2 Corintios 5:14 - Emberá Chamí

¹⁴ Cristoba dai kʉ̃ria b̶uud̶eeba ichiba kʉ̃ria b̶uu wau panuu. Mau kʉ̃risiad̶aped̶a biawãra kuitaa panuu Ẽbẽra Ab̶a biusii jomaurã kakua. Maud̶eeba Dachi Akõre daad̶e joma biusid̶au.

2 Corintios 5:14 Referans Kwoze

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

Romanos 5:15

Biawãra ẽbẽra ara ab̶aba kachirua waud̶a kakua joma biusid̶au. Maamina ẽbẽra june ab̶ad̶eeba Dachi Akõreba ichi sõbiad̶eeba chokae b̶uai bari deasii joma chokae nuread̶amera. Jesucristoba ichi sõbiad̶eeba dachi baita waud̶a, chi Adanba kachirua waud̶a audeara bibuara b̶uu. Maud̶eeba chi Dachi Akõreba bari dea b̶uu, Adanba kachirua waud̶a kakua need̶a kĩra b̶uwãema.

Mateo 20:28

Ara mau kĩra mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

1 Pedro 1:8

Machiba Jesucristo unud̶akamina mau kʉ̃ria panuu. Ʉ̃raud̶aa unud̶awẽa panumina ichid̶e ijãa panuu. Ichi kakua ãrea kĩrajʉʉ panuu. Maka kĩrajʉʉ panuud̶eeba mau kĩrajʉʉ saka b̶uu, poyaa kuitaa jarad̶awẽa panuu.

Juan 1:29

Mau norema Juanba Jesús ichimaa neeruu unusiid̶e naka jarasii: «¡Ichiásturu! Jãu Dachi Akõre oeja chekebʉ. Ichid̶eeba Dachi Akõreba nau iujãad̶ebenarãba kachirua waubadau perdonabarii.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

2 Corintios 3:9

Biawãra mau Moisesba b̶ʉd̶aba ẽbẽrarã biud̶ai panuu jara b̶umina ãrea biꞌia b̶uu. Maamina Dachi Akõreba bed̶ea chiwid̶i dead̶a aude bibuara b̶uu. Mauba kuitaabi b̶uu saka Dachi Akõreba dachi nebʉraswãe nuree abarii.

Hebreos 2:9

Maamina Jesús unu panuu. Dachi Akõreba ichi angelerã audeara nau iujãad̶e kaebeu b̶usii. Dachi Akõreba ichi sõbiad̶eeba maka wausii Jesús jomaurã kakua biumera. Ãrea biꞌiwãe b̶uaped̶a biusiid̶eeba Dachi Akõreba ichi biꞌia b̶usii maud̶e chi mechiu b̶usii.

Tito 3:3

Biawãra naed̶e dachia bid̶a kʉ̃risia biꞌiwãe panasid̶au, Dachi Akõred̶e ijãad̶aabai panasid̶au, biꞌiwãe kʉ̃risia panasid̶au. Dachiba kachirua wau kʉ̃ria nuree maud̶e kĩrajʉʉ wau kʉ̃ria nuree, chibari baita bari trajabarii kĩra joma waubachid̶au. Barikia kachiruad̶e nibabachid̶au, waabenarãba uru panuu kakua sõd̶e kachirua panabachid̶au, waabenarãba dachi kĩramaabachid̶au, maud̶e dachiba waabenarã kĩramaabachid̶au.

1 Timoteo 5:6

Maamina pẽdrãaba barikia wau b̶uai jʉrʉʉruubʉrã, chokae b̶umina biud̶a kĩra b̶uu.

1 Corintios 16:22

Barikiuba Dachi Mechiu Jesucristo kʉ̃riawẽebʉrã, Dachi Akõreba mau ẽbẽra nebʉra barau ai. ¡Uche, Dachi Mechiu!

1 Timoteo 2:6

Ara ichi ida beabisii ẽbẽrarã joma kariba b̶uai baita. Dachi Akõreba b̶ud̶a ewarid̶e mau kuitaabisii.

Colosenses 2:13

Cristod̶e ijãad̶ai naed̶e machi biu panasid̶au kachirua wau waubachid̶aud̶eeba. Maud̶e dachi kakuaba kachirua wau kʉ̃ria b̶uu waubachid̶au. Maamina Dachi Akõreba machi Cristo baara chokae duanubiasii. Joma dachiba kachirua wauped̶aad̶a ichiba perdonasii.

