2 Corintios 9:13 - Emberá Chamí

¹³ Machiba maka aid̶a panuuba, maka unubi panuu chi bed̶ea bia Cristo ʉ̃rʉbena biawãra ijãa panuu. Sõbiad̶eeba chi ãbarãmaa dea panuu maud̶e jomaurã aid̶a panuu. Maud̶eeba Dachi Akõremaa biꞌia berread̶ai.

2 Corintios 9:13 Referans Kwoze

Hebreos 13:16

Kĩrabad̶ai ida b̶urã́sturu biꞌia waud̶ai baita maud̶e machiba uru panuud̶eeba chiya aid̶ad̶ai baita. Joma mau Dachi Akõreba biꞌia unu b̶uu ãnimara baa deaduu kĩra.

Mateo 5:16

Ara mau kĩra ẽbẽrarã daad̶e biꞌia wáusturu ãchiba Dachi Akõre bajãad̶e b̶uumaa biꞌia berread̶amera.

Gálatas 1:24

Maud̶eeba mʉ kakua ãchiba Dachi Akõremaa biꞌia berreasid̶au.

2 Corintios 2:12

Mʉ Troas puurud̶aa wãsii chi bed̶ea bia Cristo ʉ̃rʉbena jarai baita. Aria Dachi Mechiuba poraa ewaaruu kĩra wausii ẽbẽrarãba ũri kʉ̃riad̶amera.

1 Pedro 4:11

Ab̶auba jaradearuubʉrã, Dachi Akõre bed̶ea jaradea b̶uud̶eeba kauwa jaradeai b̶uu. Ab̶auba waabena aid̶aaruubʉrã, Dachi Akõreba dea b̶uu poyaabariid̶eeba aid̶ai b̶uu. Ne joma wáusturu jomaurãba Jesucristod̶eeba Dachi Akõremaa biꞌia berread̶amera. Ichíturu ewaricha biꞌia berread̶ai panuu. Biꞌia b̶uu ne joma ichi juad̶e uru b̶uai. Ãrea biꞌia b̶uu maka b̶uai.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

Hebreos 10:23

Dachi Akõreba ichiba jarad̶a kĩra waubariid̶eeba dachiba kʉ̃risiabadau maud̶e jomaurãmaa jarabadau mau ab̶a bid̶a ida b̶ud̶aabai panuu.

Hebreos 5:9

Ne jomad̶e biꞌia wausiid̶eeba, joma chi ũribaba ũriiduu poyaa karibai b̶uu ewaricha chokae nuread̶amera.

Hebreos 4:14

Dachi Akõre Warr Jesús, dachi Paare Mechiu bajãad̶aa wãsii. Ichid̶e ijãa panuu a panuud̶eeba biawãra ijãa panad̶ai panuu.

Hebreos 3:1

Ãbarã, machi ẽbẽrarã Dachi Akõred̶erãd̶eeba maud̶e ichiba machi iukuasiid̶eeba, Jesucristo ʉ̃rʉbena ãrea biꞌia kauwa kʉ̃risiásturu. Dachiba biawãra ijãa panuu abadau, Ichi Dachi Akõreba bʉid̶a maud̶e Paare Mechiu.

1 Timoteo 6:12

Cristod̶e ne joma ijãa b̶uase biꞌia chĩobarii kĩra. Maka bichi ewaricha Dachi Akõre ome chokae b̶uai. Ãrea panuurã daad̶e, bichiba Cristod̶e ijãa b̶uu jarasiid̶e Dachi Akõreba bichi iusii mau chokae b̶uai uru b̶uamera.

2 Corintios 10:5

Joma kʉ̃risia biꞌiwãe b̶ee maud̶e dachi nejuakayad̶eeba Dachi Akõre ʉ̃rʉbena ida kuitaabiad̶akau, daiba chi seta kuitaabiabadau. Jʉ̃a uru paneeduu kĩra daiba chi maka kʉ̃risia nuree jipa kʉ̃risiabiabadau Cristod̶e ijãad̶amera.

