jʉbawãe nii poyaad̶amera maud̶e dama ʉ̃rʉ, dusũri ʉ̃rʉ bid̶a poyaa tʉad̶amera. Ab̶au bid̶a machi poyaa kachirua waubai.

Hechos 1:8

Maamina Dachi Akõre Jauri machi baara b̶uad̶e neeruud̶e machiba ichi poyaabarii adaud̶ai. Mauba machiba Jerusalend̶e, joma Judea druad̶e, Samaria druad̶e maud̶e drua kaitawẽ nureed̶e mʉ ʉ̃rʉbena berread̶ai.

Romanos 5:5

Mau setawãema, maumaarã biawãra adaud̶ai. Maka kuitaa panuu Dachi Akõreba ichi Jauri dachimaa deasiid̶eeba. Ichi Jaurid̶eeba dachi sõd̶e kuitaabia b̶uu dachi biawãra ãrea kʉ̃ria b̶uu.

Hebreos 2:15

Jesusba jʉbawãe nii poyaasiid̶eeba, biud̶ai baita wapea nuread̶a ichiba joma karibakuasii. Ewaricha biud̶ai wapea panuud̶eeba ãchi kĩra nomaa panasid̶au bari trajabadaurã kĩra.

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

1 Corintios 2:4

Mʉʉba Jesús ʉ̃rʉbena jaradea b̶uasiid̶e mʉ kʉ̃risia kuitaad̶eeba maka waubasii machiba ijãad̶amera. Maumaarã Dachi Akõre Jauriba ichi poyaad̶eeba kuitaabiasii mau bed̶ea biawãra.

Lucas 24:49

Biawãra mʉʉba machimaa mʉ Chachaba ichi Jauri deai jarad̶a bʉi. Maud̶eeba machi nama Jerusalend̶e panásturu ab̶a ichi bajãad̶ebena poyaabarii adauduud̶aa.

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

Hechos 21:13

Maamina Pabloba jarasii: —¿Sakãe jẽa panuma? ¿Sakãe mʉ jãka kĩra nomaabi panuma? Ab̶aburu mʉ jʉ̃d̶ai baita b̶uwãema, maumaarã mʉ Mechiu Jesús kakua Jerusalend̶e biui baita b̶uu.

Colosenses 1:8

Ichiba daimaa jarasii machi Dachi Akõre Jaurid̶eeba biawãra chiya kʉ̃ria panuu.

Hechos 6:8

Dachi Akõreba ichi sõbiad̶eeba Esteban ãrea aid̶a b̶uasii. Ichi poyaabarii Estebanmaa deasii ẽbẽrarãba ne poyaa waud̶akau mechiu ẽbẽrarã tãed̶e wau b̶uamera.

Hechos 9:22

Maamina Sauloba ewaricha arakʉd̶e kuitaabiabachii Jesús biawãra Dachi Akõreba Dachi Karibabarii deai jarad̶a. Mauba Damasco puurud̶ebena judiorãba kuitaa kʉ̃risiad̶aabasii.

Lucas 8:35

Ẽbẽrarãba ichiad̶e neesid̶aud̶e chi mukĩra jai kachirua ãrea uru b̶uad̶a Jesús jʉ̃rʉ jãka akʉ b̶uu unusid̶au. Paru jʉ̃ped̶a kĩrabia b̶uasii. Maud̶eeba ẽbẽrarã perasid̶au.

Hechos 26:25

Maamina Pabloba jarasii: —Chi mechiu Festo, mʉ kĩranemawẽa b̶uu. Chi mʉʉba jara b̶uu biawãrabʉ maud̶e arakʉd̶e b̶uu.

Lucas 15:17

»Maabae kuitaasii kachirua waud̶ad̶eeba mau kĩra b̶uu. Maud̶e ara ichi istu jarasii: “Mʉ chacha baita trajabadaurã chiko ãrea bara duanuu, maumaarã mʉ nama jarrbaba biumaa b̶uu.

Hechos 26:11

Judiorã araa ãbua imibadau decha mʉʉba ãchi biꞌiwãe panabiabachii. B̶es ãrea ãchimaa Jesús ʉ̃rʉbena kachirua berreabiasii. Mʉʉba maarã joma kĩramaa b̶uasiid̶eeba ãibena druad̶ebena puurud̶e bid̶a jʉrʉ nibabachii.