2 Corintios 5:17 - Emberá Chamí

¹⁷ Biawãra ab̶a Cristo ome b̶uubʉrã, ichi chi naed̶e b̶uad̶a kĩra b̶uuwãe maumaarã ichi ẽbẽra chiwid̶i nii.

2 Corintios 5:17 Referans Kwoze

Juan 3:3

Jesusba ichimaa jarasii: —Mʉʉba bichimaa biawãra jaraaruu: wãwa adaubarii kĩra, waya chiwid̶i b̶eewẽebʉrã, Dachi Akõre juad̶e poyaa b̶uabai ichid̶irã baara.

Gálatas 6:15

Dachi Akõreba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Ichiba ẽbẽra wid̶i waud̶a biꞌia unu b̶uu.

Romanos 8:1

Jãabae Dachi Akõreba ne ab̶a bid̶a nebʉra barau awẽma, dachi Cristo Jesús ome panuud̶eeba.

Efesios 2:10

Dachi Akõreba dachi Jesucristod̶eeba chiwid̶i wausii ne bia wau panad̶amera. Mau ne biꞌia waud̶ai panuu, ichiba naed̶e b̶usii dachiba waud̶amera.

1 Corintios 1:30

Maawẽa Dachi Akõreba machi Jesucristo ome ãbua b̶usii. Maka Cristod̶eeba Dachi Akõreba ichi kʉ̃risia kuitaa dachimaa kuitaabiasii. Ichiba dachi jipa b̶usii, ara ichi baita biꞌia b̶usii, maud̶e kachiruad̶ebena karibasii.

Juan 15:5

»Mʉ uva bakurubʉ. Machi mʉ bakuru juabʉ. Chi mʉ baara nuree Dachi Akõreba kʉ̃ria b̶uu ãrea waud̶ai, mʉ machi baara niid̶eeba. Machiba mʉʉswãe Dachi Akõre baita poyaa waud̶aabai.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Romanos 7:6

Maamina Moisesba b̶ʉd̶ad̶eeba panad̶a dachi ena paneesid̶au. Maud̶ebena biusiid̶eeba jãabae Dachi Akõre baita biꞌia waud̶ai ichi Jaurid̶eeba. Waya kʉ̃risiad̶aabai Moisesba b̶ʉd̶ad̶eeba maka waud̶ai.

2 Corintios 5:16

Maud̶eeba nau iujãad̶ebenarãba waabenarã ichiabadau kĩra jãabae daiba maka ichiad̶akau. Naed̶e daiba Cristo ʉ̃rʉbena maka kʉ̃risia panasmina jãabae maka waud̶akau.

Juan 3:5

Jesusba panausii: —Mʉʉba bichimaa biawãra jaraaruu: baniad̶eeba maud̶e Dachi Akõre Jaurid̶eeba b̶ited̶ebena neewẽebʉrã, Dachi Akõre juad̶e poyaa b̶uabai ichid̶irã baara.

Efesios 2:15

Moisesba b̶ʉd̶aba ne ãrea waubiabachii judiorã, judiowãerã awara b̶ui baita. Maamina Cristo biud̶ad̶eeba Moisesba b̶ʉd̶a awara b̶usii puuru wid̶i ab̶ad̶e duanad̶amera maud̶e ãbua jirukaraayuwãe duanad̶amera.

Gálatas 3:28

Mau jara b̶uu judio griego ome arab̶aud̶e panuu, chibari baita bari trajabarii chi chibariswãe nii ome arab̶aud̶e panuu, maud̶e mukĩra wẽra ome arab̶aud̶e panuu. Joma machi ẽbẽra ab̶a nii kĩra nureebʉ, Jesucristo ome ãbua nureed̶eeba.

Juan 15:2

Chi mʉ bakuru jua chaud̶akau ichiba joma tarikuai, maamina chi bakuru jua chaubadau kauwa tarikuabarii aude chaud̶amera.

Juan 17:23

Mʉ ãchi ome b̶uud̶eeba maud̶e bichi mʉ ome b̶uud̶eeba dachi joma ãbua chi kakua ab̶a nii kĩra panad̶ai. Maka nau iujãad̶e nureeba kuitaad̶ai bichiba mʉ bʉisii maud̶e kuitaad̶ai bichiba ãchi kʉ̃ria b̶uu mʉ kʉ̃ria b̶uu kĩra.