2 Corintios 8:4

Daimaa ãrea chi chuburia id̶isid̶au ãchia bid̶a ãbarã Jerusalend̶ebena aid̶ad̶ai baita.

Hechos 11:18

Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

Hechos 4:21

Maabae chi karrarã aria duanuuba maucha jarasid̶au maka jarabirãad̶amera. Ãchiba jidau panasmina kastikad̶ai baita, ẽbẽrarã kakua wapea duanuud̶eeba ida b̶usid̶au. Ẽbẽrarã joma Dachi Akõremaa biꞌia berreasid̶au,

Juan 15:8

Machi Dachi Akõreba kʉ̃ria b̶uu ãrea wauduubʉrã unubid̶ai biawãra mʉ baara nibabadau. Maka unubid̶ai mʉ Chacha chi mechiu nii.

Lucas 6:46

»¿Sakãe mʉ “Dai Mechiu, Dai Mechiu” abadama maamina mʉʉba jara b̶uu machiba waud̶akama?

Mateo 9:8

Mau unusid̶aud̶e chi aria duanuu pera duanuu kĩra bara b̶eesii. Maamina Dachi Akõremaa bed̶ea bia berreasid̶au, ichiba chi poyaabarii ẽbẽramaa deasiid̶eeba, kakua kachirua panuu aribiabimera.

Romanos 10:16

Maamina joma judiorãba chi bed̶ea bia Cristo ʉ̃rʉbena ijãad̶aabasii. Isaías kartad̶e naka b̶ʉ kub̶uu: «Dai Mechiu, daiba jaraped̶aad̶a ¿kaiba ijãasma?»

Romanos 12:8

Chi nureerãmaa deasii ãbarã aid̶a panuud̶eeba biꞌia ijãad̶amera. Maka dead̶akasiibʉrã, ãbarã aid̶ad̶ai panuu biꞌia ijãad̶amera. Chi nureerãmaa deasii ne kaebea dea panuud̶eeba waabenarã aid̶ad̶amera. Maka dead̶akasiibʉrã, sõbiad̶eeba dead̶ai panuu. Chi nureerãmaa deasii chi ijãabadaurã jaradea ua b̶uabarii nuread̶amera. Maka dead̶akasiibʉrã, jipa wau nuread̶ai panuu. Maud̶e chi nureerãmaa deasii waabenarã kĩra chuburiad̶amera. Maka dead̶akasiibʉrã, kĩrajʉʉd̶eeba kĩra chuburiad̶ai panuu.

Romanos 15:31

Ichimaa ʉtaa id̶ísturu Judea druad̶ebena Jesusd̶e ijãad̶akaurãba mʉ kachirua waurãad̶amera. Maud̶e ʉtaa id̶ísturu mʉʉba chi nejarra ẽbẽrarã Dachi Akõred̶erã Jerusalend̶ebenarã baita adoeruu biꞌia adaud̶amera.

2 Corintios 9:14

Dachi Akõreba ichi sõbiad̶eeba machi ãrea aid̶asii maarã aid̶ad̶amera. Maud̶eeba ãchiba machi ãrea kʉ̃ria panuud̶eeba Dachi Akõremaa machi baita ʉtaa id̶i panad̶ai.

1 Timoteo 6:13

Joma chokae nuree Dachi Akõred̶eeba chokae nuree. Ara mau Dachi Akõre daad̶e mʉʉba jaraaruu bichiba wau b̶uamera. Jesucristo daad̶e bid̶a arab̶aud̶e jaraaruu ichiba Poncio Pilato daad̶e chi bed̶ea biawãra jarad̶a kĩra. Mʉʉba nau jaraaruu: mʉʉba jaradea b̶uu kĩra jipa wau b̶uase, bichi ʉ̃rʉbena kachirua jarabiamaaba ab̶a Dachi Mechiu Jesucristo neeruud̶aa.