2 Corintios 6:9 - Emberá Chamí

⁹ Dai ãrea unu panumina ãchiba unud̶akau ẽbẽrarã kĩra waubadau. Dai biumaa panuu kĩra kʉ̃risia panumina wabid̶a chokae panuu. Dai soaba pebadamina bead̶akau.

2 Corintios 6:9 Referans Kwoze

Romanos 8:36

Dachi Akõre bed̶ead̶e naka b̶ʉ kub̶uu: «Ewaricha bichi kakua dai bea kʉ̃ria panuu. Oeja beabadau kĩra bead̶ai kʉ̃risia panuu».

2 Corintios 11:6

Mʉ biꞌia berreakamina, biawãra bed̶ea ãrea kuitaa nii. Mau biawãra bed̶ea daiba nejomad̶eeba machimaa arakʉd̶e kuitaabiasid̶au.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

1 Corintios 4:9

Maamina mʉʉba kʉ̃risia b̶uu dai chi Jesucristoba bʉid̶arã Dachi Akõreba jomaurã audeara kaebeu b̶usii. Dai chi juezba jomaurã daad̶e beabíbad̶e a b̶uu kĩra panuu. Ẽbẽrarãba maud̶e angelerãba, jomaurãba ichia panuu biud̶ai kuitaad̶ai baita.

2 Corintios 5:11

Dachi Mechiu wapea panuud̶eeba daiba ẽbẽrarãmaa jara panuu ichid̶e ijãad̶amera. Dachi Akõreba kuitaa b̶uu daiba kʉ̃risia biad̶eeba jaradea nibaped̶aad̶a. Mʉʉba kʉ̃risia b̶uu machia bid̶a mau kuitaa panuu.

1 Corintios 15:31

Ãbarã, machiba Dachi Mechiu Jesucristod̶e ijãa panuu baita mʉ biawãra kĩrajʉʉ b̶uu. Biawãra jaraaruu: ewaricha kʉ̃risia b̶uu ẽbẽrarãba mʉ chi Jesús bed̶ea kakua bead̶ai.

1 Corintios 11:32

Maamina Dachi Mechiuba dachi ichiaruud̶e, dachi kastikabarii nau iujãad̶ebenarã ome nebʉra bara b̶uu arãamera.

Romanos 15:19

maud̶e ẽbẽrarãba ne poyaa waud̶akau wau b̶uud̶eeba maka aid̶asii. Mʉʉba Dachi Akõre Jauri poyaad̶eeba joma mau wausii. Jerusalend̶ebena Ilírico druad̶aa bed̶ea bia Cristo ʉ̃rʉbena mʉʉba joma jaradeai b̶uad̶amaa jaradeasii.

Hechos 25:26

Maamina mʉʉba biawãra kuitaawẽe kãare b̶ʉi ichi nebʉra ʉ̃rʉbena, chi aude mechiuba mau kuitaamera. Maud̶eeba ichi machi daad̶e eneebisii. Judiorã rey Agripa, mʉʉba kʉ̃ria b̶uu bichiaburu biꞌia ũrii. Maka machiba ichimaa ãrea id̶id̶aped̶a mʉʉba dachi aude mechiu baita ichiba kachirua waud̶a poyaa kartad̶e b̶ʉi.

Hechos 25:19

Maumaarã ichi jidea panasid̶au ãchiba ijãa panuu awara jaradea b̶uu kakua maud̶e ẽbẽra Jesús abadau kakua. Mau biusmina Pabloba jara b̶uu chokae b̶uu.

Hechos 19:26

Maamina machiba unu panuu maud̶e ũri panuu jãu Pabloba Dachi Akõre kĩra nii juaba kaped̶aad̶a chi biawãrawãe abarii. Ichiba nau Efesod̶e maud̶e beraa joma Asia druad̶e maka jara nii. Maud̶eeba ãrea ẽbẽrarãba Artemisa ida b̶uuduu.

Hechos 17:18

Aria chi nuree kuitaa nuree Epicureod̶ebenarã maud̶e Estoicod̶ebenarã berrea paneesid̶au Pablo ome. Maarã chi nureeba jarabachid̶au: «¿Kãare jara kʉ̃ria b̶uma, nau chi bed̶ea ãrea niiba?» Waabenarãba jarabachid̶au: «Daimaarã, ãibena druad̶ebena akõre mechiu ʉ̃rʉbena jaradea b̶uu». Maka jarabachid̶au Pabloba jaradeamaa b̶uad̶ad̶eeba chi bed̶ea bia Jesús ʉ̃rʉbena maud̶e jaradeabachid̶eeba dachi biud̶a maad̶akare waya chokae jiradud̶ai.