2 Corintios 9:15 - Emberá Chamí

¹⁵ Biawãra Dachi Akõreba mau dead̶a kakua dachiba Dachi Akõremaa ichíturu kid̶ibai ad̶ai panuu. Mau dead̶a aude biꞌia b̶uud̶eeba dachiba poyaa kuitaa jarad̶aabai saka b̶uu.

2 Corintios 9:15 Referans Kwoze

2 Corintios 2:14

Dachi Akõremaa bichíturu kid̶ibai ad̶ai panuu. Jesucristoba joma poyaaped̶a jomaurã daad̶e puurud̶e dai adoeruu maud̶e daid̶eeba druacha ichi ʉ̃rʉbena kuitaabi b̶uu. Cristo ʉ̃rʉbena jaradea panuud̶e Dachi Akõre daad̶e dai kera kĩra tuwaa panuu. Maud̶e ichi ʉ̃rʉbena kuitaai, mau kera kĩra b̶uu. Chi Dachi Akõreba karibai panuu ẽbẽrarãba maud̶e chi karibaabai panuu ẽbẽrarãba mau kera ʉ̃badau.

Efesios 5:20

Dachi Mechiu Jesucristo trʉ̃d̶eeba ewaricha dachi Bajãad̶ebena Akõremaa ne joma baita ichíturu kid̶ibai ásturu.

Juan 3:16

»Dachi Akõreba ẽbẽrarã ãrea kʉ̃riakua b̶uud̶eeba ichi Warr ab̶a nii nau iujãad̶aa bʉisii joma ichid̶e ijãaduu ichid̶ebena awara nurearãad̶amera, maumaarã ichi ome ewaricha chokae nuread̶amera.

Romanos 8:32

Biawãra Dachi Akõreba ichi Warr wãakaabasii maumaarã joma dachi kakua ida beabisii. Maud̶eeba ¿ichiba dachimaa joma biꞌia Cristo ome ãbua deabaika?

Santiago 1:17

Ʉtareeba Dachi Bajãad̶ebena Akõreba ne joma ãrea biꞌia b̶ee dachimaa deabarii. Ichiaburu ne joma bajãad̶e koabadau waukuasii. Maarã ewaricha arab̶aud̶e koad̶akau. Maumaarã Dachi Akõre kĩra awara b̶uakau maud̶e diware waukau.

1 Corintios 15:57

Maamina Dachi Akõremaa ichíturu kid̶ibai ad̶ai panuu Dachi Mechiu Jesucristod̶eeba biud̶ai ʉ̃rʉbena karibasiid̶eeba.

Apocalipsis 4:9

Chi Dachi Akõre ewaricha chokae nii ichi rey ãkaud̶e akʉ b̶uu. Ara maud̶e chi chokae nureeba jara panuu ichi mipitaa nii, ichimaa biꞌia jara panuu, maud̶e ichíturu kid̶ibai a panuu. Mau jaraaduucha chi 24 mechiu chõrarã Dachi Akõre ewaricha chokae nii daad̶e õdarrd̶e kopaneed̶aped̶a ãrea kʉ̃riabadau. Ãchi boro jũra jʉ̃badau chi rey ãkau jãkaa duanud̶aped̶a naka jarabadau:

Romanos 6:23

Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

2 Corintios 9:11

Biawãra Dachi Akõreba machimaa ne joma ãrea deai waabenarã sõbiad̶eeba poyaa aid̶ad̶amera. Maabae machiba dai ome chi nejarra urubʉiduu ʉ̃rʉbena ãbarãba Dachi Akõremaa ichíturu kid̶ibai ad̶ai.

Romanos 5:15

Biawãra ẽbẽra ara ab̶aba kachirua waud̶a kakua joma biusid̶au. Maamina ẽbẽra june ab̶ad̶eeba Dachi Akõreba ichi sõbiad̶eeba chokae b̶uai bari deasii joma chokae nuread̶amera. Jesucristoba ichi sõbiad̶eeba dachi baita waud̶a, chi Adanba kachirua waud̶a audeara bibuara b̶uu. Maud̶eeba chi Dachi Akõreba bari dea b̶uu, Adanba kachirua waud̶a kakua need̶a kĩra b̶uwãema.

Juan 1:16

Ichi mechiu niid̶eeba, sõbiad̶eeba dachi aid̶a b̶uabachii maud̶e sõbiad̶eeba aid̶abarii.

Lucas 2:14

«¡Dachi Akõre ʉtʉ bajãad̶e b̶uu ãrea biꞌia nii! ¡Dachi Akõreba biꞌia unu b̶uu ẽbẽrarã nau druad̶e jirukaraayuwãe panad̶ai!»

Lucas 2:38

Mau chõodraa Jesús akõrerã kaita wãped̶a Dachi Akõremaa ichíturu kid̶ibai jarasii. Maabae Dachi Akõre Jerusalén puuru karibai ewari esed̶au panuurãmaa chi wãwa ʉ̃rʉbena berreasii.

2 Corintios 9:14

Dachi Akõreba ichi sõbiad̶eeba machi ãrea aid̶asii maarã aid̶ad̶amera. Maud̶eeba ãchiba machi ãrea kʉ̃ria panuud̶eeba Dachi Akõremaa machi baita ʉtaa id̶i panad̶ai.