Efesios 6:24

Mʉʉba kʉ̃ria b̶uu Dachi Akõreba ichi sõbiad̶eeba joma Dachi Mechiu Jesucristo biawãra ãrea kʉ̃ria nuree aid̶a b̶uai. Biꞌia b̶uu maka b̶uai.

Juan 11:25

Jesusba jarasii: —Mʉ biud̶arã chokae jiradubiabarii maud̶e chokae b̶uai deabarii. Barikiuba mʉʉd̶e ijãaruubʉrã, biurumina ewaricha Dachi Akõre ome chokae nibai.

1 Corintios 2:14

Maamina Dachi Akõre Jauriba kuitaabi b̶uu chi Dachi Akõre Jauriwãe niiba kuitaai kʉ̃riakau, ichimaarã biꞌiwãe b̶uud̶eeba. Maud̶e poyaa kuitaakau, ab̶a Dachi Akõre Jaurid̶éburu kuitaai b̶uud̶eeba.

1 Juan 5:19

Dachiba kuitaa panuu dachi Dachi Akõred̶e. Maud̶e kuitaa panuu joma nau iujãad̶e Dachi Akõred̶e ijãad̶akaurã jʉbawãe nii juad̶e duanuu.

2 Corintios 3:7

Dachi Akõreba Moisesmaa ichi ley mokara peed̶ead̶e deasiid̶e, ichi ted̶echoaba Moisés kĩedarrmaa jẽratĩusii. Maud̶eeba israeld̶ebenarãba Moisés kĩedarr poyaa ichiad̶aabasii. Mau kĩrawãrea b̶uu bikãa wãꞌãemaa b̶uasmina wabid̶a poyaa ichiad̶aabai panasid̶au. Biawãra Dachi Akõreba ichi kĩrawãreaba unubisii mau Moisesba b̶ʉd̶a ãrea biꞌia b̶uu. Maamina ichiba bed̶ea chiwid̶i dead̶a ichi Jauriba kuitaabi b̶uud̶eeba ¿Moisesba b̶ʉd̶a audeara aude biꞌia b̶uwẽka?

Romanos 2:2

Dachiba kuitaa panuu Dachi Akõreba chi kachirua waubadaurã kastikabarii, chi bed̶ea biawãraba.

Juan 5:25

Mʉʉba biawãra jaraaruu: chi ewari neei b̶uad̶a jãabae neesii. Id̶iid̶eeba biud̶a kĩra nureeba mʉ, Dachi Akõre Warr bed̶ea ũrid̶ai. Chi mʉʉd̶e ijãaduu chokae panad̶ai.

Hechos 18:5

Maka b̶uud̶e Silas maud̶e Timoteo Macedonia druad̶ebena neesid̶au. Maad̶akare Pabloba ewaricha Dachi Akõre bed̶ea jaradea b̶uabachii. Ichiba judiorãmaa jarabachii Jesús biawãra Dachi Akõreba Dachi Karibabarii deai jarad̶a.

Lucas 24:29

Maamina ãchi baara b̶eemera ãrea chi chuburia id̶isid̶au: —Kiumaa b̶uud̶eeba wãrã́se. Dai baara b̶eese. Maud̶eeba ãchi baara b̶eesii.

Lucas 15:32

“Maamina biꞌia b̶uu bichi ãba waya dachimaa neeruu, kĩrajʉʉ waud̶ayu. Ichi biu b̶uad̶a chokae jiradusii; barikiad̶e wã b̶uad̶a dachiba waya unusid̶au”».

Romanos 6:6

Dachiba kuitaa panuu dachi kʉ̃risia chõra biusii Cristo baara cruzd̶e jirab̶uped̶aad̶a kĩra. Maka dachi kʉ̃risia chõraba nau kakuaba kachirua wau kʉ̃ria b̶uu waa poyaa waubiibai. Dachi waa kachirua baita bari trajabadaurãwãema.

Romanos 6:13

Machi kakuamaa ida kachirua waubirã́sturu. Maumaarã ara machi Dachi Akõremaa deásturu. Machi kachiruad̶e biu panad̶a Dachi Akõre baita chokae paneesid̶au. Maud̶eeba machi chi kakua Dachi Akõremaa deásturu jipa waud̶ai baita.

Colosenses 3:3

Maka nibad̶ai panuu, Cristo ome biud̶akare ichi ome chokae panuud̶eeba. Mau waabenarã ẽbẽrarãba kuitaad̶akau. Maamina Cristo Dachi Akõre ome chokae b̶uud̶eeba, machi sid̶a Dachi Akõre ome chokae panuu.