2 Tesalonicenses 3:2 - Emberá Chamí

² Dachi Akõremaa ʉtaa id̶ísturu dai aid̶amera, ẽbẽra kachiruarãba kachirua wau kʉ̃ria panuud̶ebena. Chi nuree ẽbẽrarãba Cristod̶e ijãad̶ai kʉ̃riad̶akau.

2 Tesalonicenses 3:2 Referans Kwoze

Romanos 15:31

Ichimaa ʉtaa id̶ísturu Judea druad̶ebena Jesusd̶e ijãad̶akaurãba mʉ kachirua waurãad̶amera. Maud̶e ʉtaa id̶ísturu mʉʉba chi nejarra ẽbẽrarã Dachi Akõred̶erã Jerusalend̶ebenarã baita adoeruu biꞌia adaud̶amera.

Romanos 10:16

Maamina joma judiorãba chi bed̶ea bia Cristo ʉ̃rʉbena ijãad̶aabasii. Isaías kartad̶e naka b̶ʉ kub̶uu: «Dai Mechiu, daiba jaraped̶aad̶a ¿kaiba ijãasma?»

Hechos 28:24

Pabloba jarad̶a chi nureeba ijãasid̶au, maamina waabenarãba ijãad̶aabasii.

Hechos 14:2

Maamina judiorã Jesús ijãad̶akaurãba judiowãerãmaa chi ãbarã ʉ̃rʉbena kachirua kʉ̃risiabiasid̶au.

Hechos 13:50

Maamina judiorãba Dachi Akõre wapea nuree wẽrarã chi mechiurãmaa maud̶e mukĩra chi mechiurãmaa jarasid̶au Pablo maud̶e Bernabé kachirua waud̶amera. Maka ãchi puurud̶ebena duabʉisid̶au.

Hechos 13:45

Maamina chi judiorã karrarãba ẽbẽrarã ãrea ãchi ded̶e unusid̶aud̶e Pablo kakua sõd̶e jiwaa duaneesid̶au. Pabloba jaradea b̶uud̶e ãchiba seta abachid̶au maud̶e Pablo ʉ̃rʉbena kachirua berreabachid̶au.

Lucas 18:8

Mʉʉba jaraaruu: biawãra kãꞌãabariwãed̶e Dachi Akõreba karibai. Maamina mʉ, chi Ẽbẽra Ba B̶uad̶a neeruud̶e ¿nau iujãad̶e wabid̶a mʉ bed̶ea ijãa panuu unud̶e neei b̶uka?»

Mateo 23:23

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Menta kiruu, anís, comino Dachi Akõre baita awara b̶ubadau; mau 10d̶ebenacha, ab̶a. Maamina Moisesba b̶ʉd̶ad̶e chi aude b̶uu waud̶akau; waabenarã ome jipa waud̶akau, kĩra chuburiad̶akau maud̶e Dachi Akõred̶e ijãad̶akau. Maka waud̶ai panuu, machiba kiruu deabadau kĩra Dachi Akõremaa.

Mateo 17:17

Jesusba jarasii: —¡Machiba Dachi Akõred̶e ijãad̶akau! ¡Machi chi kachirua nuree! Machiba ijãad̶amera ¿sakaed̶aa mʉ dauchia jãadua b̶uaima? Warr namaa enésturu.

2 Timoteo 4:17

Maamina Dachi Mechiu mʉ ome b̶uasii. Mʉ poyaabarii deasii ichi bed̶ea jaramera. Maka joma judiowãerã aria panuuba ũrisid̶au. Maud̶e Dachi Mechiuba mʉ imama okarrd̶ebena karibasii.

1 Corintios 15:32

Éfeso puurud̶e Dachi Akõre bed̶ea jaradeai baita mʉ ãrea biꞌiwãe b̶uasii ãnimara kachirua nuree ome chĩo b̶uu kĩra. Biuped̶aad̶a chokae jiradud̶aabaibʉrã, ¿mʉ ãrea biꞌiwãe b̶uasiid̶eeba kãare biꞌia adausma? Biawãra dachi chokae jiradud̶aabaibʉrã, biꞌia b̶uu waud̶ai waabenarãba jarabadau kĩra: «Biꞌia kod̶ai, itua dod̶ai nu biud̶aid̶eeba».

Hechos 17:5

Maamina judiorã Jesusd̶e ijãawẽa nuree sõd̶e kachirua duaneesid̶au. Maud̶eeba ẽbẽra kachiruarã ãrea jʉrʉd̶aped̶a puuru kĩrubikabiad̶e wãsid̶au. Ãchi kʉ̃ria, Jasón ded̶e ed̶a wãd̶aped̶a, Pablo maud̶e Silas jidausid̶au jomaurã daad̶e ãchi nebʉra ichiad̶ai baita.