2 Corintios 7:7 - Emberá Chamí

⁷ Dai ichi need̶a kakúaburu kĩrajʉʉd̶aabasii, maumaarã machi kakua kĩrajʉʉsid̶au. Ichiba jarasii machi ome b̶uasiid̶e machiba ichi kĩrajʉʉbiped̶aad̶a. Mau awara nebʉrʉsii machiba dai unu kʉ̃ria panuu, kachirua wauped̶aad̶a kakua kĩra nomaaba jẽa panuu maud̶e kʉ̃riad̶eeba mʉ ʉ̃rʉbena kʉ̃risia panuu. Maud̶eeba mʉ ãrea kĩrajʉʉsii.

2 Corintios 7:7 Referans Kwoze

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.

2 Corintios 5:2

Maud̶eeba nau kakuad̶e panuud̶e dachiba chi bajãad̶ebena kakua ãrea adaud̶ai kʉ̃ria panuu.

2 Juan 1:4

Mʉʉba bichi warrarãd̶ebena chi nuree unusii. Mʉ kĩrajʉʉsii ãchi chi biawãrad̶e nibasid̶aud̶eeba, Dachi Bajãad̶ebena Akõreba jara b̶uu kĩra.

Santiago 5:17

Elías dachi kĩra ẽbẽra basii. Mauba sõd̶eeba Dachi Akõremaa ʉtaa id̶isii kui cherãamera. Maabae Israel druad̶e año õbea y medio kui cheebasii.

Hebreos 2:1

Maud̶eeba chi biawãra bed̶ea ũriped̶aad̶ad̶e kauwa ãrea nibad̶ai panuu ãyaa wãrãad̶amera.

1 Tesalonicenses 3:8

Jãabae dai biawãra sõbia paneesid̶au, kuitaa panuud̶eeba machi Dachi Mechiud̶e dauchia jãadua panuu.

1 Tesalonicenses 3:6

Maamina Timoteo machimaa b̶uad̶a daimaa neesii. Machiba Cristod̶e ijãa panuu ʉ̃rʉbena maud̶e machi kʉ̃ria ʉ̃rʉbena ichiba biꞌia jarad̶e neesii. Ichiba jarasii machiba kʉ̃riad̶eeba wabid̶a dai kĩrababadau maud̶e unu kʉ̃ria panuu, daiba machi unu kʉ̃ria panuu kĩra.

Colosenses 2:5

Mʉ machi ome b̶uuwãemina mʉ kʉ̃risia machi ome b̶uu. Mʉʉba kuitaa b̶uu machi ãbua biꞌia panuu maud̶e Cristod̶e ãrea ijãa panuu. Maud̶eeba kĩrajʉʉ b̶uu.

Filipenses 1:20

Cristo kakua mʉ ne ab̶a bid̶a nejasiai kʉ̃riawẽa b̶uu, maumaarã ichi ʉ̃rʉbena berreai baita kĩra nejasiaswãe b̶uai kʉ̃ria b̶uu. Maka mʉʉba jomaurãmaa Cristo chi mechiu nii kuitaabiai, ewaricha wau b̶uabarii kĩra. Chokae b̶eeruubʉrã maebʉrã biuruubʉrã, mʉʉba kʉ̃ria b̶uu jomaurãba mʉʉd̶eeba kuitaad̶ai Cristo chi mechiu nii.

2 Corintios 8:16

Mʉʉba Dachi Akõremaa ichíturu kid̶ibai abarii. Ichiba Titomaa sõd̶eeba machi kʉ̃ria b̶uabisii mʉʉba machi kʉ̃ria b̶uu kĩra.

2 Corintios 2:9

Mʉʉba naed̶e mau ʉ̃rʉbena b̶ʉsii machiba biawãra joma mʉʉba jarad̶a ijãad̶ai kuitaai baita.

Romanos 1:12

Mʉʉba kʉ̃ria b̶uu dachiba arab̶au Cristod̶e ijãa panuud̶eeba chiya aid̶a panad̶ai karr chaarea panad̶ai baita.

Hechos 11:23

Mau Bernabé ẽbẽra jipa nibasii. Jesusd̶e ãrea ijãa nibasii; Dachi Akõre Jaurid̶eeba nibasii. Bernabé Antioquiad̶e neesiid̶e unusii Dachi Akõreba ichi sõbiad̶eeba ãbarã kariba b̶uu. Maud̶eeba ichi ãrea kĩrajʉʉsii. Maud̶e ichiba jomaurãmaa jarabachii sõd̶eeba ewaricha Dachi Mechiud̶e biawãra ijãad̶amera. Maka b̶uud̶e ãreaba Dachi Mechiud̶e ijãasid̶au.

Lucas 22:44

Jesús ãrea kĩra nomaa b̶uud̶eeba Dachi Akõremaa waya ʉtaa id̶isii. Maud̶e ichi jʉa oa kĩra iorod̶e b̶aesii.]

Mateo 26:75

Maud̶e Pedroba kĩrabasii Jesusba jarad̶a: «Eterr birui naed̶e bichiba b̶es õbea mʉ unukau ai». Maabae Pedro awara wãped̶a ãrea kĩra nomaa jẽasii.

Mateo 5:4

Biꞌia panuu machi kĩra nomaa nuree, Dachi Akõreba mau kĩra nomaa wãꞌaebiid̶eeba.

1 Corintios 5:2

Maamina machiba wabid̶a kʉ̃risia panuu waabenarã audeara bibuara nuree. ¿Mau ẽbẽraba kachirua waud̶a kakua ãrea kĩra nomaa nuread̶ai panuuwãeka? ¿Mau machid̶ebena ãyaa b̶ud̶ai panuuwãeka?

2 Corintios 1:4

Ne jomad̶e ãrea biꞌiwãe panuud̶e ichiba dai sõ kĩrajʉʉbiabarii waabenarã ãrea biꞌiwãe nuree sõ kĩrajʉʉbiad̶amera ichiba dai sõ kĩrajʉʉbiad̶a kĩra.

2 Corintios 7:6

Maamina Tito neesiid̶e dai kĩrajʉʉbiasii Dachi Akõreba chi kĩra nomaa nuree kĩrajʉʉbiabariid̶eeba.

2 Corintios 7:8

Mʉʉba karta naa b̶ʉd̶aba machi kĩra nomaabia b̶uasmina mʉ kĩra nomaawẽa b̶uu. Biawãra naed̶e kĩra nomaa b̶uasii. Kuitaasii machi awawarrea kĩra nomaa panasmina mau kartad̶eeba machi kĩra nomaabiasii.