2 Tesalonicenses 2:7 - Emberá Chamí

⁷ Ʉ̃raud̶aa chi kachirua miru waumaa b̶uu, maamina chi ida b̶uwẽa b̶uuba mau ẽbẽra kachirua nii ida neebiwẽa b̶uu. Maka b̶uai ab̶a Dachi Akõreba chi ida b̶uwẽa b̶uu ãyaa adoeruud̶aa.

2 Tesalonicenses 2:7 Referans Kwoze

1 Juan 2:18

Mʉ warrarã, nau kaad̶ebena ewari wãꞌãeburuu. Machiba ũrisid̶au Cristo kĩramaabarii neei. Cristo kĩramaabadaurã id̶ibae barau. Maud̶eeba dachiba kuitaa panuu nau Dachi Akõre bed̶ea ewari wãꞌãeburuu.

Hechos 20:29

Mʉʉba kuitaa b̶uu mʉ wãsiid̶e ẽbẽra kachiruarã usa kachirua kĩra machi tãed̶e need̶ai ãbarã ãyaa wãbiad̶ai baita.

1 Juan 4:3

Maamina ab̶auba Jesucristo nau kakuad̶e neebasii aaruubʉrã, Dachi Akõre Jaurid̶eeba berrea b̶uuwãe. Chi Cristo kĩramaabariid̶eeba berrea b̶uu. Machiba ũrisid̶au Cristo kĩramaabarii neei b̶uu. Biawãra mau nau iujãad̶e b̶uu.

Apocalipsis 17:7

Maud̶e angelba mʉʉmaa nau id̶isii: «¿Sakãe kãare kʉ̃risiai aduama? Mau wẽra ʉ̃rʉbena ab̶auba kauwa ũrii b̶uu maud̶e chi ãnimara ʉ̃rʉ mau wẽra wãaruu akʉ b̶uu mʉʉba mau kauwa jarai. Maud̶e chi ãnimara boro 7 inii, maud̶e ichiba kachu 10 inii ʉ̃rʉbena biꞌia jarai.

Apocalipsis 17:5

Ichi daub̶ʉʉrʉd̶e trʉ̃ ab̶a ẽbẽrarãba kauwa ũrid̶akau b̶ʉ inibasii. Naka b̶ʉ inibasii: «Mʉ Babilonia chi puuru mechiubʉ. Mʉ wẽrarã aud̶uabadaurã nawebʉ, maud̶e ne joma Dachi Akõreba nau iujãad̶e kʉ̃riakau nawebʉ».

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

2 Tesalonicenses 2:6

Maud̶eeba kuitaa panuu kãareba mau ẽbẽra ida neebiwẽa b̶uu. Maamina ichi ewari neeruud̶e neei.