Juan 14:20

Mʉ neeruud̶e machiba kuitaad̶ai mʉ, mʉ Chacha ome b̶uu, machi mʉ baara panuu maud̶e mʉ machi baara b̶uu.

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

Mateo 12:33

»Nejõo biꞌia chauruubʉrã kuitaabadau bakuru bia b̶uu. Maamina biꞌia chauwẽebʉrã kuitaabadau mau bakuru chi biawãe b̶uu. Bakuru chi nejõod̶eeba kuitaabadau.

Mateo 24:35

Bajãa maud̶e iujãa waa b̶uabai, maamina mʉ bed̶ea biawãra ewaricha b̶uai.

1 Corintios 13:11

Mʉ wabid̶a kaebe nibasiid̶e warr cheke kĩra berreabachii maud̶e warr cheke kĩra kʉ̃risiabachii. Maamina sĩbãra basiid̶e warr cheke kĩra b̶uad̶a ida b̶usii.

2 Corintios 5:19

Biawãra Cristod̶eeba Dachi Akõreba nau iujãad̶ebenarã ichi ome waya ãbua duanabiasii. Dachiba kachirua wauped̶aad̶a joma perdonasii. Maud̶e mau bed̶ea ichi ome biꞌia b̶uai ʉ̃rʉbena daimaa deasii jaradead̶amera.

2 Corintios 12:2

Cristod̶e ijãabarii ẽbẽra ab̶a mʉʉba unubarii. Año 14 basiid̶e, Dachi Akõreba mau ãba bajãad̶aa ichi b̶uumaa adoesii. Mʉʉba adua b̶uu Dachi Akõreba ichi chi kakua adoe b̶uasii maebʉrã ab̶aburu ichi jauri adoe b̶uasii. Dachi Akõréburu mau kuitaa b̶uu.

Filipenses 4:21

Joma ẽbẽrarã Dachi Akõred̶erã Jesucristo ome nuree biꞌia panábad̶e a jarásturu. Ãbarã mʉ ome panuurã bid̶a biꞌia panábad̶e a jarabʉi panuu.

Romanos 16:7

Mʉ ãbarã judiorã Andronicomaa maud̶e Juniamaa ara mau kĩra jarásturu. Waabenarã biꞌia kuitaa panuu maarã Cristoba bʉid̶arã. Mʉʉba Cristod̶e ijãai naed̶e maarãba ijãasid̶au.

Romanos 16:11

Mʉ ãba judio Herodionmaa jarásturu mʉʉba kʉ̃ria b̶uu ichi biꞌia b̶uai. Narciso ded̶ebenarã Dachi Mechiud̶e ijãa nureerãmaa jarásturu mʉʉba kʉ̃ria b̶uu ãchi biꞌia duanad̶ai.

Romanos 16:3

Neekau Priscilamaa maud̶e ãba Aquilamaa jarásturu mʉʉba kʉ̃ria b̶uu maarã biꞌia panad̶ai. Ãchiba mʉ ome arab̶au traju Jesucristod̶e wau panuu.

Romanos 16:9

Ãba Urbanomaa jarásturu mʉʉba kʉ̃ria b̶uu ichi biꞌia b̶uai. Ichiba dai ome ãbua Jesucristo ʉ̃rʉbena jaradea b̶uu. Ãba Estaquismaa bid̶a ara mau jarásturu. Ichi sid̶a mʉʉba kʉ̃ria b̶uu.

Romanos 16:10

Ãba Apelesmaa jarásturu mʉʉba kʉ̃ria b̶uu ichi biꞌia b̶uai. Ichiba unubisii Cristo biawãra ijãa b̶uu. Joma Aristóbulo ded̶ebenarãmaa bid̶a ara mau kĩra jarásturu.

Lucas 5:38

Maud̶eeba uva b̶aa wid̶i ãnimara e waud̶a wid̶id̶e tʉd̶ai panuu. Maka omea ãrea dauchia jãadua panad̶ai.