2 Pedro 1:16 - Emberá Chamí

¹⁶ Dachi Mechiu Jesucristo poyaabarii ʉ̃rʉbena maud̶e ichi waya neei ʉ̃rʉbena daiba machimaa jaradeasid̶aud̶e ara dai kʉ̃risiad̶eeba jaraped̶aad̶a jaradead̶aabasii. Maumaarã Dachi Mechiu Jesús kĩrawãrea ted̶echoa unuped̶aad̶ad̶eeba maka jaradeasid̶au.

2 Pedro 1:16 Referans Kwoze

1 Juan 4:14

Daiba ichi Warr unusid̶aud̶eeba jara panuu Dachi Bajãad̶ebena Akõreba mau biawãra bʉisii nau iujãad̶ebenarã karibamera.

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

1 Timoteo 1:4

Ãchimaa jarase nabẽraed̶ebena nebʉrʉ maud̶e dachi nabẽraed̶ebenarã trʉ̃ ãrea jaradeabadau ʉ̃rʉbena ãrea kʉ̃risiarãad̶amera. Maud̶eeba oa kachirua berrea duaneebiabarii. Mauba dachi aid̶akau Dachi Akõreba waubi b̶uu waud̶amera. Ab̶a ichi bed̶ea ijãa panuud̶eeburu poyaa waud̶ai.

1 Timoteo 4:7

Nabẽraed̶ebena nebʉrʉbadau kachirua b̶ee ida b̶use. Dachi Akõreba kʉ̃ria b̶uu kĩra nibai baita jʉrʉse.

1 Corintios 2:4

Mʉʉba Jesús ʉ̃rʉbena jaradea b̶uasiid̶e mʉ kʉ̃risia kuitaad̶eeba maka waubasii machiba ijãad̶amera. Maumaarã Dachi Akõre Jauriba ichi poyaad̶eeba kuitaabiasii mau bed̶ea biawãra.

Efesios 4:14

Makarã waa wãwa kĩra nuread̶aabai. Wãwaba barikia bed̶ea ijãabarii. Mau awara ẽbẽrarã setaa kũruad̶ai kuitaa nureeba jaradea panuud̶eeba, setaa ijãabiabadau pũatuba jãba ãyaa adoeruu kĩra. Maamina dachi mau jãba kĩra nuread̶aabai.

1 Corintios 1:17

Cristoba mʉ bʉibasii ẽbẽrarã boro ea b̶uamera, maumaarã bʉisii chi bed̶ea bia ichi ʉ̃rʉbena jaradeamera. Nau iujãad̶ebena kʉ̃risia kuitaad̶eeba jaradeawẽa b̶uu, Cristo cruzd̶e biud̶a poyaaswãe b̶eerãamera.

Apocalipsis 1:7

Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.

Judas 1:14

Enocba maarã ʉ̃rʉbena berreasii. (Adand̶ebena ab̶a Enocd̶aa ẽbẽrarã imiped̶aad̶arã 7 panasid̶au). Enocba Dachi Mechiu baita naka berreasii: «¡Ũrísturu! Dachi Mechiu ichid̶irã ãrea baara neei joma kastikakuai baita. Maud̶e joma ichi kʉ̃riad̶akaurã kastikakuai. Maka waui kachirua wausid̶aud̶eeba Ichi kʉ̃riad̶aabasiid̶eeba, maud̶e Ichi ʉ̃rʉbena kachirua ãrea berreasid̶aud̶eeba».

2 Tesalonicenses 2:9

Chi ẽbẽra kachirua nii Satanasba neebii. Mauba jʉbawãe nii poyaabariiba ẽbẽrarãba ne poyaa waud̶akau joma barikiu waukuai, ẽbẽrarãba Dachi Akõreba maka wau b̶uu kʉ̃risiad̶amera.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

2 Corintios 2:17

Daiba chi nejarra adaud̶ai baita Dachi Akõre bed̶ea jaradea nibad̶aabai ãreaba waubadau kĩra. Maumaarã Cristo ome panuud̶eeba Dachi Akõreba dai bʉisii. Maud̶e ichi daad̶e kʉ̃risia sõbiad̶eeba jaradeabadau.

Mateo 28:18

Maud̶e Jesús ãchi kaita neeped̶a jarasii: —Dachi Akõreba mʉʉmaa chi poyaabarii deasii bajãad̶e, maud̶e nau iorod̶e joma poyaa uru b̶uamera.

