2 Corintios 5:9 - Emberá Chamí

⁹ Maud̶eeba nau kakuad̶e panuud̶e maebʉrã biuduubʉrã, dachiba joma wau kʉ̃ria panuu Dachi Akõreba dachi biꞌia unumera.

2 Corintios 5:9 Referans Kwoze

Colosenses 1:10

Maka machi poyaa jipa nibad̶ai Dachi Mechiuba kʉ̃ria b̶uu kĩra maud̶e ne jomad̶e ichiba machi biꞌia unui. Biawãra machiba ne joma biꞌia wau panuud̶eeba nejõo biꞌia chaubarii kĩra duanad̶ai maud̶e Dachi Akõre biꞌia unu kãribad̶ead̶ai.

Romanos 14:18

Chi maka Cristo baita ne waubadaurã Dachi Akõreba biꞌia unu b̶uu. Ẽbẽrarã bid̶a mau biꞌia unubadau.

2 Pedro 3:14

Ãbarã, machiba joma mau esed̶au panuud̶eeba ne jomad̶e kĩra jipa nibásturu Dachi Akõreba machi biꞌia, kachiruaswãe, ichi ome jirukaraayuwãe panuu unumera.

1 Timoteo 4:10

Mau baita dachi traja panuu. Ãrea biꞌiwãe panuu, Dachi Akõre chokae b̶uuba jomaurã poyaa karibai kuitaa panuud̶eeba. Biꞌia jaraaruubʉrã, chi ichid̶e ijãaduu karibabarii.

1 Tesalonicenses 4:11

Maud̶e jʉrʉ́sturu jomaurã ome jirukaraayuwãe duanad̶ai baita. Waabenarã nebʉrad̶e panarã́sturu. Machi juaba trajásturu daiba jaraped̶aad̶a kĩra.

1 Tesalonicenses 4:1

Mau awara ãbarã, daiba machimaa jaradeasid̶au saka Dachi Akõre daad̶e nibad̶ai panuu ichiba biꞌia unumera. Dachi Mechiu Jesús trʉ̃d̶e daiba machimaa chi chuburia id̶i panuu, ara mau kĩra nibad̶amera. Biawãra machiba maka waumaa panuu, maamina biꞌia wáusturu.

1 Corintios 15:58

Maud̶eeba ãbarã mʉa kʉ̃riakuabarii, ãrea ijãa panásturu. Dachi Mechiuba kʉ̃ria b̶uu ãrea wau kãribad̶eásturu. Machiba kuitaa panuu Dachi Mechiu baita wau panuu, machiba bari wau panuuwãe.

Romanos 15:20

Biawãra chi bed̶ea bia Cristo ʉ̃rʉbena mʉʉba jaradea kʉ̃ria b̶uu chi wabid̶a ũrid̶akaurãmaa. Ab̶auba jaradea b̶uumaa mʉ traja kʉ̃riawẽma.

Romanos 14:8

Chokae panuud̶e Dachi Mechiu baita chokae panuu. Maud̶e biuduud̶e Dachi Mechiu baita biud̶ai. Maka chokae panuubʉrã maebʉrã biuped̶aad̶abʉrã Dachi Mechiud̶ebʉ.

Hechos 10:35

Maumaarã puuruchabena ichi wapeaba jipa wau nuree biꞌia unubarii.

Hebreos 12:28

Dachi Akõre jua wãꞌãekaud̶e panad̶aid̶eeba ichimaa bichíturu kid̶ibai ad̶ai panuu. Ãrea wapea panuud̶eeba ichimaa biꞌia berread̶ai panuu ichiba kʉ̃ria b̶uu kĩra,

Hebreos 4:11

Maud̶eeba dachiba aude jʉrʉd̶ai panuu Dachi Akõreba kʉrrjĩrubiaimaa wãd̶ai baita. Makarã ab̶a bid̶a b̶aebai chi nabẽrarã ijãaped̶aad̶a b̶aeped̶aad̶a kĩra.

Colosenses 1:29

Mau baita mʉ kʉrrjĩruwẽa traja b̶uu Cristoba ichi poyaabarii ãrea dea b̶uud̶eeba.

2 Corintios 5:8

Maka dachi jirukaraayuwãe maud̶e wapead̶awẽa panuu. Dachi nau kakuad̶ebena wã kʉ̃ria panuu Dachi Mechiu baara nuread̶ai baita.

2 Corintios 5:6

Maud̶eeba ewaricha dachi jirukaraayuwãe maud̶e wapead̶awẽa panuu. Dachiba kuitaa panuu nau kakuad̶e panuud̶e Dachi Mechiu b̶uumaa panuuwãe.

Juan 6:27

Trajarã́sturu chiko b̶eraabarii nedod̶ai baita. Maumaarã trajásturu chi Dachi Akõre ome ewaricha chokae b̶uabibarii chiko nedod̶ai baita. Mau mʉ, chi Ẽbẽra Ba B̶uad̶aba deai. Dachi Akõreba mʉ mau baita b̶usii.

Efesios 1:6

Ichi sõbia ãrea b̶uud̶eeba dachi karibasii ichiba kʉ̃ria b̶uu Warrd̶eeba. Mau baita ichimaa biꞌia berread̶ai panuu.