2 Timoteo 1:13 - Emberá Chamí

¹³ Mʉʉba jipa jaradea b̶uad̶a kĩra jaradea b̶uase. Jesucristod̶e ijãa niid̶eeba, waabenarã kʉ̃ria nibase.

2 Timoteo 1:13 Referans Kwoze

Tito 1:9

Chi biawãra bed̶ea ichimaa jaradeaped̶aad̶a ãrea ijãa b̶uai b̶uu. Maka ichiba biawãra bed̶ea jipa jaradea b̶uud̶eeba ẽbẽrarã poyaa aid̶ai biꞌia ijãad̶amera maud̶e chi biawãra bed̶ea kachirua abadaurãmaa poyaa kuitaabiai maarãba biꞌiwãe kʉ̃risia panuu.

2 Timoteo 3:14

Maamina bichiba kuitaad̶a chi biawãra kʉ̃risia b̶uud̶eeba, maud̶e nibase. Bichiba kuitaa b̶uu bichimaa jaradeaped̶aad̶aba jipa jaradeaped̶aad̶abʉ.

Filipenses 4:9

Mʉʉba jaradead̶a, machiba mʉʉd̶eeba kuitaaped̶aad̶a, mʉʉd̶eeba ũriped̶aad̶a maud̶e unuped̶aad̶a joma wau panásturu. Maud̶e Dachi Akõre machi ome b̶uai maud̶e machi jirukaraayuwãe duanubiai.

Romanos 6:17

Naed̶e machi kachirua baita bari trajabadaurã basii. Maamina joma Dachi Akõre ʉ̃rʉbena jaradeaped̶aad̶a sõd̶eeba wau panuud̶eeba mʉʉba Dachi Akõremaa ichíturu kid̶ibai abarii.

2 Timoteo 2:2

Mʉʉba ẽbẽrarã ãrea daad̶e jaradea b̶uad̶a bichiba ũrisii. Ara mau jaradea b̶uad̶a bichia bid̶a waabenarã ãbarãmaa jarabʉise waabenarãmaa mau jaradead̶amera. Waabenarãba ãchi ijãad̶ai panuu maud̶e poyaa bia jaradead̶ai panuu.

Apocalipsis 3:11

Mʉ kãꞌãabariwãed̶e neei. Maud̶eeba machiba id̶ibae ijãabadau kĩra dauchia jãadua panásturu. Maka ab̶au bid̶a machi boro jũra jʉ̃barii ẽe adaud̶aabai.

Apocalipsis 3:3

Chi biawãra bed̶ea machiba ũriped̶aad̶a kĩrabásturu. Mau ãrea ijã́sturu. Kachirua ida b̶ud̶aped̶a Dachi Akõremaa waya nésturu. Machi kauwa nibabadauwãebʉrã mʉ kãꞌãabariwãed̶e neei machi kastikai baita nechiru kãꞌãabariwãed̶e neebarii kĩra.

1 Timoteo 1:14

Dachi Mechiu Jesucristoba ichi sõbiad̶eeba mʉ ãrea karibasii ichid̶e ijãamera maud̶e ichi kʉ̃ria uru b̶uamera.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.

Hebreos 10:23

Dachi Akõreba ichiba jarad̶a kĩra waubariid̶eeba dachiba kʉ̃risiabadau maud̶e jomaurãmaa jarabadau mau ab̶a bid̶a ida b̶ud̶aabai panuu.

2 Timoteo 1:14

Dachi Akõre Jauri dachi sõd̶e b̶uu. Maud̶eeba chi biawãra bed̶ea Dachi Akõreba bichimaa dead̶a ãrea nu b̶uase.

Romanos 2:20

Moisesba b̶ʉd̶a uru panuud̶eeba kʉ̃risia panuu joma kʉ̃risia kuitaa uru panuu maud̶e biawãra bed̶ea sid̶a kuitaa panuu. Maud̶eeba kʉ̃risia panuu chi kʉ̃risiaswãe nureerãmaa maud̶e chi wabid̶a ãrea adua nureerãmaa bid̶a poyaa jaradea panad̶ai.

