2 Corintios 9:6 - Emberá Chamí

⁶ Nau kĩrabásturu: «B̶aꞌãra uuruuba b̶aꞌãra junai. Ãrea uuruuba ãrea junai».

2 Corintios 9:6 Referans Kwoze

Lucas 6:38

Waabenarãmaa ne kaebea deásturu. Makaburu Dachi Akõreba machimaa ãreáturu deai, ẽ ãrea waabiruped̶a purrubarii kĩra. Ichiba deai machiba waabenarãmaa deabadau kĩra».

2 Corintios 9:10

Dachi Akõreba netaa deabarii uud̶amera. Kod̶ai baita bid̶a deabarii. Netaa ãrea deabarii kĩra uud̶amera, ichiba joma ãrea machimaa deai waabenarã ãrea aid̶ad̶amera. Maud̶e jipa wau panuud̶eeba ne biꞌia ãrea unud̶ai, ne uud̶a ãrea chaubarii kĩra.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

Gálatas 5:16

Maud̶eeba mʉʉba jaraaruu: Dachi Akõre Jaurid̶eeba nibásturu. Makaaruubʉrã machi kakuaba kachirua wau kʉ̃ria b̶uu waud̶aabai.

Gálatas 3:17

Mʉʉba naka jara b̶uu: Dachi Akõreba Abraham ome bed̶ea deasii. 430 año basiid̶e Moisesmaa ichiba jarad̶a b̶ʉbisii. Maamina ichiba Abraham ome naed̶e bed̶ea dead̶a mau Moisesba b̶ʉd̶a ãyaa b̶uubasii. Ãyaa b̶ud̶a basirã ichiba karibai ad̶a waubai basii.

1 Corintios 15:20

Maamina Dachi Akõreba biawãra Cristo biu b̶uad̶ad̶ebena chokae jiradubisii. Biuped̶aad̶ad̶ebena ichi chi naa chokae jiradud̶abʉ. Maka Dachi Akõreba unubisii joma ichid̶irã sid̶a biawãra chokae jiradud̶ai.

Efesios 4:17

Machiba biawãra waud̶amera, mʉʉba Dachi Mechiu trʉ̃d̶eeba nau jaraaruu: waa Dachi Akõre adua nuree kĩra nibarã́sturu. Ãchi kʉ̃risia biꞌiwãe nureed̶eeba nibabadau.

1 Corintios 7:29

Ãbarã, mʉʉba nau jara kʉ̃ria b̶uu: nau ewari wãꞌãemaa b̶uu. Maud̶eeba jãabae chi ãbarã kima uru nureerãba Dachi Akõre od̶e wã panuu ida b̶ud̶aabai panuu ãchi wẽra ome nuread̶ai baita. Maumaarã chi kima wãꞌãe b̶uu kĩra nuread̶ai panuu.

Colosenses 2:4

Joma mau mʉʉba jara b̶uu ab̶auba machimaa setaa jararãamera, setaa mipitaa berrearuuba.

1 Corintios 1:12

Mau ʉ̃rʉbena biꞌia jaraaruu. Waabenarã machid̶ebenarãba jarabadau: «Mʉ Pablod̶e». Waabenarãba jarabadau: «Mʉ Apolosd̶e». Waabenarãba jarabadau: «Mʉ Pedrod̶e». Maud̶e waabenarãba jarabadau: «Mʉ Cristod̶e».

2 Corintios 9:5

Maud̶eeba mʉʉba naarã ãbarãmaa chi chuburia id̶isii mʉ naa machimaa jarad̶e wãd̶amera machiba sõbiad̶eeba dead̶ai aped̶aad̶a joma ped̶amera. Maka mʉ neeruud̶e mau joma uru panad̶ai. Mauba unubiad̶ai daiba deábad̶e ad̶awẽa panuu, maumaarã machiba sõbiad̶eeba deasid̶au.