1 Tesalonicenses 2:19

Biawãra dai machi kakua kĩrajʉʉ panuu. Mau awara kuitaa panuu Dachi Mechiu Jesucristo neeruud̶e daiba machi jipa panuu ichimaa unubid̶ai. Maud̶e ichi daad̶e machi kakua dai kĩrajʉʉ panad̶ai.

Filipenses 3:21

Ichi neeruud̶e chi kakua biui b̶uu ãyaa waui. Maud̶e ichi kakua kĩra ãrea biꞌia b̶eei. Ichi poyaabariid̶eeba maka waui. Mau poyaabariid̶eeba ichiba ne joma poyaai.

1 Corintios 5:4

Machi araa ãbua imiiduud̶e mʉ jaurid̶e machi ome b̶uai. Maud̶e Dachi Mechiu Jesusba chi poyaabarii machimaa deai,

1 Corintios 2:1

Ãbarã, mʉʉba Dachi Akõre ʉ̃rʉbena machimaa jaradead̶e wãsiid̶e berrea mipitaa berrea b̶uud̶eeba mʉ kʉ̃risia kuitaad̶eeba ne ab̶a bid̶a jaradeabasii.

1 Corintios 1:23

Maamina daiba Cristo cruzd̶e biud̶a jaradea panuu. Mau bed̶ea judiorãba biꞌia ũrid̶akau. Judiowãerãba mau biꞌiwãe b̶uu kʉ̃risiabadau.

1 Corintios 1:7

Machiba Dachi Mechiu Jesucristo unud̶ai baita esed̶au panuumisa, Dachi Akõreba ichi Jaurid̶eeba dea b̶uu joma uru panuu.

Juan 17:2

Bichiba joma ẽbẽrarã mʉ juad̶e b̶usii, chi mʉʉmaa dead̶akad̶acha ewaricha chokae duanubiamera.

Mateo 24:27

Chi Ẽbẽra Ba B̶uad̶a neeruu jomaurãba unud̶ai ʉmada neebariared̶ebena ʉmada b̶aebariid̶aa bajãa puri chebibarii unubadau kĩra.

Mateo 24:3

Jesús Olivo ead̶e akʉ b̶uasiid̶e ichi baara nibabadaurã ichimaa wãd̶aped̶a ãchi du ab̶a naka id̶isid̶au: —Daimaa jarase, Dachi Akõre de mechiu ¿mau sakaed̶e makaima? ¿Kãared̶eeba kuitaad̶aima bichi neeruu? Maud̶e ¿kãared̶eeba kuitaad̶aima nau ewari baribai?

Mateo 16:28

Mʉʉba biawãra jaraaruu: chi nuree nama panuu biud̶ai naed̶e unud̶ai mʉ, chi Ẽbẽra Ba B̶uad̶a Dachi Akõreba ichid̶irã ichi juad̶e ua b̶uu neeruu.

Mateo 16:27

Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

Mateo 17:1

6 ewari bad̶akare Jesusba Pedro, Santiago maud̶e chi ãba Juan ãchi du ab̶a ea ʉtʉ nub̶uud̶aa adoesii.

Marcos 13:26

»Mau ewarid̶e mʉ, chi Ẽbẽra Ba B̶uad̶a jʉ̃rʉarad̶e poyaabarii baraa neeruu maud̶e kĩrawãrea baraa neeruu unud̶ai.

Marcos 14:62

Jesusba panausii: —Mʉʉbʉ. Machiba mʉ, chi Ẽbẽra Ba B̶uad̶a unud̶ai, Dachi Akõreba joma poyaabarii jua biare akʉ b̶uu maud̶e jʉ̃rʉarad̶e neeruu.

Lucas 1:2

Joma mau waud̶a unuped̶aad̶aba nebʉrʉsid̶au maud̶e jaradeasid̶au. Maabae chi karta b̶ʉped̶aad̶aba mau b̶ʉsid̶au.

Lucas 9:43

Dachi Akõre poyaad̶eeba chi makad̶a unusid̶aud̶e jomaurãba pera duanuu kĩra duaneesii. Ichiba wau b̶uu kakua ẽbẽrarãba wabid̶a ãrea kʉ̃risia panuud̶e Jesusba ichi baara nibabadaurãmaa jarasii:

2 Pedro 2:3

Chi nejarra kʉ̃ria panuud̶eeba, machi chi nejarra adaud̶ai baita ara ãchi kʉ̃risiad̶eeba setaa jaradead̶ai. Ãrea basii Dachi Akõreba maarã nebʉra ichiai baita b̶uu, maud̶e kãꞌãabariwãed̶e biawãra maarã kastikai.