Tito 2:1

Maamina bichiba chi biawãra bed̶ea jipa jaradea b̶uai b̶uu.

1 Timoteo 6:3

Ab̶auba ãyaa jaradearuubʉrã, Dachi Mechiu Jesucristoba jipa jaradead̶a makawãema aaruubʉrã, maud̶e dachi jipa nibad̶ai ʉ̃rʉbena sid̶a ãyaa jaradearuubʉrã,

Filipenses 1:27

Jipa nibásturu chi bed̶ea bia Cristo ʉ̃rʉbena jara b̶uu kĩra. Makarã mʉʉba machi ichiad̶e wãaruubʉrã, maebʉrã machi ome b̶uuwãed̶e machi ʉ̃rʉbena ũriiruubʉrã, kuitaai machiba arab̶au kʉ̃risiad̶eeba ãbua ãrea ijãa panuu maud̶e ãbua ãrea traja panuu mau bed̶ea bia kuitaabid̶ai baita.

1 Timoteo 1:10

junebena ome kãi topaneebadaurã baita, ãchi arab̶aurã ome mia pera waubadaurã baita, ẽbẽrarã jidaud̶aped̶a nedobʉibadaurã baita, setaa jarabadaurã baita, chi juez kĩraare setaa jarabadau baita maud̶e chi biawãra bed̶ea jara b̶uu waud̶akaurã baita.

Apocalipsis 2:25

bari dauchia jãadua panuud̶e, mʉʉd̶e ijãa panad̶ai mʉ neeruud̶aa.

Hebreos 4:14

Dachi Akõre Warr Jesús, dachi Paare Mechiu bajãad̶aa wãsii. Ichid̶e ijãa panuu a panuud̶eeba biawãra ijãa panad̶ai panuu.

Hebreos 3:6

Maamina Dachi Akõre warr Cristo baerã, mau ẽbẽrarã mechiubʉ. Ãchi ome joma arakʉd̶e wau b̶uu. Dachiba Cristod̶e ijãa panuubʉrã maud̶e ichid̶eeba adaud̶ai kĩrajʉʉ esed̶au panuubʉrã, ẽbẽrarã Dachi Akõred̶erãbʉ.

Tito 2:8

Biawãra bed̶ea jaradea b̶uase ab̶au bid̶a bichi ʉ̃rʉbena kachirua jararãad̶amera. Maka jaradea b̶uaibʉrã, bichi kĩramaabadaurã kĩrakayad̶ai. Ãchiba b̶aꞌãra bid̶a dachi poyaa kachirua jarad̶aabai.

1 Tesalonicenses 5:21

Joma mau kauwa ũrísturu, maamina ab̶a chi biáturu ijã́sturu.

Colosenses 1:4

Daiba ũri panuu machiba Jesucristod̶e ijãa panuu maud̶e joma ẽbẽrarã Dachi Akõred̶erã ãrea kʉ̃ria panuu.

2 Timoteo 1:1

Mʉ Pablobʉ. Dachi Akõreba kʉ̃riasiid̶eeba mʉ Jesucristoba bʉid̶a. Ichiba mʉ bʉisii Dachi Akõreba deai jarad̶a chokae b̶uai ʉ̃rʉbena jarad̶e wãmera. Mau chokae b̶uai Jesucristod̶ebena b̶uu.

2 Timoteo 4:3

Ewari ab̶a neeruud̶e ẽbẽrarãba biawãra bed̶ea ũri kʉ̃riad̶awẽa panad̶ai. Maumaarã ara ãchiba kʉ̃ria panuu maka waud̶ai. Maud̶eeba jaradeabadaurã ãrea jʉrʉd̶ai ãchiba ũri kʉ̃ria panuu jaradead̶amera.